رواية وشم على حواف القلوب الفصل السادس والعشرون بقلم ميمى عوالى

تساعدى على سده مابتفكريش غير فى بريستيجك و حفلاتك و سهراتك و بس
ثريا من حقى انى اعيش حياتى زى ما انا متعودة
فؤاد بتهكم اللى يسمعك يفكرك لسه نونو و اللا عروسة جديدة احنا كبرنا بقى وما بقيناش صغيرين للكلام ده
ثريا اتكلم عن نفسك لو انت كبرت انا لسه فى عز شبابى 
فؤاد ساخرا الكلام ده تقوليه لاصحابك انما انا عارف و انتى عارفة انى اكبر منك بسنة واحدة بس يا ثريا و اللا نسيتى 
ثريا بتأفف انا نفسى اعرف ايه دخل كل اللى انت عمال تقوله ده بان بنتك بايته برة 
فؤاد بنتى بايتة فى بيت اخوها 
ثريا بحزم ماينفعش تسيبها تبات برة 
فؤاد باقرار بسخرية بنتك رافضة تقعد فى البيت لحد مانرد المال اللى سرقناه لاصحابه يا ثريا 
ثريا بلاش هبل الفلوس دى حقك انت انت اللى بتراعى كل حاجة السنين دى كلها 
فؤاد على كده لو مى سابت المركز بتاعها لرامى يراعيهولها من حقه انه يستولى عليه بعد كده
لتجحظ عينا ثريا و تقول ايه التخريف اللى انت بتخرفه ده 
فراد مش تخريف ابدا بس لازم تتاكدى اننا لو ماصلحناش الغلطة اللى غلطناها دى هتتكرر بشكل او باخر مع بنتك
كان جابر بارضه صباحا و هو يشرف على بعض الانفار التى تراعى الزرع ليلمح سميحة و هى قادمة باتجاهه و هى تحمل بيدها شئ ما فتقدم منها و اتجه لها بعيدا عن الانفار و هو يقول ايه اللى جابك لحد اهنا يا سميحة 
سميحة بدهشة بقى اكده برضيك .. جرالك ايه يا جابر كل اما احدتك فى التليفون تقوللى مشغول و مش فاضى و كمان لما انى اجى اطل عليك لجل اتوحشتك تقوللى ايه اللى جابك 
جابر بحزم انى منبه عليكى انك ماتجيش اهنا حوصل و اللا لا
سميحة بامتعاض حوصل 
جابر طالما حوصل بتكسرى حديتى ليه عاد
لترمى سميحة مابيدها بين يديه و هى تقول پانكسار عشان كنت فاكرة انك اتوحشتنى كيف ماتوحشتك و جيت رمح اول ما عملت الاكل و قلت ادوقك من الاكل بتاع الموسم لكن معلش ملحوقة .. انى ماشية 
جابر و هو يعاين ما وصعته بيده يعنى انتى جاية تجيبيلى اكل الموسم اللى انى اصلا مش فاكر موسم ايه
سميحة باحباط كل سنة و انت طيب النهاردة عاشورة 
جابر يعنى انتى جايبالى عاشورة فى اللفة دى 
سميحة لاا .. جايبالك محشى و ظفر 
جابر طيب ياستى تشكرى و كتر خيرك بس ياريت ماتعاوديهاش نوبة تانية 
سميحة بذهول هو انت ايه اللى جرالك 
جابر هو ايه ده اللى جرالى 
سميحة بفضول حاساك زى ماتكون غيرت رايك و مابقالكش كيف من موال الجواز
جابر و هو يضع الطعام ارضا ايه الحديت اللى انتى بتقوليه ده ليه بتقولى اكده
سميحة اسأل حالك يا جابر حالك مقلوب معايا من يوم ما اتصالحت مع شيخون
جابر و هو ينظر اليها بعينبن كعينا الصقر التى يتابع فريسته قبل الانقضاض عليها و هو انى لما اتصالح مع شيخون .. حالى هينقلب معاكى ليه يابت الناس شيخون هيقلبنى عليكى مثلا
سميحة اومال ايه اللى غيرك اكده فهمنى 
جابر هو انتى اما جيتى دلوك .. لقيتينى قاعد بتساير مع حد و اللا بشوف حالى 
سميحة بتشوف حالك 
جابر و مش انى لما جيت طلبتك من ابوكى حددنا معاد بعد تلت شهور تقريبا
سميحة ايوة 
جابر يعنى لازما اكون مجهز حالى قبل ما التلت شهور دولم يعدوا بعنى انى دلوك ورايا مأمورية لازما اخلص منيها و عشان اخلص منيها مأجر انفار يشتغلوا معايا يعنى مش