رواية وشم على حواف القلوب الفصل الثامن عشر بقلم ميمى عوالى

خلال كام يوم هكون جهزت كل الرسومات اللى محتاجها 
رامى تمام .. و انا هعرفك على كل الناس اللى اعرفها هنا و هخليهم يظبطوك 
فى منزل شيخون .. كانت زينب تقف امام والدتها و هى تهندم ملابسها و تقول هروح اجيب جدول الامتحانات بتاعى و هرجع على طول 
زينة الله يرضى عليكى يا زينب تبقى تطلى على الجدول بتاعى معاكى كانوا بيقولوا هيتعلق النهاردة 
زينب حاضر يا زينة .. هبصلك عليه و اكيد هلاقيه اتعلق زى الجدول بتاعى
حسنة تنزلى من العربية فى الموقف و تتنيكى جاية على اهنه على طول 
زينب حاضر 
حسنة ياللا و ما تتأخريش 
اما حكم .. فعاد مع رامى الى الدوار مرة اخرى و قبل ان يترجلان من السيارة يقول رامى انا كنت عاوز اشوف ارض النخيل بتاعتك 
حكم دلوك .. ماتعبتش . انت من الفجر و انت قاعد على الدريكسيون 
رامى بالمرة بقى قبل ما نريح 
حكم ماشى بس استنى اما انده البنات ياجوا معانا بالمرة كانوا عايزين يشوفوها 
ليصطحب حكم الصغيرتين و ايضا عبدالله و عبد الرحمن اللذان قد عادا من المدرسة و ابدا رغبتهما فى زيارة ارض النخيل مع الصغيرتين ليصطحبهما حكم جميعا فى سيارة رامى ليقضي الاطفال وقتا مرحا فى اللعب وسط النخيل قبل ان يعلن رامى عن جوعه فيعود الجميع مرة اخرى الى الدوار 
و فى طريق عودتهم يشعر رامى بان هناك شئ ما بالسيارة ليصف سيارته الى جانب الطريق و هو يقول العربية الظاهر نسيت احطلها ماية 
حكم مش مشكلة .. خليك هنا و انى هتصرف و اجيبلك ماية 
ليظل رامى بالسيارة بصحبة الاطفال الاربعة و هو يتحدث معهم بمرح حتى قطع حديثهم صوت صياحا عاليا صادر من زينب و هى تصرخ قائلة انت واخد العيال و رايح بيهم على فين يا حرامى انت الحقونى يا ناس .. حراااامى
ليتلفت رامى حوله بعدم استيعاب و هو يظن انها تتحدث عن احد غيره ثم يقول للصغار اوعوا حد ينزل من العربية ثم يفتح الباب و هو يقول لزينب اهدى طيب هو راح فين الحرامى ده 
زينب صاړخة بذهول انت هتستهبل .. انت الحرامى واخد عيال عمتى و عمى و رايح بيهم فين يا حرامى انت
ليستوعب رامى اخيرا انها تقصده فيقول پصدمة حرامى ايه يا متخلفة انتى انا عمهم
زينب انت كمان هتكدب عينى عينك اكده العيال داهية مالهاش عمام .. نزلهم من العربية بقولك 
احد اهالى الكفر و هو يقترب من زينب فيه ايه يا زينب 
زينب و هى تشير الى رامى تارة و الى السيارة تارة اخرى الحقنى يا عم رزق .. انى لقيت الحرامى ده واخد عيال عمتى و عيال عم حكم فى العربية و مش عارفة واقف بيهم هنا ليه و كان واخدهم على فين
و قبل ان يقول رزق شيئا سمعت صوت عبد الرحمن قائلا مش حرامى يا زينب 
لتنظر الى الصغار باستفهام فتقول ياسمين ده عمو رامى قريب دادى 
زينب بفضول متوتر قريب دادى ازاى يعنى انى عمرى ما شوفته قبل اكده
رامى بتنهيدة ممتعضة و هو انتى يعنى المفروض تبقى شفتينى ازاى قبل كده و انا اصلا ماجيتش هنا طول عمرى غير مرتين تلاتة و كنت صغير اوى كمان
زينب باحراج و افرض يعنى انك قريب عمى حكم زى ما بتقول واخد العيال كلها معاك فى العربية ليه و موديهم فين
رامى بحدة يا بنتى هو انتى شفتينى جريت بيهم و خدتهم و مشيت مانا متلقح معاهم اهو و فى