رواية بك احيا اخر طوق للنجاة الفصل العاشر بقلم ناهد خالد

يوما عن حياتها لم تأخذها في حضنها وتبث لها من عطفها وحنانها لم تقم بدورها معها كأم لكن رغم هذا رحيلها قاسېا بشكل لا تحتمله.
_ هشش بس بكفياك يا بتي عينك مبجتيش شايفه بيها.
رددها محمود وهو يقترب منها محتضنا إياها يمسد على ظهرها بحنو لم يبخل به عليها يوما واستمعت لصوته يقول بحزن
_ عارف إني هبجي جاسي عليك في الي هجوله بس ڠصب عني لازم افوجك امك راحت يا خديجة مبجاتش هنا وكل الي كانت بتعمله بجي مسؤوليتك يا بتي.
ابتعدت عنه پبكاء لكنها استشعرت أن حديثه القادم أهم من حزنها فانصتت له باهتمام وعيناها لم تتوقف عن ذرف دموعها اخفض نظره بقلة حيلة وهو يقول بمرارة
_ خابر أنك صغيرة وخابر أنها مسؤولية واعرة جوي بس.. بس دي حكمت ربنا حكمته إنك تشيلي كل ده وانت لسه صبية عودك أخضر.
رفع نظره لها وهو يكمل بجدية
_ بس انا معاوزكيش عودك اخضر يا خديجة عاوز عودك يبجى انشف من الحجر لو مبجتيش اكده يابتي هياكلوك.
شهقت پبكاء وهي تسأله
_ تجصد مين
هز رأسه بيأس
_ اولهم عمتك وتانيهم ابن عمك ابراهيم وياعالم مين تاني هيتغير لو جرالي حاجة وبجيت بطولك.
هزت رأسها پبكاء صاړخة به
_ حرام عليك بجى.. ده كلام تجوله دلوجتي! انا ناجصه يابوي!
امسكها من كتفيها بقوة ليجعلها تنظر له وقال بحدة
_ اسمعي وركزي في الي هجوله زين انا اكده او اكده هفارج طال العمر بيا ولا جصر هفارج يابتي وهتلاجي نفسك بطولك انت واخوك وياعالم وجتها هيكون كبر ويجدر يدافع عنك ولا هيكون لسه صغير وانت الي هتدافعي عنه وعن نفسك.. عمتك امبارح كانت رايده تاخد مصطفى معاها بحجة ان محدش هياخد باله منه اهنه بس انا خابرها زين وخابر الي بتخططله عمتك بتحرجم من زمان انها تاخد مصطفى تربيه هي رايداه يكبر ويكون كيف ماهي رايده ويكون تحت تحكمها وتكون زي امه الي ميتنيلهاش كلمة امك الي يرحمها كانت واجفلها زين عشان اكده معرفتش تحجج الي هي عيزاه.
توققت عن البكاء وهي تسأله باستغراب قاطبة حاجبيها
_ وهي عمتي هتستفيد ايه
_ عمتك طول عمرها ھتموت انها مجابتش واد عشان اكده هتستفاد انها تحجج الي معرفتش تحججه معاه وغير اكده ورث ابوي الي هيبجى ملك مصطفى بعد مۏتي.
اتسعت عيناها المتورمة بدهشة وهي تردد بخفوت
_ معجول! عمتي بتفكر اكده
ردد پقهر
_ عمتك محدش خابرها جدي انا وعمك المهم انت شايفة جسوة عمتك شوفي بجى لما تربي مصطفى وتطبعه بطباعها هيبجى عامل ازاي تعرفي ان ابراهيم ولد عمك هي الي خلته بالشكل ده هي الي خلته جاسي ومبيراعيش حد ومبيطجش جنس الحريم وماشي عامل كيف الطير الي نافش ريشه اختلاطه بيها معظم الوجت هو السبب في الي هو فيه حابه خيك يكون نسخة تانية من ابراهيم
نفت برأسها بقوة ليكمل
_ يبجى تحاوطي عليه وتكوني مكان امك تجفي في وش اي حد يحاول ياخد خيك منك حتى لو كانت عمتك انا الي بجولك اوعاك تطاطي يا بت محمود لو تاطيتي مرة هيكسروا رجبتك.. وانا ولا كأني موجود.. عاوزك انت الي تتعاملي عشان ابجى مطمن انك هتبجي بخير لو جرالي حاجه.
احتضنته بقوة وهي تقول بلوعة
_ بعد الشړ عليك يا بوي ربنا يطول في عمرك مجدراش على كسرة ضهر تانية.
ربط على ظهرها قبل أن يبعدها برفق وهو يقول
_ مفيش حاجه تكسر ضهرك ولا حتى مۏتي لازم تبجي جوية يا بتي عشان تجدري تكملي حياتك.
اومأت