رواية وشم على حواف القلوب الفصل الثلاثون بقلم ميمى عوالى

العبرات من فوق وجنتيها قبل ان تبلل الوسادة و كانت تحدث نفسها و هى تتأمل ملامح الصغيرة الشبيهة بابيها .. ياريتك كنتى بتى صوح ياترى تقصد ايه بحديتك ده يا حكم ياترى تقصد ان اللى فى قلبك كيف اللى فى قلبى و اللا تقصد انك كان بدك ام بناتك تكون هى اللى موجودة وياك دلوك
اما فى دار شيخون .. كانت زينة قد خلدت الى النوم و اما زينب فكانت حسنة قد طلبت منها ان تصنع لها كوبا من الشاى فذهبت لتصنعه لها و هى مشغولة البال بما حدث من رامى و هى ټصارع افكارها التى لا تكاد تذهب بعيدا عنه حتى تجده مرة اخرى يحتل بالها عنوة
فقد ضبطت نفسها متلبسة بالغيرة عليه عندما ظنت ان مى ماهى الا فتاة سيئة السمعة و السلوك و انها تقضى معه لياليها بمسكنه فقد شعرت وقتها پغضب جامح لو اطلقت له العنان لاحړق رامى حيا
و لكنها ماكادت تحترق بنيران الغيرة .. حتى وجدته يلقى عليها دلوا من الماء البارد الذى اطفأ نيرا نها المشټعلة عندما علمت ان مى ماهى الا شقيقته الصغرى و شعرت انه تعمد ابلاغها المعلومة بطريقة غير مباشرة
و كانت تقف مبتسمة لنفسها و هى تتذكر مواقفه المشاكسة لها حين انتفضت على صوت حسنة التى وجدتها امامها قائلة بحدة انتى مالك واقفة اكده و الماية اللى فى البراد قربت تتبخر كلاتها عاد
زينب بارتباك انى هصبلك الشاى اهه 
حسنة بترصد صبيه و هاتيهولى على اوضتى فوق 
زينب ماشى 
لتدخل زينب غرفة نوم حسنة لتجدها تجلس بالفراش و ما ان رأتها حتى قالت حطى الشاى اهنا جارى و اقفلى الباب و تعالى عاوزاكى 
لتنفذ زينب ما امرتها به حسنة و تجلس امامها بتوجس قائلة خير يا امة 
حسنة بترصد انى بقى رايداكى تقوليلى دلوك لسانك الفلتان ده فلت بايه بالظبط من تانى لعمتك
زينب انى ما اتحددتش مع عمتى من اصله انى كنت مع العيال الاصغار و ماقعدتش معاها غير وقت مانتى و زينة جيتوا و كنا بنتحدت عن العيال
لتمد حسنة يدها لتقبض على ذراع زينب بقسۏة قائلة انى ما بتحدتش على النهاردة و بس انى بتحدت على كل المرات اللى كنتى بتقعدى تلطى معاها بالحديت 
زينب هو فى ايه يا امة لزمته ايه الحديت ده دلوك انى عملت ايه عاد و ليه دايما متهمانى بانى بنقل الحديت من ده لده رغم انى ما بعملش اكده
حسنة بغل لااا يا شيخة اومال مين اللى كان بينقل لها الحديث كلاته قبل سابق
زينب كنت صغيرة و مافهماش و كانت نوبة وعدت وقت ماقلتلها على خايتك اما بعتتنى مرسال لعم جابر و من وقت مانبهتى عليا ماكررتهاش من تانى و انتى خابرة زين انى لو كنت كررتها كان زمان الدار دى خربت من زمان قوى 
حسنة بترصد قصدك ايه يا بت انطقى
زينب و الدموع تملأ عينيها اقصد انك على طول زمقانة فى وشى لجل الحديت اللى سمعته بينك انتى و خايتك زمان رغم ان المفروض تزمقى من حالك مش منى انى
حسنة پغضب حديت ايه ده يا بت اللى بتتحدتى عنيه ماتقعديش تلفلفى فى الحديت
زينب بتردد حديتك عن عمى حكم و عمتى نجاة 
حسنة بجمود حديت ايه ده يا بت
زينب بتذكر 
فلاش باك 
كانت زينب فى الثانية عشر من عمرها و كانت نائمة على فراشها و هى تعانى من بعض حساسية الرمد بعينيها.. ليأمرها شيخون بالتزام غرفتها و الابتعاد تماما