رواية وشم على حواف القلوب الفصل التاسع بقلم ميمى عوالى

ربنا و لا تحمل علينا اصرا كما حملته على الذين من قبلنا
وشم على حواف القلوب
الفصل التاسع 
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
بمنزل بكر .. كانت تجلس بدر و لبيبة و الوجوم يعتلى وجهيهما و كانت نرجس تحاول استجواب زين و تقول _ يا زين .. خالتى سمعتك و انت بتقول ان ابويا عاوز يتجوز يعنى خلاص كلنا عرفنا بس لو عرفنا هى مين .. يمكن نقدر نتصرف و نوقف الجوازة قبل ما تحصل
زين _ يا بنتى مافيش الحديت ده من اصله و لا جواز و لا غيره انتو ليه مش عاوزين تصدقوا بس

بدر بترصد _ طب كنت بتحدت مين وقت اما سمعتك
زين و هو يهرب من عينيها _ واحد زميلى فى الكلية و كان بيقول لى ان ابوه هيتجوز
بدر باصرار _ بس انى سمعتك و انت كنت بتقول ابويا مش ابوك يا زين 
ليجفل زين من مجلسه ممتعضا و هو يقول _ يا امة مش معقول ابدا اللى انتى عاملاه فيا ده هو انى عيل صغير قدامك و عماله بتقررى فيا 
نرجس بتودد _ يعنى يرضيك ان ابوك بعد العمر ده كلاته يتجوز على امك و امى برضيك يا زين
بدر پغضب _ لا و كتاب الله ما يحصل ابدا ده انى اسود عيشته و عيشة اللى جابوه
لبيبه بهدوء _ عيب اكده يا بدر
بدر پحده _ انتى لسه بتدافعى عنيه بعد كل ده و اللا انتى خلاص اخدتى على الذل و قلة القيمة و مش فارق معاكى ما هو سبق و عملها و اتجوزنى عليكى و انتى رضيتى و عيشتى و ما فرقش معاكى لكن انى لاا انى مايتجوزش عليا ابدا 
زين بخفوت _ مايصحش اكده يا امة 
بدر _ اومال ايه اللى يصح انها تتفرج و تسكت و هو بيتجوز عليها من تانى 
لبيبة _ سيبها يا زين لو ديتها تتكلم لها كلمتين و تزعق شوية عشان تفش غلها .. سيبها 
بدر پغضب _ ليه .. مچنونة انى اياك يا لبيبة 
لبيبة _ لا يا بدر مش مچنونة بس حتى لو مچنونة يا بدر اوعاكى تغلطى فى بكر قدام ولاده
بدر بذهول _ انتى لسه عاشقاه بعد كل السنين دى يا لبيبة و بعد ما ذلك و اتجوزنى عليكى 
لبيبة بشموخ _ بكر عمره ما ذلنى يا بدر و بلاش تخاريف مالهاش عازة انتى عارفة زين ان انى اللى جوزتك بيدى لبكر عشان قعدت ياما من غير خلف لكن فى الاخر ربنا طعمنى و راضانى 
بدر بسخرية _ رضاكى بخلفة البنات يا لبيبة 
لبيبة _ زينة البنات كلاتهم يا بدر و ان شاء الله ربنا هيكرمنى فيهم فبطلى بقى حديتك الماسخ اللى مالوش عازة ده كل ساعة و التانية و بلاش تخلى عيالنا يكرهوا بعض و ينسوا انهم اخوات بعد العمر ده كلاته
بدر بامتعاض _ احنا فى ايه و اللا فى ايه دلوك بقولك هيتجوز عليا
لبيبة _ ما يتهيأليش ان الحديت ده يبقى صح و زين واقف يتكلم معانا اكده اكيد زين برضيك مايعجبوش ان ابوه يعمل اكده بعد السنين دى كلاتها و هو قال انه ماحصلش يبقى ماحصلش و انى مصدقاه
زين بفرحة _ شوفتى يا امة .. طول عمر خالتى لبيبة عاقلة وعقلها