رواية جعلتني أقوي الفصل الثاني عشر بقلم شيماء صبحي
انت في الصفحة 1 من 5 صفحات
وصل يونس لبيت جدته وكان الوقت اتاخر اول ما فتح الباب لقي روح واقفه قدامه
يونس استغرب وهو باصص عليها وبيقول انتي ايه اللي مصحيكي لحد دلوقتي يا روح..
روح قربت منه وحضنته وهيا بتقول يونس انا بحبك ومش عايزاك تسيبني خليني معاك علي طول علشان انا بخاف لما بكون لوحدي..
يونس اټصدم من كلامها وفضل يقرر كلمة انا بحبك اللي هيا قالتها ومش مستوعب انها بتقوله كده فضل قلبه يدق وهيا كانت حضناه ومغمضه عينيها وهيا مستنياه يرد عليها..
روح حركت راسها بلا وهيا بتقول بدموع بس انا عايزاك انت وعبير بس انا عارفه انها مامتي بس انا خاېفه لاني لسا معرفهاش بس انا مش عايزه امشي من هنا!!
يونس غمض عينيه بتعب وقال مينفعشي تفضلي هنا انتي من حقك تعيشي مع والدتك ولاكن انا مقربلكيش حتي يعني مينفعش تفضلي هنا
يونس ابتسم وهوا بيقول مش هكدب عليكي يا روح بس انا كنت بقول كده علشان تتقبلي مامتك وتقربي منها علشان هيا الوحيده الي تستحق انك تحبيها وتفضلي معاها مش انا..!
روح بعدت عنه وهيا بتحرك راسها بالرفض وقالت انا مش عايزاها يا يونس انا مش بحبها عبير احسن منها هيا سابتني وعبير اللي كانت بتحميني وانت كنت بتحميني برضوا علشان كده بحبكوا ولاكن هيا عايزه تيجي وتاخدني وهيا زمان مقدرتش تحميني من ابويا ..عايزني اروح معاها ازاي دي جبانه
روح عيطت وقالت كان نفسي الاقيهم بس مش عايزه اروح معاهم علشان خاطري يا يونس خليني معاك..!
بقلم شيماء صبحي
يونس غمض عينيه بتعب وهو مش عارف يقولها ايه فحرك راسه وقال بصي يا روح مينفعش بنت وولد يفضلوا مع بعض من غير جواز وانا ..
يونس حرك راسه برفض وقال انا اكبر منك بكتير يا روح وحرام اظلمك معايا انتي تستحقي شاب يكون اكبر منك بحجات بسيطه علشان تقدروا تفهموا بعض ولاكن انا بيني وبينك 12 سنه فمينفعش!!
روح قالت بلهفه..لا ينفع يا يونس انا موافقه انا بحبك انت ومش عايزه شاب من سني انا كبيره انا فاضل شهرين وهيبق عندي سنه يعني كبيره اهو!
روح بصتله بحزن وسابته وطلعت لاوضتها!!
يونس اتنهد وهوا بيحط ايديه علي
