رواية معدن فضة الفصل الاربعون بقلم لولي سامي
شاء
ابتسم نضال على سذاجتها وعفويتها فبرغم أنها حادة الطباع إلا أنها لم تمتلك المعلومات الكاملة عن بدايات الحياة الزوجية
ليطلق نضال تنهيدة ثم يسألها سؤالا ربما اوصل لها مقصده قوليلي يا ماجي هو انتي متكلمتيش مع اصحابك عن حاجات قليلة الأدب قبل كدة
شهقت ماجدة ونفت كالذي تبرأ نفسها من ذنب عظيم قائلة لا طبعا محدش يقدر يتكلم قدامي عن قلة الأدب ده انا متربية على فكرة.
ثم أطلق زفيرا عاليا متمتما لحاله واضح انك هتتعبيني اوي .
ثم غير مجرى الحوار سائلا هتعملي ايه دلوقتي
ماما طالباني اساعدها في صباحية اختي .
انا عارفه بنعمل صباحية ليه
ما العروسة والعريس يبقوا يعملوا مع نفسهم احنا مالنا !!
ابتسم نضال متمتما لحاله انتي اللي بتجريني للرزيلة وانا بصراحة بعشقها.
عقدت ماجدة حاجبيها قائلة بتعجب ليه يعني هيكون ورايا ايه
دانا حتى هكون فاضية وزهقانة.
فاضية وزهقانة وانا معاكي !!
ده حتى عيب في حقي .
تحدث ببجاحته المعهودة ولكنها قابلت حديثة ببراءة تامة لتعقب قائلة لا مانت هتكون معايا في المطبخ بتساعدني .
لا هو انتي اللي هتساعدي علشان انا اللي هكون العنصر الأساسي بالموضوع.
تحدث بواقحة أوضح ولكنها لم تعي حديثة لتعقب بعفوية تامة واضح انك بتحب الطبخ على العموم انا ممكن اسيبك تعمل كل حاجه انا اصلا مبحبش المطبخ ولا الطبيخ.
صډمته براءتها ليصمت قليلا ثم قال ماجي حبيبتي روحي شوفي مامتك .
بدل ما يجيلي الضغط انا لسه بشبابي يا حبيبتي
الواضح اني هتعب فيه اوي ربنا يقوينا .
عقدت ماجدة حاجبيها فلم تعي لما تذمر لتنهي الحديث وتدخل بعقل مشوش لوالدتها لتجدها تعد أضعاف ما كانت تنتوي فعله فتذكرت قائلة ايه كل ده يا ماما هنلحق نخلص كل ده امتي
وهما هياكلوه امتى
قطبت عزة جبينها ونهرت ابنتها قائلة الله اكبر في عينك يا شيخة.......
ما يحسد المال الا اصحابه.......
ياكلوه بالف هنا وشفاء على قلبهم .....
ثم إنه مش كله لميار .
اللهم صل على النبي يا ستي .
بس بتعملي لمين تاني
سألت ماجدة لتجيبها والدتها قائلة يوه مش اخوكي كمان داخل امبارح والنهاردة صباحيته
عقدت ماجدة جبينها مندهشة ثم قالت مش المفروض أن ام العروسة اللي بتعمل الصباحية ولا انا فاهمة غلط .
لا ما هي امها كمان اتجوزت امبارح فتلاقيها هي كمان مشغولة ومش هتقدر تعمل صباحية .......
داحنا لولا العيبة كنت عملتلها صباحية وبعتهالها بس خاېفة لتزعل.
تزعل !
وتبعتلها هي كمان صباحية !
ومشغولة!
هو انتي تقوليلي مشغولة ونضال يقولي مشغولين !!
انا عايزة اعرف مشغولين في ايه عن انهم يعملوا اكل ياكلوه !!
شهقت عزة واتسعت حدقتيها وهي تنظر لابنتها بخيبة أمل ثم ضړبت على صدرها قائلة لاهو انتي سألتي نضال مشغولين في ايه
يعني البعيدة هبلة وغبية
يوووه كل حاجه ټشتموني طب والله ما انا واقفة اساعدك انا تعبانة زيهم من الفرح وهدخل انام .
تحدثت ماجدة بسرعة وهي تهم للخروج من المطبخ لتنادي والدتها عليها قائلة تعالي هنا يا هبلة تعالي ساعديني .....
طب تعالي وانا اقولك مشغولين في ايه شكلك هتفضحينا يا بنت بطني .
ثم تمتمت بصوت منخفض وعملالي واعية وفاهمة وبتخانقي دبان وشك وانت اهبل من الهبل .....
فالحة بس تجادلي عشرة قدامك.
تركت ماجدة والدتها بالمطبخ بمفردها ودلفت لغرفتها
