رواية تزوجت امرأة صعيديه الفصل الثالث بقلم دينا عبدالله

بصتله بدهشه وقالت وانت قولتله علي اسمي
الحاج عثمان مقدرتش احرجه وقولتله.. وهو دلوقتي مستني ردك قولتي ايه يا بتي
بصت بعيد وهي بتفرك في اديها وبتفكر.. قام الحاج عثمان ووقف قدامها بصتله فقالها بحنيه انا مش هجبرك علي حاجه... موافقه قولي موافقه.. مش موافقه قولي برضو وانا معاكي في اي حاجه وفي اللي يريحك يا بتي

سكتت شويه بعدين قالت بثقه وانا مش موافقه يا ابوي
اندهش الحاج عثمان كان عنده امل انها ممكن توافق.. تنهد وقال براحتك يا بتي.. بس ممكن تقوليلي مش موافقه ليه
خديجه ازاي اوافق وانا معرفهوش ولا شوفته غير يوم ما جي هنا.. دا غير انه مش من توبي ولا انا من توبه.. ف ازاي اوافق... انا اللي عايزه اتجوزه يكون من توبي عايش عشتنا وعارف عاداتنا و تقاليدنا.. مش واحد من المدن مش عارف اي حاجه عنينا
هز الحاج عثمان راسه بتفهم وقال اللي يريحك يا بتي
بعدين سابها وطلع وقفل الباب وراه وهو عيفكر هيقول للحاج احد أي
دخل وقعد في المندرة طلع تلفونه ورن علي الحاج احمد
كان قاعد الحاج احمد مع افراد عيلته علي السفره بيفطروا.. رن تلفونه... بصله مسلم وهو عارف ان اللي بيتصل الحاج عثمان
بص الحاج احمد علي مسلم بعدين رد.... سكت شويه وقال تمام تمام يا حاج عثمان... بعدين سكت شويه وقال لا لا عادي يا صاحبي كل حاجه قسمة ونصيب....... ماشي ماشي.. مع السلامه... سلام
بصله مسلم بلهفه وقال قالك ايه
بصله الحاج احمد وهو ساكت ومش عارف يقوله ازاي انها رفضت
ضحكت مي وقال بسخريه يبقي رفضت
مسلم پغضب انتي اسكتي خالص... متقول يا بابا قالك ايه
الحاج احمد زي ما قالت اختك
بصتله مي وقالت بسخريه شكلك أي بقا دلوقتي بعد ما اترفضت من واحده متسواش
غاليه پغضب اسكتي با بنت ايي كلامك زي الدبش كدا علي طول
قلبت مي عنيها بملل وكملت فطارها... قام مسلم وهو مدايق جدا من غير ما يكمل فطاره وطلع برا البيت
شويه وقامت مي وقالت انا رايحه الجامعه
بعد ما مشت مي بصت غاليه للحاج احد وقالت الحاج عثمان مقلش هي رفضت ليه
الحاج احمد عشان لا هو من توبها ولا هي من توبه... عايزه واحد صعيدي زيها
خالد طيب دلوقتي هنعمل ايه.. دا مسلم شكله حبها بجد... ومش حاجه سهله انك تحب واحده وترفضك يعني احساس صعب
وقف الحاج احمد وقال وهنعمل ايه يعني... هو شويه وينسي... ودلوقتي هيفضل سنه قالب وشه علينا
خد الحاج احمد تلفونه ومفاتيح عربيته وطلع برا البيت.. وشويه وطلع خالد وراه... فضلت غاليه قاعده وهي بتفكر في حاجه
صفيه پصدمه رفضتيه... لييه كدا بس يا ست البنات
خديجه اومال كنتي عايزاني اعمل ايه.. اوافق كدا على طول وانا معرفاش عنه حاجه.. وبعدين حب اي اللي انتي بتقولي