رواية ابيض واسود الفصل الرابع عشر بقلم مني محمود بركات

ابيض واسود 
مني محمود بركات
الفصل الرابع عشر
احيانا كتير كل ظالم في حكايه مظلوم هو مظلوم عند ظالم تاني
كل حكايه ليها كزا مرايه وكل مرايه ليها كزا زوايه
دنيا عامله زي المتاهه صعب تفهمها
وشها بهت والړعب ظهر عليها ورجعت خطوتين ل ورا ضحك بانتصار لما شاف حالتها وكمل
عبيطة اوي انتي يا شهد ... فاكرة انك كدة كنتي بتحميه من مرض عمر ... احنا كنا عارفين من زمان بس بصراحة اللعبه عجبتنا لأن مش ع اخر الزمن حفيد اللواء عبد الرحمن يبقي من بنت متربيه في ملاجئ وقدرتي تحوليه ل رسمي عشان شهادة الميلاد مش كدة
اتكلمت بصعوبه من وسط دموعها 

أنا مش عايزة اي حاجة غير اني ابعد بيه ... والله ما عايزة حاجة يا نصر بيه
دلوقتي مش عايزة حاجة وهو حته لحمة حمراء لكن لما يكبر وعوده يشد نبص نلاقيه جاي بقا وعايز حقه مش كدا 
لا لا والله ما هيحصل طب اقولك غير شهادة ميلاده خليها باسم ابويا وانا هتنازل رسمي عن نصيبي ف ورث عمر كدة احنا هنبعد وحضرتك مطمن اني مش هظهر لا أنا ولا ابني تاني ابدا والله ما هتشوفني ابدا بس سيبهولي الله يخليك ابوس ايديك يا باشا سيبلي ابني متأذهوش
عرض حلو ... بس لو
قاطعته 
مفيش لو والله ما هظهر تاني ابدا هاخدة ونختفي و
قاطعها هو المرة دي 
استني بس مش سلق بيض هو ابوكي مېت من سنه ونص هنسجله باسمه ازاي متعرفيش يا شهد أن أهم من الشغل تظبيط الشغل ولا اي بص يا حلوة شهادة الميلاد الاصليه هتختفي من السجل المدني كله هو وقيسمة جوازك من عمر كان لم تكن هي كمان وهنعمل عقد جواز بتاريخ من سنه مثلا باسمك انتي وعبد الفتاح الراجل بتاعي وبعدها نعمل شهادة ميلاد للمحروس ما الصغير لو كل دا تم علي خير هخلي عبد الفتاح يطلقك وتروحي مكان ما تروحي في ستين داهيه أما بقا لو حبيتي تعملي اي حركة كدة ولا كدة هخليه يوريكي النجوم في عز الظهر ويلبسك قضيه وياخد الواد ويحسرك عليه تمام يا حلوة 
بړعب شديد هزت رأسها كزا مرة ورا بعض ودموعها نازله مش قادرة تنطق ... زعق نصر لما لاقاها ساكته
ما تردي يا روح امك اي القطا كلت لسانك دلوقتي
حاضر حاضر والله حاضر موافقه علي كل حاجة موافقه والله
غوري دلوقتي لحد ما ايام العزاء تخلص وبعدين هيبقي اكلمك وننفذ غوري يلاااا
طلعت تجري من قدامة برا الاوضه وبرا الفيلا كلها كلمة مړعوبه حاجة بسيطة اوي علي اللي هي حاسه بيه دموعها كانت نازله وبتردد جملة واحدة بهمس لنفسها 
سامحني يا بني سامحني بس لازم أحافظ علي حياتك حقك