رواية ابيض واسود الفصل الخامس بقلم مني محمود بركات

أبيض وأسود 
مني محمود بركات 
الفصل الخامس
زي ما في جرائم الجاني بيكون ضحيه
في جرائم الجاني فيها بيكون شيطان في صورة إنسان عايش وسط أهله وهما مش حاسين
وساعات كتير لما الأهل بتبدء تحس ان وسطهم شيطان بيكون الاوان فات
بعد مرور أسبوع علي يوم اعتراف شريف وانهياره تم الآتي
شريف ... تم تحويله ل مستشفى الأمراض العقلية والنفسية لبيان مدي صحة قواه العقلية ومازال تحت الملاحظة
علا رجعت بيتها تاني واتعاملت عادي مع اهلها ولا كأنها زعلت ولا كانها تعبت
مؤمن انشغل في القضيه وتقارير ونسي يتكلم مع علا في كل شكوكه

بهاء مكنش لاقي فرصه عشان يفهم بسمة فيها تصرفات أهله وبسمة كانت متفهمه أنه مضغوط ولسه قاعدة معاه ورفضت الرجوع للقصر مرة تانيه
بكر وبدور حياتهم روتينيه مفهاش اي جديد لحد اليوم اللي هيغير حياتهم للابد
بكر كان في مكتبه بيظبط تقارير تحريات بهاء طلبها منه اتفاجا بالعسكري ليدخل يبلغه أن والده منتظر برة وعايز يدخله
حاول بكر يهدي اعصابه عشان محدش يلاحظ حاجة ولا تحصله مشكله في شغله وسمح للعسكري أنه يدخل بركات
بركات 
ايه لازم اخد الاذن عشان ادخلك اومال لو كنت مأمور القسم كنت عملت اي
انت اي اللي جابك هنا ! أنا مش منبه عليك لا تيجي هنا ولا تيجي البيت .. مبتسمعش الكلام ليه
انا حر اروح مكان ما أنا عاوز وبعدين انا حذرتك وقلتلك متبعتش الفلوس مع حد وتعالي بنفسك حصل ولا محصلش
وانا قلتلك مش هاجي ... انت عايز اي خلص ورايا شغل كتير ومش فاضي
تعدي عليا بكرة في البيت وانت جاي هات معاك كام كيس فاكهه علي ازازتين حاجة ساقعه وتعالي قبل العشا هه قبل العشا يا بكر
مقدرش يمسك نفسه واتكلم بعصبيه وڠضب 
مش هاجي البيت دا من يوم مع خرجت منه وانا حالف ما ادخله ابدا طول ما انا عايش مش هاجي يا بركات واعلي ما في خيلك اركبه
رد عليه بخبث 
حتي لو قلتلك أن اعلي خيلي دا ممكن يكون زيارة صغيره لحد بيت بدور اختك 
بكر اتحرك من ورا مكتبه وفي ثانيه كان ماسك بركات من هدومة 
لو قربت من بدور أنا هنسي أي اعتبارات وھقتلك يا بركات أنا اللي مصبرني عليك كل دا انك بعيد عنها لو قربت من بدور لا هتشوف مني شهريه ولا هخلي حد يساعدك لحد ما ټموت في شقتك من الجوع سامع ولا لا
مبتهددش يا تيجي بكرة وتجيب اللي قولتلك عليه يا هتلاقيني عند بدور واللي يحصل يحصل
اشمعني المرة دي عايزني اجيلك افهم في اي أية الاصرار دا ايه اللي مخليك مصمم رغم انك عارف انك ممكن تخسر كل حاجة
لما تيجي هتعرف يلا سلام
وخرج بهدوء وساب بكر في حاله ڠضب وخوف