رواية وشم على حواف القلوب الفصل السابع عشر بقلم ميمى عوالى

بطل على امى و اخواتى 
نجاة فيك الخير و لقيتهم بخير 
احمد و بيسلموا عليكى 
نجاة تسلم 
احمد و عديت على خالتى سميحة عشان اباركلها على الخطوبة بس مالقيتهاش
نجاة ملحوقة .. ابقى روح لها تانى 
احمد بتردد الا يا عمة يعنى كنت عايز أسألك سؤال اكده 
نجاة بابتسامة و مالك مكسوف اكده ايه .. عاوزنى اخطبلك و اللا ايه
احمد لا حاجة تانية 
نجاة حاجة ايه دى 
احمد كنت عاوز اعرف يعنى .. هو انتى مش زعلانة ان عمى جابر هيتجوز خالتى
نجاة بسخرية لاا .. مش زعلانة 
احمد كيف بقى مش كنتى مخطوباله زمان و كان المفروض هتتجوزوا قبل ما تتجوزى عم المصيلحى الله يرحمه
نجاة اديك قلتها اهه .. كان زمان و جبر 
احمد بمرح بعنى ما كنتيش عينك منيه 
نجاة بتهكم و لا عمره حصل و لولا ابوك اصلا ماكنتش انخطبتله من الاصل
احمد بفضول يعنى انتى ماكنتيش رايداه من الاصل
نجاة ايوة 
احمد بفضول اكبر طب لو كان اتقدملك من تانى بعد مۏت عم مصيلحى .. كنتى وافقتى 
نجاة عمرى 
احمد ايوة يعنى .. بس عم جابر مايتعايبش برضيك
نجاة و انى ماقلتش انه يتعايب جابر طول عمره راجل و شهم و طول عمره هو و ابوك أصحاب و مايتخيروش عن بعض ابدا بس انى طول عمرى شايفاه كيف ما انى شايفة ابوك اكده 
احمد تقصدى كيف اخوكى يعنى
نجاة تمام اكده 
احمد فهمت .. انا هدخل اذاكر على ما عبد الرحمن و عبدالله يرجعوا من المدرسة عشان خلاص امتحاناتى هتبدأ السبوع اللى جاى 
نجاة ماشى .. اتجدعن و لو عزت تشرب حاجة خلى ام سعيد تعملها لك 
ليتجه احمد الى الداخل و هو يقول على فكرة عم حكم بيسلم عليكى 
نجاة بلهفة لم تستطع السيطرة عليها انت حدته
احمد ايوة .. و قال لى انه ممكن ياجى على بكرة او بعده بالكتير 
نجاة بسعادة ياجى بالسلامة ان شاء الله 
ليبتسم احمد بمكر و يذهب لمذاكرته تاركا تلك الهائمة و هى تتجه بناظريها مرة اخرى الى الجدار العازل 
اما بالقاهرة فى منزل فؤاد.. فكانت ثريا تزبد و ترعد و هى تقول بثو رة بقالى شهرين عمالة اقول لك بيع الارض و انت عمال تماطل و تقوللى اصبرى اصبرى لحد ما الارض طارت من ايدينا .. تقدر تقوللى ايه العمل دلوقتى 
فؤاد ببعض الامتعاض انتى بس همك الارض مافرقش معاكى ان ابن اختى الوحيد جرى من عندى عشان يلحق نفسه بعد ما اعتبرنى لص و سړقت ورثه و راح لغى التوكيل اللى كان عاملهولى لا و كمان جايبلى الاخطار بنفسه عشان يمضينى عليه
ثريا بتهكم مش لايقة عليك يا فؤاد ابن اختك مين اللى انت باصص على زعله ده ركز معايا و خلينا فى المهم و قوللى هنعمل ايه دلوقتى ادى الارض طارت و طار معاها المشروع اللى كنت هتعمله مع ابن اختك .. و فلوس القرض اللى اخدته يادوب تسد الشيك اللى بعد تلت شهور هنعمل ايه فى الشيك اللى بعد كده
فؤاد بتفكير طب ايه رأيك لو تبيعى شوية من المجوهرات بتاعتك 
ثريا بحدة انت اټجننت .. لا طبعا مجوهرات ايه دى اللى عاوزنى ابيع منها انت عاوز تفضحنا 
فؤاد بضجر طب اعمل ايه .. انا مابقاش حيلتى حاجة تانى عشان ابيعها 
