رواية عيسي القائد الفصل العشرون والاخير بقلم اية محمد

اي اللي أنت بتقولة دا!! لحظة و اي اللي أنتي بتقوليه دا!! أنا حامل أنا بس لسه مخلصتش كورس العلا...
"أنا قولتلك إن مشكلتك بسيطة أنتي اللي كنتي مكبرة الموضوع ومقتنعتيش أنتي حامل يا زمرد اتبسطي"..
نظرت لعيسى بأعين دامعه لتجده يبتسم بإتساع ولازالت عيناه عالقة علي الشاشة انتبه لها فهربت دمعه من عيناه فأقترب يضمها يخبأ وجهه بها.. 
ابتسمت الطبيبة وتركتهم لدقيقة فهمس عيسى لزمرد 
" شكرا.. شكرا علشان خليتيني أحس بالشعور دا أنا أسعد واحد في الدنيا "..
" أنا مش مصدقه ربنا إستجاب لدعواتك كل ليلة في قيام الليل "...
" الحمد لله.. الحمد والشكر لربنا بصي بقي مفيش هزار هتحافظي علي نفسك و مش هتتعبي نفسك في أي حاجة فاهمه!! "..
" حاضر ان شاء الله ميكونش في أي مشاكل "..
" تعالي نشوف الدكتورة.. قومي علي مهلك "..
ضحكت زمرد بخفة وهي تنهض عن الفراش ثم تحركت معه للخارج ليجلسا أمام الطبيبة التي أردفت بهدوء 
" دي الروشتة بتاعتك.. عاوزة راحة تامة مش بقولك نامي علطول بس عاوزاكي مرتاحة خصوصا الشهرين الجايين دول "...
أومأت لها زمرد بإبتسامة واسعه و وجه متوهج فأكملت الطبيبة تعليماتها بالكامل ثم اصطحب عيسى زوجته للخارج... 
" زمرد.. أنتي پتخافي من الأماكن العالية! "..
نظرت له بتعجب وأجابته 
" لا عادي بتسأل ليه!! "..
" لا مفيش... صحيح قوليلي مين أول حد هتقوليله الخبر الحلو دا!! "..
ابتسمت وأجابته وهي تفكر 
" طبعا ماما زينات و حنة وبابا... ياريت فردوس كانت هنا "..
" طيب حلو تعالي نكلم فردوس بقي نقولها "..
ضحكت زمرد واتجهت تحتضن ذراعه بيديها تسأله بخفوت 
" أنت غيران عليها صح! "...
" أنا بمۏت "..
" بعد الشړ عنك.. دي سنة الحياة يا عيسى المهم إنها مبسوطة "...
" ربنا يسعدها هو إحنا هنروحلها إمتي! عاوز أديهم تذاكر شهر العسل "..
" صحيح يا عيسى ما تقولي بقي هما هيروحوا فين!! "..
" مش مكان محدد أنا عاملهم برنامج سفر هيلف في معظم دول أوروبا.. حاجز الأوتيلات و مظبطلهم كل حاجه ان شاء الله يتبسطوا "..
صاحت بحماس 
" الله دي هتبقي حلوة أوي بجد أكيد هيتبسطوا فردوس هتفرح أوي "..
" قوليلي بقي هنروح إمتي!! "..
ضحكت زمرد وهي تنظر لساعة هاتفها 
" تعالي هنرجع البيت نلاقي ماما وحنة مستنينا علشان نتحرك وعمر وعمار هيجوا معانا بردو وبعدين يرجعوا طنطا بقي"..
" خلاص تعالي نروح إحنا علي هناك وهما يقابلونا أنا هبعتلهم عربية "...
" ماشي هبعت لفردوس أقولها "...
" طيب "..
أجابها عيسى بإقتضاب ثم تحرك بسيارته كانت سرعته بسيطه يبتسم كل دقيقة و الأخري وبداخله ألاف الصور زوجته التي تجلس بجواره تحمل طفلا له بداخلها كيف ستبدو بعد بضعة أشهر كيف سيبدو صغيرة هل ستكون فتاة و تصبح مدللته!! ماذ سيسميها!!!.. 
وزمرد تحتضن بطنها بسعادة تحمد