رواية قصيرة القامة طويلة اللسان الفصل التاسع بقلم شيماء صبحي

الفصل التاسع 
روايةقصيرة القامة طويلة اللسان
فضل الجوكر مركز مع نظرات هادي والظباط لبعض ولاكنه خرج من افكاره لما سمع مارك بيقول هل هؤلاء الجواسيس أتو هنا من أجلك!! 
الجوكر هز راسه وهوا بيبص لشادي بغل ورجع قال لمارك يريدون ارجاعي الي مصر ولاكنهم لا يعلموا من هوا الجوكر !
مارك بصله بفخر وقال لقد طلبت من أبي أن أقابلك لانه يتحدث عنك دائما 

الجوكر ابتسم بفرحه من كلامه ونسي الي كان بيفكر فيه واخد مارك وخرجوا برا علشان يتكلموا وهادي قبل مايخرج شاور لشادي ينفذ الي اتفقوا عليه 
وبدأت الظباط المتخفيين يظروا ويعملوا كمين ل الجوكر علشان يقدروا يخدروه وياخدوه في العربيه ويمشوا ...
وعند هادي كان بيتكلم مع الجوكر والي كان بيحكي عن كل الصفقات الي عملها في مصر وقد اي كان ذكي وكان بيلاعب الحكومه بطريقه ذكيه  
سأله هادي ليه الحكومه بتدور عليه مادام هوا مكنش بيسيب دليل! 
الجوكر رد قمت پقتل ظابط مصري عن طريق الخطأ. 
هادي ابتسم ولاكن من جواه نفسه يموته لانه شخص حقېر ويستاهل المۏت!! بقلم شيماء صبحي
جه الظابط حسن من ورا الجوكر وقام بتخديره وشالوه اتنين من الفريق وحطوه في العربيه وتم التواصل مع اللواء حمدي في مصر وبلغوه عن نجاح العمليه! 
وشادي امر بان الكل يروح عند العربيه بسرعه 
الكل اتحرك وفضل هادي واللي كان بيحط البنزين علشان يولع في المكان علشان الموضوع يبان انها حاډث وان كلهم ماټو  
شادي كان بيستعجل هادي علشان يتحركوا بسرعه لان خاېف لاي حد من رجالة ألكسندر يوصلوا 
ولاكن هادي طلب منه يمشي وانه هيجي وراهم لان لسا مخلصش مهمته! 
وافق شادي انه يمشي واتحرك علي العربيه بسرعه ولاكنهم اتفاجئو بعربيات دخلت فجاه علي المكان وكانو رجالة كتير مسلحه فقلق شادي علي هادي لانه لسا في المخزن وكان هينزل ولاكن حسن مسكه و قاله انهم لازم يمشوا بسرعه لان للاسف مش هيعرفو ينقذوا هادي من تحت ايد الرجالة دي كلها !!
شادي اتعصب علي حسن وقرر ينزل ولاكنه لما وصل عند هادي لاقي ان الرجاله دي ماسكينه وبيكلموه علي انه مارك ابن ألكسندر فهم شادي من كلامهم انهم هياخدو هادي علشان ينتقموا من ابوه ووقتها شادي مقدرش يتحرك لان الرجاله كانت كتير وكلهم مسلحين ولانه للاسف من التعزيب مكنش قادر يتحرك 
هادي مشي معاهم بهدوء ولما شاف شادي بصله وطلب منه يمشي وهوا بيحرك شفايفه وشادي فهمه وقال برفض مش همشي من غيرك 
هادي مشي مع الرجاله وهوا بيبصله وهوا بيطلب منه يمشي وعرفه ان المكان هينفجر في خلال دقايقك شادي فهم كلامه وخرج بسرعه ركب العربيه واتحركت العربيه بسرعه وفي خلال دقايق المكان اڼفجر وهادي كان في عربية الرجاله والي مغميين عينيه بكيس اسود وكانو راحين لمكان من الواضح انه سري وكان تحت الارض
الرجالة اخدت هادي عند زعيمهم والي اول مشاف هادي ابتسم يشر وبدأ يكلمه ويقوله انه هينتقم منه علشان الي ابوه عمله في بنته وخلي حالتها تسوء!!! 
هادي بدأ يتكلم مع الراجل دا وعرفه انه مش مارك ابن ألكسندر والراجل دا اتفاجئ من كلامه ومصدقوش في الأول ولحدما هادي اثبتلو فعلا انه مش مارك وانه مصري وان كل الحكايه تشابه بينه وبين مارك ابن الكسندر !! 
الزعيم دا طلب من واحد اسمه جون ودا دراعه اليمين في الشغل قاله انه يبحث عن الموضوع دا ويشوف لو كلام هادي صح ولا غلط ېقتلوه وطلب من رجالته ياخدو هادي للغرفه