رواية ابيض واسود الفصل الخامس بقلم مني محمود بركات

٢٥ سنه نفذت وصيه جدك ورجعت الميراث ل بابا وعمتك ... دي الحكايه باختصار يا بوسي
بسمة بدموع وحيره 
يعني اي دي الحكايه ... اللي انا اعرفه غير كدة خالص ... لا لا ا أنا اتقالي أن والدتك اللي طلبت الطلاق وبعدتك عننا السنين دي كلها وعشان كدة في حاجز كبير بينك وبينها .... و ومهاب قالي أن هو اللي حاول يقرب منك كتير لكنك كنت بترفض دا خصوصا لما اتجوز نيرة وانك كنت معترض عشان فرق السن اللي بينهم كبير ... لكن كلامك يا أبيه معناه ان بابا ظالم واناني ومش هو وبس دا هو وعمتو وماما كمان ... لا اكيد في حاجة غلط
خد نفس طويل وحاول يكون هادي لاقصي درجة لانه عارف ان الكلام اللي قاله مش سهل عليها 
طيب يا بسمة لو أنا اللي رفضت تقرب مهاب مني ليه كنت بقرب منك انتي اه منكرش اني كنت رافض جوازته من نيرة بس مش عشان فرق السن بس عشان نيرة صورة طبق الأصل من عمتك متسلطة ومسيطرة مع شخصيه ضعيفه زي مهاب انتي بنفسك شايفه النتيجة قدامك ولأن بابا طول عمره اللي مقويه شخصيات ستات قويه زي عمتك وماماتك شاف في نيرة صورة منهم ف بقا الكل بيقول امين وحاضر ورا نيرة هانم
بسمة دموعها نزلت 
بس ماما كانت طيبه اوي كانت بتحبنا و وقالتلي أنها بتحبك كمان والله قالتلي أنها بتحبك يا أبيه
بصلها بحزن وشفقه صعبت عليه ومن غير تفكير سحبها لحضنه وضمھا جامد وهي اڼهارت في العياط من كم الصدمات اللي خدتها في عيلتها ... كمل هو بدموع بتلمع في عينيه وصوت مخڼوق 
في مواقف ومشاعر كتير اوي أنا مش قادر اتكلم فيها ... خدت وقت كبير عشان اتخطاها ... ۏجع وكسره ووحده كنت عايش فيهم سنين يا بسمة وانا لوحدي ... اوقات كنت بحس اني علي وشك الجنون لولا ستر ربنا ورحمته بيا ... حقك عليا اني ۏجعتك بس صدقيني أنا حاولت أنقي كلامي علي قد ما اقدر وملقتش حاجات وتفاصيل كتير كانت هتوجعك زي ما هو ۏجعاني ومعمله جوايا لحد دلوقتي ... انا قلتلك عشان متضعفيش متستسلميش ل تحكمهم فيكي ... الحقي نفسك من الدايرة دي يا بوسي ... الحقي نفسك يا حبيبتي
خلص كلامه وفضل ضممها لحضنه وهو ساكت سبها تستوعب الكلام اللي اتقال وهي استكانت بين أيديه وعقلها عمال يعيد كل كلامه من الاول تاني وكل مرة عقلها يعيد الكلام تفوق من صډمتها وتستوعب حجم المعاناه اللي عاشها بهاء لوحده في صمت تام ف دموعها تنزل تاني پقهر وحزن عليه
في فجر نفس اليوم صحي بهاء علي تلفون من بكر بيبلغه ب قضيه جديدة چريمة