رواية بتات العروسة الفصل الاول بقلم أميرة سليمان
انت في الصفحة 1 من صفحتين
الفصل الاول
...تعرفي كيف مازال على عرس خمسة أيام بس سنة كاملة مخطوبة و اني نشري و نلف و كل شي اخترته كان على حب سنة كاملة ب خريفها ب صيفها جهزت كل شي نبيه ل درجت بوي باع قطعة أرض صغيرة على خاطر مصاريف عرسي ما خليت شي في خاطري كل شي كامل و مكمل ب البدلة الصغيرة البدلة الكبيرة كل شي في داري واتي و مصكر و مغلف فرحانه خلاص كملت و عرسي قرب و اخيرا كنت نراجي بس أمته نأخد ولد خالتي قداش كنت نراجي فرغت داري و خليت دولاب و حطيت كل بتاتي فيها و صكرتها و امشيت مش ب نقيس الفيلو نشبح كويس أو لا ارفعنا بوي و خوتي كانوا ف خدمتهم قست الفيلو و أمي تقول مشاء الله على بنتي مشاء و كنت حق ربي قريب نطير اطلعنا قريب مغرب من البوتيك و احنا في طريق إذن العشاء و بابا أنزل يصلي و هاتفه كان يرن و يرجع يرن لين جاي أمي قاتله هاتفك من بكري يرن القى عمي و خوالي و جيران متصلين كلهم اول ما رد بوي جارنا قاليه ب حرف الواحد دار بنتك انحرقت روحنا جري طريق كلها نقول إن شاء الله مش داري لين أوصلنا للحوش نشبح في روشن داري محروق و دخان طالع منه بوي اعطاني كف قالي اكيد ناسيه مكيف زي العادة أو خيط شحن و اني نحلف لا و نبكي و نعيط في الشارع و بوي لين دموعه نزلوا حكم 50 الف حق الحاجات و البضاعة رفعوني للعيادة يجروا بيه النفس نقطع عليه و الغريب ما القوش ماصة أو اي شي بس القوا شيشة بنزينه صغيرة ملوحة و كانت من فعل فاعل جابني بوي قعمزني قالي قولي مني بس ل يعرف اليوم احنا ماشين لل محل قعمزت نفكر ليل كله و نبكي و نربط في الأحداث مع ساعة 3 الفجر و اني ماشيه للحمام و نبكي و
