رواية ابيض واسود الفصل الثالث بقلم مني محمود بركات
عامله اي وجيجي عامله اي
الحمد لله يا حبيبي كويسين انت عامل اي وماما
الحمد لله بس زعلان منك عشان كدة متصل اعاتبك
زعلان مني انا !! ليه يا بابا أنا عملت اي
مزعله ماما ليه
أنا !! والله ما زعلتها حتي احنا أنهاردة متكلمناش خالص زعلتها أمتي بقا
اتصلت عليكي كتير كان غير متاح اتصلت علي مؤمن وعرفت منه انك روحتي تباتي عند حماتك عشان هو هيبات في الشغل
مجتيش هنا ليه بدل ما تتعبي حماتك معاكي يا بنتي عدمتي بيت ابوكي يعني وبعدين مش كبرنا بقا علي أننا نخاف نقعد لوحدنا ولا اي
ردت بصوت مخڼوق
يا بابا أنا مش بتعبها هي اصلا طول الوقت لوحدها وبتقولي كتير اجي واقعد معاها وبعدين انا اه كبرت بس كمان مش انا بس ال بخاف مؤمن كمان بېخاف علينا لما يكون هيبات برة أنا مش فاهمه أنا عملت اي غلط بس
ما هي المشكله انك مش فاهمه انتي عملتي اي أنا قلتلك من الاول يا صبري هتكلمها هتحرقلنا دمنا علي الفاضي
ليه بس يا ماما أنا والله ما فاهمة اي مزعل حضرتك اوي كدة
نجاة
اللي مزعلني أن اللي هيتكلم هيقول تربيتك حتة بت واحدة وتربيتها زفت وبتدلع مرة تعبانه مش بتعمل اكل قال الحمل تعبها مرة مخليه حماتها تخدمها مرة تخلي واحدة تعملها الشقه ودلوقتي قال خاېفه تبات لوحدها ف تطب علي حماتها انتي اي مبتحسيش حرام عليكي هتطفشي الراجل منك ومن عمايلك
اهدي بس يا نجاة مش كدة هي متقصدش ومؤمن بيحبها وفاهم كدة
نجاة
بلا تقصد بلا متقصدش أنا هقوم اشوف ورايا اي الكلام معاها ممنوش فايدة طول عمرها مش بتشوف نفسها غلطانة ولازم تقاوح وخلاص هي حرة اللي بيشيل اربه مخرومة يتحمل هو اللي يحصله بقا
صبري
ينفع كدة يا علا
علا پبكاء
أنا عملت اي كل اللي هي بتقوله دا مؤمن متفهمه ومش بيزعل بالعكس مقدر تعبي وبيخاف عليا فين المشكله أنا مش فاهمه لما ابقي اجي اكلمكم واقولكم أن مؤمن أو طنط مزعلني ابقو سمعوني كل الكلام دا
وقفل التلفون قبل ما علا ترد فضلت علا واقفه في البلكونة شويه ودموعها نازله بصه للتلفون مش عارفه تعمل اي مش فاهمه هي غلطت في اي مفروض تعتذر عنه ميادة حست ان علا اتاخرت وقفت ع باب البلكونة لاقت التلفون في ايديها ف ندهت عليها
لفت علا واول ما شافت ميادة دموعها شدتها ل حضنها وهي بتهديها
اي يا حبيبتي كل الدموع دي في اي بس ... طب ماما وبابا كويسين حد تعبان ولا حاجة
علا بصوت مخڼوق
كويسين يا طنط مفيش حاجة ماما بس زعلانة مني شويه عشان مكلمتهاش طول اليوم وأنا بضايق لما تزعل مني كدة
طب بس بس اهدي وبطلي عياط يا عبيطة انتي ... شويه كدة تكون هديت واتصلي اعتذريلها وهي هتكلمك عادي ع طول احنا كدة بنطلع نطلع وننزل علي مفيش
تعالي يلا كملي قهوتك وروقي كدة عشان خاطري
ابتسمت ابتسامه خفيفه
حاضر يا حبيبتي يلا
دخلت علا معاها بس فكرها مشغول ومش عارفه هتفضل في دوامة الضغط النفسي اللي طوها عمرها فيها دي لحد أمتي ... بصت ل نيجار وهي نايمة ودموعها نزلو اكتر پخوف علي بنتها خاېفه تطلع صورة من امها
