رواية يوم زفافي الفصل السادس عشر بقلم مريم الشهاوي
قوم أنت كويس... يامن متسيبنيش.... ياااامن."
مسكت وشه وبقت بتحركه وبتصوت ويامن باصصلها وقال وهو نفسه بيعلى"متقلقيش عليا مش ھموت....بطلي صړيخ في ودني ....اتصلي بالآسعاف الله يخربيتك."
خلص جملته وغمض عينيه واستسلم فرح صوتت وقامت بسرعة دخلت العربية بتاعته وجابت تليفونه "ياربي ده ببصمة."
فتحت الموبايل ببصمته أول ما الموبايل فتح لقت صورتها... ايوة دي صورتها محطوطة على سكرين الموبايل من جوه ساعت ما خرجوا... ابتسمت شوية وبعد كده افتكرت إنه مش وقته دخلت علمكالمات ورنت على نمرة الإسعاف حاولت تشرحلهم المكان وبعتتلهم اللوكيشن من على تلفون يامن وقدروا يعرفوا هي فين وحظها إن الموبايل فصل بعد ما بعتت اللوكيشن علطول.
بصت للسکينة اللي في بطنه "طب أشيلها ولا أعمل إيه.... أنا خاېفة أشيلها... لا لا هما هييجوا ويتصرفوا."
بعد دقايق الإسعاف جات وأخدت يامن
يامن حاول يفوق ولقى نور أبيض وممرضين حواليه وفرح فرح كانت جمبو وماسكة إيديه ابتسم وقال بتوهان"فرح... أنت هنا."
فرح بلهفة"أنا جمبك... مش هسيبك... أنا جمبك يا يامن."
الممرضة جاتلها"حضرتك مراته"
فرح بصتلها "ااا... لا مش مراته.... أنا... صديقته... أيوة صديقته."
"طب اتفضلي امضي هنا عشان نبدأ العمليات."
فرح مضت ومسكت إيديها پخوف"هو كويس... صح"
جريت الممرضة على أوضة العمليات وفرح قعدت على أقرب كرسي بټعيط فضلت ټعيط كتير برا وبتدعي إنه يطلعلها بخير
ناهد"العيال اتأخروا كده ليه أنا قلقانة عليهم."
نورا"اتصلتي بيامن"
ناهد"اتصلت كتير والتلفون غير متاح."
نورا"وفرح مش معاها موبايل."
هشام"اهدوا متقلقوش هما شوية وراجعين إن شاء الله خير." بقلم مريم الشهاوي
فوزية"يابنتي حرام عليك مش شايفة اللي في جسمك بعد كل ده عاوزة تعانديه برضو المرة الجاية هتمو تي في إيديه."
إبتسام بعياط"خالتو قالتلي إنه هيتجوزني وأكدتلي ده... بس مراته طلعت بتثق فيه أوي وضاعت الخطة."
فوزية"خلاص يا حبيبتي نقبل بالعريس اللي جايلك أهو شاب محترم."
إبتسام زعقت"أنا بحب هشام يا ماما ومستحيل أسيبه ليها."
إبتسام"هيطلقها وهتشوفي."
فوزية"يابت بقت حامل خلاص أزمتهم اللي كانت ممكن تخليهم يفترقوا اتحلت."
إبتسام"يبقى نخلص علأزمة دي."
فوزية"يعني إيه "
إبتسام بمكر"يعني يا حرام هتسقط العيل وهو لسه مبقالوش شهرين في بطنها."
فوزية پصدمة"يخربيتك."
إبتسام بعياط"هسقطها والله ما ههنيها على حاجة خطفت هشام مني طول حياتي وأنا بحاول ألفت إنتباهه وفالآخر يدخل علينا ويقول لأمه أنا عاوز أخطب وأنا أتعشم وأدخل بالشربات ألاقيه جاي يقولك إنه هيخطب قريب ويعزمكوا علخطوبة ويكسر قلبي.. وهي تبقى فرحانة... والله ما ههنيهم علعيل.... "
إبتسام بزعيق"أنت بتضربيني ليه... ما تحسي بيا... حسي پالنار اللي في قلبي."
فوزية"يا بنتي مش نصيبك هقولهالك تاني مش نصيبك سيبيهم في حالهم بقى يا إبتسام.... "
إبتسام بإصرار"هشام بتاعي أنا ومش هسمح لنورا تاخده مني كانت فرصتي فيه كبيرة وهي مبتخلفش ودلوقتي جاية تحمل والله لهحرمها منه."
فوزية قامت من مكانها بحسرة"ربنا يهديكي يا بنتي والله ما هتطلعي غير علأكل وبس ده أنت مچنونة... مخلفة مچنونة وربي ليه حق أبوكي يرنك علقة محترمة وبعد كل ده لسه بتفكريلي فيه... يا بنتي مش بيحبك ولا هيبصلك هو قالك قبل كده إنه بيعتبرك أخته وبيعاملك علأساس ده متتعبيش روحك علفاضي."
إبتسام "هيحبني في يوم هيحبني مش هسيبها تتهنى بيه ولا بطفلها هي