ثريا بحماس كلم رامى يبيع الشقة اللى انت جيبتهاله .. تمنها النهاردة مايقلش عن مليون و شوية 
فؤاد بامتعاض و يروح فين لما يبيع الشقة 
ثريا ياخد حاجة ايجار جديد صغيرة على قده هيعرف يتصرف يعنى مش قصة 
فؤاد لا لأ.. انا
ما اقدرش ابدا اطلب منه حاجة زى دى و بعدين افرضى حب يتجوز فى اى وقت 
ثريا و هو يعنى لازم يتجوز فى شقة تمليك ما معظم الشباب اليومين دول بيتجوزوا فى ايجار جديد مش قصة يعنى
فؤاد باستنكار لا يا ثريا ماقدرش اطلب منه انه يبيع شقته 
ثريا پحده شقته شقته شقته هو يعنى كان جابها بفلوسه .. ما انت اللى دافعله تمنها و دلوقتى محتاج فلوسها و من حقك تاخدها 
فراد باصرار و انا قلتلك انى لا يمكن اطلب منه حاجة زى دى ابدا 
ثريا پغضب مش كفاية ان هو السبب فى كل اللى حصل ده
فؤاد و هو السبب ليه بقى 
ثريا انا متاكدة ان هو اللى سلط ابن اختك عشان يتكلم فى الورث بتاعه
فؤاد و هو هيستفيد ايه من كده يعنى .. تقدرى تقوليلى 
ثريا هيستفيد ان احنا نبقى فى الوصع اللى احنا فيه ده دلوقتى و اللا نسيت انه كان ضدك فى كل تصرف اتصرفته 
فؤاد لا مانسيتش بس ده مايخليهوش برضة يعمل كده انتى بس اللى على طول حطاه فى دماغك 
ثريا طب خلاص .. انا هتكلم معاه على بيع الشقة طالما انت مش عاوز تكلمه
فؤاد الشقة لو اتباعت انا مش هقدر اعوضهاله تانى لو حب يتجوز و بعدين افرضى بقى قال بيعوها و هرجع اعيش معاكم هنا تانى 
ثريا برفض لا طبعا .. انا بقبل وجوده هنا يوم و اللا اتنين كضيف .. لكن على طول .. لا يمكن 
فؤاد يبقى تقفلى خالص على موضوع الشقة ده مش عاوزين ۏجع دماغ
اما حكم .. فكان يجلس بالشرفة المطلة على الطريق المؤدى الى سفح الاهرامات و هو يشرح لصغيرتيه المشهد الرائع امامهم ليسمع صوت رامى قائلا ما تيللا يا عم المرشد السياحى .. ياللا يا عم بقى عشان نتغدى انا خلاص سخنت الاكل 
ورد و هى تتجه الى رامى سخنت لى الرقاق
رامى ضاحكا الرقاق خلص بس سخنتلك فطير اهو مكان الرقاق 
ورد بامتعاض انا عاوزة اكل رقاق يا دادى 
حكم بابتسامة معلش بقى يا ورد انتى كلتى كل الرقاق اللى نجاة عملته بكرة اما نرجع الكفر ان شاء الله ابقى خليها تعمل لك تانى .. خلينا ناكل من اللى موجود 
رامى بس و الله تسلم ايدين اللى عملت كل الاكل ده .. يجنن 
ورد خالتى نجاة هى اللى عملته كله 
رامى طب ما تاخدينى معاكى يا ورد لخالتك نجاة دى اهو الواحد يرم عضمه شوية 
حكم طب مانت رايح عنديها بنفسك انت مش قلت انك هتاجى معانا و اللا رجعت فى قولك
رامى لا يا عم مارجعتش و لا حاجة .. جاى معاكم طبعا 
حكم بس هو انت اكده يعنى مش هتعطل حالك عن شغلك لما تاجى معانا
رامى ما انت عارف شغلنا كله على الكمبيوتر و اى شغل محتاجنى بقدر اعمله من اى مكان انما قعدة المكاتب و المقابلات و الاجتماعات دى انا ماليش فيها اصلا و زمايلى شايلين معظمها عنى الصراحة 
حكم طب الحمدلله .. عشان بس متشيلنيش ذنبك
رامى لا ماتقلقش انما ماقلتليش انت عاوز تتحرك من هنا امتى ان شاء الله
حكم لو امكن .. يبقى مع الفجر .. الطريق طويل
رامى تمام .. نتحرك ان شاء الله مع اول خيط نور