رواية لخبطيطا الجزء الثاني الفصل الرابع بقلم عبد الرحمن الرداد

عليهم كلهم وجاي عليا تقف ليه يعني مش من بقية أهلك أنا
وضع يديه في جيب بنطاله وهتف بنبرة مستفزة
بشوف وشي كل يوم في المراية بالتالي أنت مش واحشني علشان كدا مسلمتش عليك
ضغط نسخة الماضي على أسنانه پغضب قبل أن يقول
تصدق إنك رخم ومستفز! أنا عارف إني بشتم نفسي بس أنت مستفز ورخم
ابتسم نسخة المستقبل ورفع حاجبيه وهو يقول
عارف يا أنا
هنا أوقفتهم حور التي قالت باعتراض
حبوا نفسكم شوية مش كدا ناقص شوية وهتشدوا في شعر نفسكم
ضحك البقية على حديثها وقال طيف لخاله من المستقبل
الصراحة يا خالو أول مرة أشوف النسخة التافهة منك خالو القديم رجعك لشبابك شكله كدا
بداخل فندق من فنادق القاهرة من نفس العام المستقبل اقتربت تلك الضابطة من الاستقبال ورددت بجدية وهي تشهر بطاقتها
أوضة من سريرين
هنا نظر رامي إليها وقال بتعجب
نعم نفس الأوضة
نظرت إليه بلا مبالاة ثم عادت ببصرها إلى موظف الاستقبال الذي قال بهدوء
تمام يا فندم ده الكارت الخاص بحضرتك والروبوت هيوصل الشنط لباب الأوضة
ابتسمت وقال بهدوء
شكرا
تحركت ونظرت إلى رامي الذي سيطرت على وجهه علامات الدهشة وقال
اللي أعرفه إن ظابط شرطة زي حضرتك ياخدني المديرية أو القسم يحطوني تحت الحراسة في بيتي لكن تاخديني أوضة في فندق وهنقعد فيها إحنا الاتنين بأمارة ايه معلش! وبعدين ايه الشنط دي ولا اكنك جاية من سفر
نظرت إلى وجهه بتحدي وهي تقول
أنا مي رفعت زي ما قولتلك أنا هنا علشان احميك وأديك شوفت الكارت بتاعي وبطاقتي وأنا بحجز الأوضة هنا الطريقة بقى اللي بتقول عليها في الأفلام بس لأن مهما كانت الحماية عليك ھتموت لكن لو نفذت اللي هقوله هتعيش وهتفهم أما بقى عن الشنط فهي فيها أسلحة تحمينا في مهمتنا ممكن تتفضل معايا على الأوضة علشان افهمك الوضع!
هز رأسه بالإيجاب وتحرك معها إلى الغرفة التي فتحتها بواسطة البطاقة التي كانت بيدها فدلف هو إلى الداخل وجلس على الفراش بشرود قبل أن تدخل هي الحقائب التي أوصلها الروبوت وما إن انتهت حتى جلست على الفراش المقابل له وقالت
أنا عارفة إنك مش مصدق أي حاجة من اللي بتحصل حواليك وأنا مقدرة ده لأنك صحيت لقيت حياتك معرضة للخطړ وفيه مسلحين بېهددوك بحياتك وفجأة تلاقيهم ماتوا قصاد عينك وأظهر أنا كل ده أنا مقدراة وهفهمك كل حاجة أبحاثك دي عن دمج الذرات هم عايزينها علشان يدمجوا كوكبنا بكوكب تاني اسمه أوجاست وده مش في المجموعة الشمسية ولا حد يعرف فين
رفع حاجبيه وقال بعدم تصديق
كوكب تاني! مش موجود في مجموعتنا الشمسية! يدمجوا كوكبين! معلش حضرتك متأكدة إنك عاقلة زينا
لوت ثغرها وتنفست بقوة قبل أن تقول بجدية
بص ميهمنيش تصدق ولا متصدقش بس
هو ده الوضع منظمة الرداء الاحمر مسيطرين على أوجاست بالكامل أو زي هنا بينشروا الخړاب والقتل في العالم كله علشان يديهم وقت لعمل ده عايزين أبحاثك لأن عن طريقها هيدمجوا ذرات الكوكب ده بكوكب أوجاست ويبقى كوكب واحد وده عن طريق بحثك بالإضافة لجهاز المفروض إن فيه واحدة على الكوكب التاني عندها قدرة خارقة وهي إنها تصنع أي تقنية اسمها حور ده لو تم نص سكان الأرض ونص سكان أوجاست هيموتوا علشان يحصل توازن! منظمة الرداء الأحمر مش بس مسؤولة عن كل الټدمير اللي بيحصل في العالم لا دول عايزين يسيطروا على العالم كله وعن طريق الدمج ده هيقدروا يحكموا الكوكب كله ويفرضوا سيطرتهم دي خطتهم ولو حد وقف قصادهم هيقتلوه من غير تفكير!