رواية وشم على حواف القلوب الفصل السادس والعشرون بقلم ميمى عوالى

ماترجعش ټندم عليها 
رامى باستغراب عمها مين ده و اطلبها من عمها ليه و ابوها موجود اصلا
حكم ايوة صوح انت ماخابرش زينب مش بنت شيخون دى بنت اخوه شيخون يبقى عمها بس هو اللى مربيها من و هى عنديها كام شهر
رامى اومال باباها و مامتها فين
حكم سقف دارهم وقع عليهم و ماتوا الله يرحمهم و لولا ان زينب يوميها كانت مع نجاة فى دارهم كانت راحت هى كمانى
رامى بارتياح الحمدلله ثم اكمل بانتباه طب مش يمكن يكون فى حد متكلم عليها 
حكم بتفكير مايتهيأليش كان شيخون قاللى لكن برضك انى هحاول اعرف منيه فى اقرب فرصة و لو لقيت ان فى حد طالبها منيه هعرفك عشان تصرف نظر 
كان فؤاد يجلس بغرفة المكتب بفيلته لتدخل عليه ثريا و هى شبه ثائرة و تقول عاجبك اللى حصل ده 
فؤاد بامتعاض حصل ايه تانى 
ثريا بنتك اللى اخدت شنطة هدومها و مشيت دى 
فؤاد طب ما انتى عارفة من وقتها ايه اللى جد
ثريا پغضب يا برودك يا اخى للدرجة دى ولا على بالك
فؤاد انتى عاوزة ايه دلوقتى انا مش فاهم بنتك سابت البيت بسببك انتى على فكرة لو انتى لحد دلوقتى مش واخدة بالك 
ثريا بحدة انت ايه اللى جرالك انا مش فاهمة ايه اللى قلب حالك بالشكل ده
فؤاد بتهكم ماهو اللى مايشوفش من الغربال يبقى اعمى يا ثريا 
ثريا پصدمة انا عامية يا فؤاد
فؤاد لأ يا ثريا مش عامية ياما فيه ناس كتير ربنا حرمهم من نعمة البصر بس عندهم احساس و بصيرة لكن انتى بتتعامى يا ثريا شايفة كل حاجة و فاهمة كل حاجة و مودية وشك الناحية التانية و بتتعاملى كان مافيش حاجة 
ثريا بامتعاض و هو ايه اللى حصل يعنى لكل ده 
فؤاد اللى حصل انك مش فارق حاجة و لا فارق معاكى حد لا انا و لا حتى بنتك
ثريا ايه التخريف اللى انت بتخرفه ده
فؤاد مش تخريف ابدا انا كنت بحاول اصهين و اطنش عن حاجات كتير بتحصل و بقول مش مشكلة .. طالما مبسوطين خلاص لكن لما توصل لقروض بملايين ممكن تسجننى و انتى و لا على بالك تبقى بتتعامى يا ثريا 
ثم اكمل بخجل و لما توصلينى انى امشى وراكى زى المغمى و استولى على مال مش مالى بعد العمر ده كله تبقى خليتينى انا كمان بتعامى زيك يا ثريا .. اتعاميت عن الأمانة اللى شيلتها السنين دى كلها و فى الاخر فرطت فيها و عشان ايه عشان مظهرك الاجتماعى و علاقات فاضية مبنية كلها على الفنجرة و الوشوش الكدابة 
ثريا بكبر اوعى تنسى ان مظرى الاجتماعى و علاقاتى الفاضية اللى انت بتتكلم عنها دى هى اللى عملتك يا فؤاد
فؤاد پغضب ماحصلش عمر كلامك ده ما كان حقيقى انا عملت نفسى بنفسى بدليل ان انك لما اتجوزتينى .. اتجوزتينى و انتى عارفة انك هتعيشى فى نفس المستوى اللى كنتى عايشة فيه و اللى عمره مانزل سنتمتر واحد 
ثريا و اديك جاى على اخر الزمن و عاوز تنزلنى اميال مش سنتيمترات بس و كمان ماتقدرش تنكر ان علاقات عيلتى فرقت معاك كتير .. كتير اوى كمان 
فؤاد يمكن تكون ساعدتني انى اكبر اسرع من ماكنت لكن ماعملتنيش زى ماكنتى بتقولى من شوية 
لكن احنا دلوقتى بقينا فى وضع غير الوضع فضلتى تشجعى بنتك انها تعمل حاجات فوق مقدرتها و مقدرتى لحد ما ورطتينا فى دين احنا مش اده و بدل ما