رواية حبيبي المدير الفصل الثاني والثلاثون بقلم شيماء صبحي

حاجه حصلت النهاردة ولا ايه
حنين ردت علي والدتها بسرعه لا مفيش حاجه انا بس اتفجأت انها جت هنا يعني..
والدتها فضلت تشكر في ماهر واحلام وتذكرهم بالخير لحدما حنين اطمنت ان الاكل بفلوسهم فعلا فقربت من الاكل واكلت وهيا مبسوطه لان بقالهم كتير ما اكلوش اكل لذيذ كذا..
___________
بعد ما السماء اصبحت باللون الغامق والقمر ظهر في السماء..قام ماهر واتجه علشان يغير هدومه علشان يروح مع منعم للشخص اللي محترف في لعب القماړ علشان يكلفه بمهمة مع والدة ياسر..
وبعدما انتهي ماهر من تغير هدومه قرب من احلام وصحاها علشان تقوم تاكل لانها مأكلتش من الصبح واول ما احلام صحيت وشافته لابس سالته باستغراب وقالت اي دا انت لابس كده ورايح فين 
ماهر عندي مشوار سريع هخلصه بسرعه وبعدها نروح لحمزه علشان ميزعلش اننا سايبينه لواحده!
احلام حركت راسها بالموافقه وماهر قعد علي السرير يستناها تخرج بعدما تكون غيرت هدومها!
وبعد وقت انتهت احلام من تغير ملابسها وخرجت من الغرفه وقربت من ماهر وقالت انا خلاص خلصت خلينا ننزل!
ماهر حرك راسه بالموافقه ومسك ايديها وخرجوا من جناحهم ونزلوا للاسفل .. 
كانوا الخدم مجهزين السفره واول مشافوهم نازلين وقفوا صف لحدما ماهر واحلام قعدوا علي السفره وبعدها ماهر شاورلهم
يمشوا وبص لاحلام وقال بالف هنا يا حبيبتي.
احلام بصتله وابتسمت وحركت راسها بهدوء وبدات تاكل وهو فضل يبص عليها لثواني وبعدها اكل معاها..
كانت احلام بتاكل بجوع وهوا كان بياكل بهدوء..انتهي ماهر من اكله بسرعه وقال انا هخرج بق علشان متاخرش عليكي وانتي اجهزي براحتك لحدما ارجع!
احلام حركت راسها بالموافقه وهوا خرج وسابها بتكمل اكلها وقرب من منعن واللي كان مستعد لاستقباله..
ماهر قال بحديه جاهز يا منعم!
منعم بحماس جاهز يا فندم
ركب ماهر العربيه وبعده منعم وفي خلال دقايق كانوا خرجوا من القصر في طريقم لبيت الراجل اللي هيعمل المهمه!
وفي بيت متهالك بسبب الفقر كان قاعد راجل وهوا ماسك في ايديه سېجاره وقدامه صوره بهتانه لعائلته اللي ماتوا في حاډث..الراجل دا بكي بحزن زي كل يوم وهو بيفتكر ذكرياته مع عائلته لما كانوا اسره سعيده ولاكن الحاډث دا دمر سعادتهم واصبح حاله صعب بعد فراقهم..
وصلت عربيه ماهر الفخمه قدام البيت فنزل منعم الاول وفتح لماهر الباب وشاورله علي البيت وبلغه ان دا بيت ممدوح الراجل اللي محترف في لعبة القماړ 
ماهر بص علي البيت بتقزز من شكله وقال معقول يكون في حد عايش هنا!
ريحة البيت مكانتش حلوه و ماهر ومنعم مكانوش مرتاحين وهما داخلين واول ما حس بيهم الراجل قام وقال بتساؤل مين بره!
رد منعم عليه وقال مساء الخير يا عم ممدوح انا منعم ابن الحاج احمد جارك!
ممدوح ضم عينيه وهو بيحاول يفتكر مين احمد جاره وابنه منعم دا لحدما افتكرهم وقال ايوا عرفتك ادخل !
دخل منعم ووراه ماهر واول مشافوا شكل ممدوح كتموا أنفهم بضيق وماهر قال مستحيل اقدر افضل هنا خلونا ننتكلم برا !
خرج ماهر بسرعه من البيت ومنعم قرب من ممدوح وقال عم ممدوح اللي معايا دا رجل مهم واحنا جاينلك علشان عاوزينك في خدمه وتقدر تاخد فيها اللي انت عايزه
ممدوح برفض مش عاوز حاجه من حد خده وامشي!
منعم معلش يا عم ممدوح احنا مفيش قدامنا غيرك..لازم تساعدنا 
ممدوح بسخريه وانا بق هساعدك في ايه ..في الخيبة لامؤاخذة ..
منعم حرك راسه برفض وقال لا في لعب القماړ ..مش انت محترف فيها!
ضحك ممدوح علي كلامه وقال انت جاي تهزر هنا ولا ايه