رواية ساعة الاڼتقام الفصل الثاني والثلاثون بقلم دنيا اسامة

صوت الطارق يقول 
كله زي الفل ي زياد هما رايحين دلوقتي المكان اللي شاكين فيه
_ مش عاوز حد يأذيها بأي طريقه اتصرفوا معاه واقتلوه هو وكل اللي معاه لكن هي عاوزها سليمه انتو فاهمين.
_ اللي عاوزه هيحصل ي زياد بيه.
أغلق زياد ينظر في الفراغ بعمق واضعا يديه بقوه أعلى الحامل الحديدي يفكر فقط في خطته الخفيه.
بينما في منزل ريم كانت تجلس تسرد لهم عن تلك الحقيقه التي كانت تخفيها لزمن إنتهت من حديثها بحزن كلما تذكرت أخيها وما حدث له بسببها لتردف ناهد بعتاب 
اخص عليك ي ريم بقي كل ده يحصل معاكي ومتقوليش حتى لخالد إبن عمك!
_ هقوله إيه ي ماما ناهد وانا عارفه أنه متهور وحياته كانت هتبقي في خطړ مقدرتش اعمل كده خفت اخسره ويجراله حاجه زي وحيد الله يرحمه.
وافقتها سوسن الرأي تردف 
ريم اللي عملته صح مكنش ينفع تعرف خالد خالد متهور ومتسرع وكان ممكن يعمل أي حاجه وبعدين مدحت اللي بتقول عليه ده كان شكله مريض يعني مكنش هيسمي عليه هو كمان
بينما ورد رغم صډمتها من تلك الحقيقه عن مقټل إبنها لكنها اردفت بحزن 
وهو ماهر قالك أنه ماټ وهو بيصلي! 
_ أيوه ماهر بيه بلغني بكده بس أنا مش قادره اسامحه مش قادره.
_ انا كمان لو مكانك مكنتش هقدر ي بنتي حقكك متزعليش إنك مش قادره ده ڠصب عنك.
قالتها سوسن بحزن بادي تتذكر شيئا ما بينما ورد هتفت وسط دهشه الجميع 
بصي ي ريم ي حبيبتي كل بني آدم خطاء ايوه انا محروقه كأي أم علي مۏت إبنها بالطريقه دي بس ي بنتي من خلال كلامك عنه الشاب ده مريض مش طبيعي ولا حرج ع المړيض اللي زيه وبعدين موتته حلوه وشكله فعلا تاب أكيد فيه عوامل خلته كده حاولي تسامحيه ي بنتي واحتسبي اللي عمله عند ربنا ربنا كبير 
_ انا موافقه ورد في اللي بتقوله ي ريم شكله فعلا مريض نفسي أو فيه حاجه مأثره عليه ووحيد الله يرحمه غلط في تصرفه معاه وانتي كمان ي بنتي متزعليش مني طبيعه أي شاب مش بيحب الرفض لأي سبب وهو زي ما بتقولي غني ومش ناقصه حاجه فبعد رفضك انتي واخوكي طبيعي يتحول.
_ وهو أي حد بيترفض بيعمل كده ي ماما ناهد! مش مبرر خالص اللي عمله.
_ ي بنتي مهو علشان مريض المړيض اللي زيه شاف أنه مينفعش يترفض مدحت ده مريض بالتحكم شايف أنه أي حاجه عاوزها لازم ياخدها حتى لو بالڠصب.
_ كله ييجي بالڠصب إلا الحب ي ناهد.
قالتها سوسن بحزن وما زالت شارده الذهن نظرت إليها ريم بترقب تلاحظ شرودها بينما اردفت حينها تؤكد جملتها 
عندك حق ي ماما سوسن كله إلا الحب وللأسف هو مكنش فاهم معنى الحب ولا بيعرف يحب
طرق باب شقتهم بخفوت لتردف ناهد 
بقولك إيه يا ريم افتحي الباب شكله خالد أبني
حركت رأسها موافقه بتوتر ثم نهضت من أمامهم فتحته بتوتر وضيق فوجدته أمامها ينظر إليها بتوتر هو الآخر وطالت النظرات بينهما بعتاب متواصل منهما إلى الآخر ليردف هو بصوت رخيم حاول فيه الثبات أمام عينيها الحزينه 
ماما هنا
حركت رأسها موافقه ثم أشارت نحو الداخل وقالت بثبات يتنافي مع تلك الضجه التي حدثت بمجرد رؤيته 
أيوه اتفضل
ترجل هو بقدميه بعدما تنهد بقوه ثم دلف وهو يقول 
إيه ي ماما