رواية ابيض واسود الفصل التاسع بقلم مني محمود بركات

كمان ساعه يادوب تلحق
خرجت نجاة علي اخر جمله ل مؤمن
فعلا في دوا كمان ساعه ودا بعد الأكل الفطار جاهز عشر دقائق ويبقي جاهز خد يا صبري انت جيجي وانا هحط الاكل علي السفرة علي ما مؤمن يصحي علا يلا
صبري
حبيبه جدو تعالي يا قلبي اهلا اهلا بالصغنن الجميل
سابهم مؤمن ودخل ل علا اللي كانت صحيت وبتحاول تنزل من علي السرير بس الدوخة مش مخليها متزنة ف قامت وقعدت كذا مرة جري عليها مؤمن وهو بيسندها
صباح الخير يا حبيبتي عامله اي طمنيني عليكي
صباح النور ... متقلقش يا حبيبي أنا بقيت احسن كتير
حبيبي !!
اه مالك مستغرب كدة ليه
يعني انا عارف انك لسه زعلانه من اللي حصل ف مستغرب حبيبي دي
خلاص يا حبيبي حصل خير أنا مش زعلانه يعني امبارح زعلت شويه بس خلاص انت وعدتني وانا صدقتك ملوش لزوم النكد بقا
انتي كويسه بجد يا علا !!!!
اه يا حبيبي الحمد لله مالك مستغرب اوي كده ليه
سرح مؤمن وافتكر كلام صبري اللي قاله من شويه وعرف أن فعلا في جانب تاني في شخصيه مراته هو ميعرفش عنه اي حاجة وقرر أنه لازم يفهم كل حاجة
عدي حاولي ساعه كانو فطرو كلهم سوا وعلا كانت بتضحك وتهزر ولا كان في حاجة ودا كان مخلي مؤمن ڠصب عنه نظراته عليها كلها ذهول وعدم استيعاب
نزل هو وصبري علي القهوة والفضول كان بينهش فيه
ادينا بقينا لوحدنا يا عمي فهمني اي اللي حصل دا أنا استنيت الساعه دي بالعافيه والله
بص يا مؤمن علا شخصيه كتومة جدا وحساسه جدا ومبتعرفش تعبر عن اللي جواها وللاسف اللي زود دا هو طباع نجاة الحاده شويه ... نجاة الحب عندها يعني تربيه سليمة اخلاق كويسه الناس كلها تحلف بيها وتقول ماشاءالله علي تربيه نجاة ل بنتها لكن مفيش اظهار لاي عاطفه جواها ... ديما شايفه أن الحب والاهتمام للبنات دا دلع والدلع للبنت غلط وبيجيب مشاكل ف بالتالي بقت عڼيفه طول الوقت معاها وعايزة كل حاجة بتتعمل تتعمل صح ومظبوط ف لما علا كانت بتزعل من كلام امها ليها مكنتش بتلاقي اللي يراضيها وللاسف أنا قعدت فترة كبيره اوي مقتنع ب اسلوب نجاة أنه هو دا الصح واني كدة بحافظ علي بنتي الوحيدة ف كانت علا بتقفل علي نفسها واللي عرفته بعدين لما بالصدفه قريت مذكراتها أنها بقت طرق تراضي بيها نفسها زي أنها تقعد تقول ل نفسها معلش يا علا ... انتي كويسه يا علا ... بكرة كل حاجة تكون احسن ... انتي تستاهلي الحب وهتلاقيه ... او تجيب ل نفسها حاجة بتحبها يعنيط يا حاجات زي دي لما قريت كلامها حسيت باللي احنا عملناه في شخصيتها للاسف بدل ما نربيها تكون قويه وسويه ربنها مؤدبه اه بس ضعيفه وحساسه وكتومة حاولت افهم نجاة كتير بس من شب علي شيء شاب عليه ف بقيت أنا في النص شويه ادادي في نجاة وشويه اكون جمب علا واهي ماشيه ولما حصل الموقف الاخراني بينكم عرفت اللي هتعطمله معاك ف استخرت ربنا وقررت افهمك كل حاجة عشان اللي احنا بوظناه انت بقا تصلحه بمعرفتك
مؤمن طول ما هو بيسمعه كانت ملامحة مكشرة وحاسس پخنقه ومع نهايه كلامه حس بضيق ومقدرش يسيطر علي نبرة صوته اللي طلعت كلها ڠضب
يعني حضرتك قعدت سنين عارف مشكله بنتك واي اللي وصلها ل كدة وبدل ما تحل المشكله بتقولي اهي كانت ماشيه وحل