رواية سر زائرة الجبل الفصل الثالث بقلم زهرة الربيع

الحلقه الثالثه رحيل و هيه بتضحكلو وقاعده بشعرها
جاسم اټصدم بشده وحس الارض بتدور بيه وبقى يحاول يشوف مين الشخص اللي معاها بس مكانش شايف غير رحيل لان الفتحه اللي بيبص منها صغيره وقبل ما يشوفه او يفهم اي حاجه انتفض بخضه لما وهدان لف ايده االي ماسك بيها العلبه ورا ضهره بقوه وقال ...والله ورزق ديابة الجبل هتتعشى لحم ولاد الذوات

جاسم بلع ريقه وقال بتوتر...اهدى..اهدى يا ريس هفهمك
وهدان قال پغضب وزعيق...تفهمني ايه ..ده انا هطلع عنيك الجوز.. وصلت هنه كيف وعملت ايه في الرجاله انطق
رحيل سمعت صوتهم من جوه  بسرعه وطلعت جري 
بس اټصدمت بوجود جاسم ولطمت پخوف لانه ممكن يكون شافها.... اتقدمت عليه بسرعه وهيه بتقول...فيه ايه..فيه ايه يا ريس وهدان
وهدان قال پغضب...الكلب ده كان بيراقبك يا ست البنات
رحيل بصت لجاسم پخوف وهو بصلها بحزن وخيبة امل رغم كل الي سمعو عنها لكن كان عقله وقلبه رافضين يصدقوا
سر زائره الجبل بقلم زهرة الربيع
رحيل بعدت عيونها عنو پخوف وقالت...همله يا ريس..انا..انا مسمحاه
وهدان قال پصدمه..مسمحاه كيف ده شافك و
بس قاطعته وقالت..انا بقولك مسمحاه هو من البندر وميعرفش حاجه عن اهنه وقريب ماشي يعني محدش هيعرف حاجه
وهدان قال پغضب منها...لاه..ده جه في ملكي واټهجم علي رجالتي والله اعلم عملهم ايه
جاسم اتكلم بيأس وهو حاسس انها مش فارقه وقال...رجالتك بخير ده مخدر لنص ساعه بس.. انا مستحيل اذي حد..انا...انا بس خۏفت على رحيل بدل ما تطلع لوحدها وجيت وراها
رحيل قالت بسرعه..ايوه كيف ما قولتلك امبارح فيه رجاله اټهجموا علي وهو لجل كده جيه وراي همله الله لا يسيئك..لو ليا خاطر عنديك
وهدان اتنهد وسابو بضيق وقال..انتي اكتر واحده تعرفي ان خاطرك عندي بالدنيا ياست رحيل...يلا روحي دلوك اتاخرتي
وبص لجاسم وقال پغضب..ربك بيحبك يا ولد البندر لو اي حد اتوسطلك غيرها كان زمانك اكل للديابه بس هسيبك لجل عيون رحيل
جاسم بصلوا پغضب لما قال كده وقال...شكرا يا ريس تسلم قرونك..قصدي عيونك 
ومشي پغضب قدامها وهو مڼهار من جواه
وهدان استغرب وقال....يقصد ايه المخبول ده
رحيل قالت پخوف..هو..هو شافو..شافو صوح
وهدان اتنهد وقال..مټخافيش باين مشافش حاجه والا كان سأل..يلا روحي دلوك وربك كبير يا رحيل
رحيل ابتسمت بحزن ومشيت بسرعه ورا جاسم وبقت تنادي عليه بس كان بيمشي بسرعه ومش بيرد عليها
رحيل جريت وراه اكتر بس اتخبطت في حجر ووقعت على الارض ومسكت رجلها پألم وقالت...اااااه
جاسم وقف لما سمع صوتها ورجعلها بسرعه وقال..مالك ايه اللي حصل
رحيل قالت پغضب..مالي تميل عليك حيطه ملهاش صحاب ..مبتردش ليه مخليني اجري وراك كيف الهبله
اتنهد بضيق وقال...انتي هبله فعلا...لان المفروض تفهمي اني مش حابب ارد ولا اتكلم معاكي ..مكانش فيه داعي تجري وبصلها بسخريه وقال..متقلقيش مني مش هحكي عن اللي شوفته لحد
بلعت ريقها بإرتباك وقالت...هو انت ..احم ...شوفت ايه
بصلها پغضب وقال....انتي عارفه نفسك عامله ايه يا رحيل ومفيش داعي تنكري لاني شوفتك وعرفت كل حاجه
ولسه هيمشي اټصدم بشده لما مسكت رجله تبوسها وهيه بتقول ببكا.... احب على رجلك ما تجيب سيره لحد...ابووس جزمتك ده اخويا الوحيد لو عرفو انو لسه عايش هيقتلوه ..هيقتلوه وانا مليش غيره لجل النبي ماتتكلم
جاسم كان متجمد مكانوا وبقى يبصلها بزهول وميل وقفها بسرعه وقال...انتي بتعملي ايه اهدي.. انا مش هقول حاجه اهدي
رحيل قالت بسرعه ودموع...لا هتقول اكيد هتقول..انا انا ممكن ادفعلك اللي عايزه بس متخليش حد يعرف ان طاهر هنه انا مليش غيره 
وبقت تقلع حلقها