رواية ابيض واسود الفصل التاسع بقلم مني محمود بركات

أبيض وأسود 
مني محمود بركات
الفصل التاسع
دائما أتسائل فيما أذنبت ولما اعاقب وماذا ينتظرني في اخر الطريق
عند بدور في المستشفي الدكتور طمن بكر عليها وسمح لها بالخروج بس تاني يوم الصبح زيادة للاطمئنان و شدد علي الراحة التامة وعدم الانفعال بعد ما خرج الدكتور فضل بكر قاعد وباصص ناحيه الباب وساكت وهي عينيها عليه ومش عارفه تقول ايه بعد حوالي ربع ساعه من الصمت دا اتكلم بكر من غير ما يبصلها
لحد أمتي هتفضلي تداري عليه انتي فاكرة أنه سبنا في حالنا فعلا طب تعرفي أنه بقاله كام يوم بيزن عليا اني اروحله بنفسي اديله الشهريه ولما رفضت هددني أنه هيعملي مشكله في شغلي

بدور استغربت جدا بس سكتت وبكر كمل كلامة
أنا كنت واثق أن في سبب لاصراره اني اروح بنفسي هناك لحد ما عرفت السبب
سكت شويه وبعدين بصلها 
مش عايزة تعرفي كان عايزني ليه
نطقت بصوت مخڼوق 
ليه !
ضحك ضحكه كلها ۏجع 
متخانق مع واحد من الزباله اللي بيشرب كل يوم معاهم واحد اسمه اشرف وأشرف دا بقا ابنه هو كمان بيشرب معاهم وشغال اصلا ديلر هو اللي بيجيبلهم الهباب اللي بيطفحوه كل يوم وطبعا لما بركات بيه اټخانق مع ابو الواد الواد بطل يدي بركات هباب ووصي كل عيال المنطقه اللي بيبعو ميدوهوش اي حاجة مهما عرض عليهم فلوس ف اخر كارت بالنسبه أني اروح هناك ب نفسي لانه وهم الناس هناك أنه اتصالح معانا وعلاقتنا كويسه ببعض الواد طبعا مصدقش لكن لما اروح بنفسي هناك وابان وانا داخل البيت وشويه وخارج الواد هيصدق وېخاف ويرجع يبيع لابوكي من تاني ... اي رايك في دماغه هههههههههههه دماغ متكلفه بصحيح مش كدة
معرفتش ترد تقول اي دموعها نزلت پقهر علي حالها وحاله واللي السبب فيه واحد هو بركات كمل بكر كلامة
انتي مش عايزة تقوليلي هو عمل اي عشان مقتلوش وتبقي لوحدك مش كدة يا بدور
بصتله بدهشه وسكتت ودموعها لسه نازله
تفتكري أنا غبي للدرجة دي عشان مفهمش أن دا السبب .. طب تفتكري اني ممكن اعمل حاجة تخليكي لوحدك في الدنيا الزفت دي وبطولك فيها ريحيني يا اختي أنا في مليون سيناريو في دماغي كلهم العن من بعض وانا والله العظيم ما هتصرف بتهور ولا هعمل اي حاجة تخلينا بعيد عن بعض احنا ملناش الا بعض يا بدور بس عرفيني ايه اللي حصل متسبينش ل دماغي كدة لان لو فضلت علي الحال دا مع تصرفات بركات اللي بتزيد يوم عن يوم هتجنن فعلا وممكن اعمل فيه حاجة عشان ارتاح من الصراع اللي جوايا قوليلي في اي وانا اوعدك هحل كل حاجة بهدوء والله
ملهاش حل يا اخويا .... انا غلطت وحرماني من بنتي كان التمن وانا راضيه بيه ... طالما هي بعيد عن القرف دا خلاص ... ابوك اذاني يا بكر قطم ضهري بس كانت الغلطة من الاول غلطتي أنا ... انا المچرمة في الحكايه كلها أنا اللي غلطانة واستاهل الشڼق والله انا يا بكر أنا
اڼهارت في البكاء وبكر قام بسرعه وحضنها وحاول يهديها ولما فشل نده للدكتور اللي أداها مهديء
كدة ما ينفعش أنا ماكد علي حضرتك عدم الانفعال والراحه عشان الحاله تفضل مستقرة لما ټنهار كدة وهي لسه في المستشفى اومال لما تخرج هيحصل اي
رد بكر وعيونه بتلمع بالدموع 
مش هخليها تنفعل تاني ابدا ... إن شاء الله مش هيحصل يا دكتور ... بس هي كويسه دلوقتي
هنشوف لما تفوق الوضع