رواية ابيض واسود الفصل الرابع عشر بقلم مني محمود بركات

عليا أنا حقك عليا
بكر خرج من عند بهاء كان مفروض يروح علي البيت بس حس أنه مخڼوق مش قادر يشوف بدور دلوقتي خاېف يأذيها بكلامة اكتر من كدة راح علي الكورنيش وقعد سرح في اللي حصل وكل ما يفتكر كلام بركات وبدور يحس أنه دمه بيغلي من تاني
قاطع سرحانه تلفونه اللي رن برقم الراجل اللي مكلفه يراقب بركات رد بسرعه
ايه الاخبار طمني 
في العنايه المركزه بس حالته مستقرة عشان اتلحق بسرعه هيفضل ف العنايه ليله ولو الدنيا تمام هيطلع ع اوضه عادي بكرة
نفخ بضيق 
زي القطط ... طيب خليك متابع عشان مش عايز أظهر في الصورة وقولي لو في جديد
ازاي يا باشا مش هتظهر ف الصورة ما هما هنا من البطاقه عرفو بياناته والناس هتقول أنه ابو حضرتك يعني كدة أو كدة سواء البوليس أو المستشفى الاتنين هيكلموك
ياساتر يارب عليك امشي امشي تابع من بعيد ب بعيد وخلاص اقفل يلا
حاضر يا باشا مع السلامة
سلام
قفل معاه وخنقته ذادت اكتر كان عنده امل الأمور تمشي زي ما خطط لها ويخلص من بركات من غير ما يلوث ايديها بدمه
اتنهد وحاول يهدي نفسه وتلفونه رن للمرة الثانيه بس المرة دي برقم بدور كنسل عليها ولكنها اتصلت تاني وتالت ورابع مرة قلق ل تكون تعبت تاني ورد عليها سمع صوتها وهي بټعيط
ارجع يا بكر ... أنا تعبانة ارجع متسبنيش لوحدي كدة انا مقدرش اعيش من غير ولا ابعد عنك ابدا ... رد عليا يا بكر والنبي ... يا بكر
اخيرا صوته طلع 
انا مسافر في شغل خروج من البيت ممنوع اي رقم غريب يكلمك مترديش و هبعتلك بكرة واحدة اسمها ام اسلام دي حد ثقه هتقعد معاكي من ١١ الصبح لحد ١١ بالليل
أنا مش عايزة حد انا
قاطعها بصوت حازم
أنا قلت اللي عندي وابقي متسمعيش الكلام يا بدور عشان تبقي الناهيه بينا سلام
وقفل قبل ما ترد باي كلمة .. كلم العسكري اللي شغال تحت منه واللي الست دي تبقي أمه وأكد عليه أنها تراعي بدور وهو هيبقي تطمن عليها منها وقفل واتحرك علي بانسيون جمب القسم وسعره حنين حجز اوضه وطلع رمي نفسه علي السرير وهرب من كل حاجة بالنوم
الليل عدي ببطء علي الناس اللي عقلها شغال والفكر خلي النوم جفا عيونهم وجه نهار جديد شايل معاه مفاجات كتير
في شقه مؤمن صحي بدري جدا كان بيجهز بهدوء عشان ميقلقش علا وينزل من غير ما حد يحس بيه بس قبل ما يخرج من الاوضه قلقت علا وحست بيه
صباح الخير يا حبيبي
صباح النور يا قلبي آسف قلقتك معلش
انت نازل بدري اوي ولا أنا بيتهيالي 
لا نازل