رواية خسارة ومكسب الفصل الثالث والاخير بقلم هاجر نور الدين
على طربيزة روحتله پغضب وقعدت بمنتهى الهدوء وقولت بحدة قبل ما يتكلم
_ إنت مقولتليش يعني بصراحة كنت فين طول اليوم ومتحاولش تكدب عشان كلمت أختك قالتلي إنك خرجت من أول اليوم أه صح كنت بتجبلي هدية ومخبي عليا عشان تفاجئني صح
بصلي بعدم فهم وتوتر من طريقتي الحادة اللي متقبلش آي كلمة منه وقال
ءء أه كنت بجيبلك هدية بس مين قالك يعني أنا كنت جاف معاكي طول اليوم النهاردا يا حبيبتي عشان بس أعماك مفاجأة.
_ طيب يلا هات الهدية فاجئني أختك قالتلي إنك جبت خاتم دهب ومخبيه في جيب الچاكت بتاعك اللي نزلت بيه.
بصلي بتوتر وخوف حقيقي وبلع ريقه وبعدين قال بتقطع
شكلي نسيته لما رجعت البيت كنت مخضوض من مكالمتك.
بصيتله بنبرة حنان مصتنعة وأنا بقول بسخرية
_ يا روحي كنت مخضوض عليا وإنت بتكلمني بمنتهى الجفاء طيب مش أنا وإنت واحد والمواضيع دي متقلقش مش عايزة أمشورك برضوا.
_ الخاتم أهو اللي كنت هتقدمهولي هدية بس وقع في إيد أختي بالغلط صح
الصدمة بانت على وشه وفي حبات من العرق ظهرن على جبينه من كتر التوتر فضل يتهته ومش عارف يتكلم خبطت على الطربيزة پغضب واللي لفتت نظر بعض الناي حوالينا وقولت
_ بقى إنت يا حيوان توقعني أنا وأختي في بعض طب أختي عيلة صغيرة وطايشة لكن إنت المفروض كبير وفاهم وعايز تتخلص مني ك طرف تالت كمان مبقيتش راجل ليه وتيجي تقولي مبقتش عايزك وعايز أختك وقتها كان ممكن أحترمك شوية لكن توصل بيك إنك تكلمني أنا وأختي في نفس الوقت.
إهدي بس عشان الناس بتتفرج وبعدين أختك هي اللي خلتني أحبها وخلتني مش عايز أكمل معاك صدقيني والله هي اللي لعبت في دماغي أنا هبعد عنها خالص والله خلاص.
ضحكت بسخرية وإتكلمت پغضب هادي وقولت
_ لولا أختي كنت فرجت عليك الناس بحق وكدا كدا بمزاجك أو ڠصب عنك مش هتقرب من أختي تاني عشان لو عرفت إنك بتحاول تقرب منها تاني صدقني مش هيحصلك كويس خد الخاتم بتاعك المعفن دا وفوقيه دا كمان.
بعد فترة مش عارفة قد إي فوقت وكنت على سرير المستشفى وفي محلول جنبي إتكلم ماهر بقلق وقال بعد ما إتنفس براحة
_ الحمدلله إنك بخير إنت ضعيفة أوي كدا
ليه يابنتي الأنيميا
