رواية وشم على حواف القلوب الفصل الثامن عشر بقلم ميمى عوالى
انت في الصفحة 1 من 6 صفحات
اللهم أصلح لي ديني الذي هو عصمة أمري وأصلح لي دنياي التي فيها معاشي وأصلح لي آخرتي التي فيها معادي واجعل الحياة زيادة لي في كل خير واجعل المۏت راحة لي من كل شړ
18
وشم على حواف القلوب
الفصل الثامن عشر
لا احلل نشر او نقل الرواية باى مكان اخر دون اذن كتابى منى شخصيا و من يفعل دون ذلك يعرض نفسه للمسائلة القانونية
فى الصباح الباكر و مع اول خيوط النهار انطلق حكم بصحبة رامى و الصغيرتين فى طريق عودتهم الى مسقط رأسهم مرة اخرى ليصلوا بعد اذان الظهر بوقت ليس بالطويل و ما ان توقفت السيارة امام باب الدوار حتى اسرعت الصغيرتين الى الباب الكبير لتدلفان منه و هما تصيحان باسم نجاة التى هرعت اليهما هى الاخرى بسعادة بادية على وجهها لتحتضنهما بحب و هى تقول لهما باشتياق واضح اتوحشتكم قوى يا قلب خالة نجاة من جوة .. حمدالله على السلامة اوعاكم تغيبوا عنى تانى مرة
ورد و احنا فرحنا اوى عشان هنفضل معاكى
نجاة و انى فرحانة اكتر منيكم بكتير قولولى بقى انبسطتوا في مصر
لتسمع صوت حكم الواقف بالباب و انشغالها بالصغيرتين جعلها لم تنتبه له و هو يقول أبدا .. ما حدش فينا انبسط
لتنظر له نجاة بلهفة حاولت مداراتها و قالت و هى تزدرد لعابها حمدالله بالسلامة يا ابو ياسمين
حكم الله يسلمك
نجاة و ما انبسطتوش ليه كفالله الشړ
حكم حكاية طويلة مش هينفع احكيها دلوك و معايا ضيف برة لازم ارجعله انا بس قلت اسلم عليكى و اتطمن ان البنات معاكى
حكم بامتنان تسلمى .. بعد اذنك
و ما ان استدار عنها حتى نادته قائلة حكم
ليلتفت اليها مرة اخرى فيرتد طرفها ارضا بخجل و تقول كنت عاوزة اسالك يعنى .. اخليهم يعملوا لك انت و ضيفك قهوة و اللا شاى على مانجهز الغدا يعنى
حكم بابتسامة اللى تجودى بيه يبقى كتر خيرك بس اما نرجع احنا هنروح نطل على حاجة اكده و راجعين تانى
نجاة ترجعوا بالسلامة على ماتعاودوا يكون الغدا جاهز و اكون كمان كلمت شيخون و عرفته انك عاودت بالسلامة
ليذهب حكم بصحبة رامى الى الارض الباقية له من ميراث امه و يقوم بمعاينتها بمساعدة رامى و هما يضعان تصورا للمبنى الذى يريدان انشائه ليقول حكم و هو ينظر الى المكان من حوله تفتكر لو فعلا عملت الشركة اهنه .. مش هتبقى بعيدة
رامى انا شايف ان الموقع بتاعها ممتاز وسط العمار بما انها فى المركز و كمان قريبة من الكفر انا حسبت الطريق .. لقيته تلت ساعة بالظبط يعنى هيبقى سهل عليك انك تروح و تيجى كل يوم
و رغم أنها دخلت كردون المبانى من سنتين بس .. الا ان ماشاء الله.. شوف المكان عامل ازاى اكنها متخططة من سنين مش مجرد سنتين و على ما انت كمان تشد حيلك و تطلع بالمبنى و تخلص الاجراءات القانونية و تبتدى شغل هيكون المكان اتطور اكتر من كده
حكم بحماس الحقيقة انت حمستني و هتخلينى ابتدى من الليلة دى ارسم التصميم اللى انا محتاجله
رامى و الارض ماشاءالله كبيرة يعنى ممكن قدام شوية تطلع بعمارة محترمة جنب الشركة فشوف من دلوقتى هتاخد انهى ناصية للشركة
حكم ان شاء الله
