رواية حب بلا حدود الفصل الرابع والثلاثون بقلم حبيبه الشاهد
اتكلم بذهول
أنا اعمى و مبشفش حاضر هروح اعملي نظاره عشان بعد كدا ابقي اشوفك
فتون حطيت ايديها على كتفه و هي عايزه تقوم و اتكلمت بخجل ممذوج پخوف منه
انا اللي عميه و مبشوفش كويس خليني اخرج و انت ارجع نام براحتك و مش هاجي حنبك و لا هعمل صوت
جمال
مش هتخرجي من الاوضه انهارده يا فتون
فتون حطيت سبابتها في وشه بتحذير
جمال كان هيمسك صباعها سحبت ايديها بسرعه و اتكلمت پخوف طفولي
مكنتش اقصد احط صباعي قدام وشك هي جت تلقائية مني
جمال كان كاتم ضحكته على شكلها الطفولي بالعافيه
صباعك دا في يوم هكسرهولك
ضحك بكل صوته خلاها تنسى زعلها و ابتسمت غصبن عنها برقه
مسك وشها و حاوطه بين كفوفه و اتكلم بابتسامة
ايوا كدا ابتسمي خلي الشمس تطلع و تنور حياتي
شهقت برقه و دفعته بعيد عنها و قامت بسرعه
فكرتني خالتي شمس مستنياني برا اغسل وشك و اخرج ورايا بسرعه و متتاخرش
وقفت شمس قدامها و اتكلمت بستغرب
هااا هتفضلي مبلمه لحد امتا كدا مالك يا بت ايه اللي جرالك ما كنتي كويسه
انتبهت فتون لوجودها هزيت رأسها و اتكلمت بخجل
لا مافيش يا خالتي هروح اشوف جنه في المطبخ
شمس
فتون برقه
حاضر حاجه تانيه اعملها
شمس
لا مافيش حاجه تانيه صحي يونس و انا هدخل اصحي اكرم
على السفره كان الكل متجمع و كل واحد في وادي غير التاني و كلهم بيحاوله يبانه عادين قدام بعض بس جواهم حزن و كسره كبيره من اللي سيف عمله فيهم و على اخرته البشعه و نهاية الجارية
مالك يا حبيبي مبتكلش ليه عايز حاجه تانيه اعملهالك
يونس بصلها بشرود
تسلم ايدك الاكل جميل
شمس بحنان
جميل ايه أنت محطتش حاجه في بؤك من ساعت ما قعدت
يونس اتنهد بتعب و بصلها پضياع و اتكلم بهدوء
مليش نفس كلي أنتي و متشغليش بالك
شمس
مشغلش بالي ازاي يا حبيبي لو مشغلتش بالي بيك انت و اخواتك هشغل بالي بمين كل يا بابا عشان چرحك.. دا هيخف ازاي
انا خارج عندي مشوار مهم هروحه و مش عارف هاجي امتا عشان متشغلوش بالكوا بيا
مسكت شمس في ايديه تمنعه و اتكلمت بلهفه
أنت رايح فين على الصبح كدا
يونس بص لأيديها و ل حنيتها معاه و أتمنى وقتها تكون الجارية هي اللي مكانها اتكلم بهدوء
رايح المستشفى اشوف البنت اللي هناك و اطمن على ابوها
شمس بحنان أم
أنت مش هتنزل غير لما تاكل حتا لو هأكلك بالعافيه زي تميم هأكلك يا يونس
قعد على الكرسي و بدأ يأكل حتى لو حاجه بسيطه غصبن عنه و بعد ما خلص قام و خرج من البيت راح المستشفى
في المستشفى دخل أوضة حسين والد غصون لاقه قاعد على السرير و غصون جنبه و لسه بملابسها
يونس
السلام عليكم و رحمة الله و بركاته عامل ايه دلوقتي
غصون برقه
و عليكم السلام و رحمة الله و بركاته
