رواية قدري انت الجزء الاول الفصل الرابع عشر بقلم نجمه بريقه
انت في الصفحة 1 من 7 صفحات
قدري__أنت
بقلم__نجمه__براقه
P14
عاد للمستشفي في صباح اليوم التالي بعد مبيته في الفندق وعند دخوله الغرفه يجد نجلاء جالسه فوق سريرها وغاده تجلس جانبها وعندما تراه تأشر له بأنها ستقتله وعندما يضحك تلاحظ نجلاء توجيهه نظره لها ف تلتفت إليها لتبتسم لها غاده إبتسامه ظاهريه عريضة
نجلاء_ بتعملي ليه كده!
غاده بنفس الإبتسامة وهي تشير إليه_ لما بشوفه بفرح جدا جدااااا.. ولا مش باين عليه!... ايه... مش باين!
غاده_ ههههه حبيبتي يا ماما... ازيك يا حبيبي نمت كويس الليلة دي!
براق_ مجانيش نوم وانتي مش جمبي ياحبيبة قلبي
تمط فمها بعبث_ حبيبببي معلش معلش
تنظر لهم_ مالكم
غاده_ مفيش حبيبتي
براق_ عرايس جداد يا مرت عمي وبندلع
نجلاء بإبتسامه_ يا عيني علي الدلع.. إيه يابنتي ماهو جوزك لطيف زعلانه انه باسك ليه
تتسع عينيها_ انا قولت كده
براق_ ايوه مكسوفه ليه... مش جوزك وحقك تدلع عليه... ولا إيه يا حماتي
نجلاء_ طبعا ياحبيبتي لو مدلعتيش عليه هتدلعي علي مين.... خدها و روحو اقعدو مع بعض شويه انا كويسه
غاده_ مامااا اسكوتي يا ماما
غاده تأشر له بانها ستذبحه ف تخفض يدها سريعآ عندما تنظر لها امها
غاده_ لا ياقلبي مش دلوقتي خليها بعدين
نجلاء_ روحي يابنتي متشغليش بالك بيه انا بقيت كويسه
براق _ يلا عاااد.. اهي قالتلك كويسه
غاده بعبث_ حاضر يا روحي
قالتها وتوجهت إليه لينظر لها بإبتسامه ثم يميل إليها ويقبل وجنتها ف تقرصه في ذراعه بكل قوتها
نجلاء_ في ايه يا ولاد!
غاده_ مفيش ياحبيبتي بس ڼار الحب شعللت في قلبه وممكن نعمل عليها شاي سخن جداااا
نجلاء_ عيب يابنت
براق_ سيبيها هي اكده بتحب تدلعني كتير... حتى اول يوم لينا جابت سکين.... وشوية تفاح..... وكانت هتقطعني.... اقصد هتقطعلي
نجلاء_ لا ياحبيبتي ربنا يسعدكم روحو
يمسك يدها فجأه ويشد عليها لتهمس له پحده_ سيب احسنلك
براق_ يلا ياحبيبتي قالها وشدها فجأه
غاده_ ااه براحه هتقلب علي وشي ياغ...... تتراجع يا حبيبي
بقلم__نجمه__براقه
اخذها لخارج الغرفه لتعض يده ف يشدها منها
غادة_ انت زودتها اووي دي تالت مره تقل ادبك وتبوسني
براق_ انا بعمل اكده عشان امك متحسش بحاجه.. بس انتي ميتمرش فيكي
غاده_ ملكش دعوه بماما.... ولو كررتها تاني هكسرلك صف اسنانك
براق_ متزوديهاش علشان انا بسكتلك كتير الفتره دي
تمط فمها بإشمئزاز وتذهب ليذهب هو خلفها
براق_ رايحه فين!
غاده_ وانت مالك!
براق_ بقولك رايحه فين ردي بأدب
غاده_ بلاش انت تتكلم عن الأدب يا ذو الليالي الحمراء
براق_ ذو أيه
غاده ولا حاجه
براق_ يسترها منك مدام عرفتي الليالي الحمراء
غاده_ عادى بنسمعها كتير
براق_ طبعا هتسمعي امال هتجربي.. كنت دبحتك
غاده_ حد قالك قبل كده انك مستفز
براق_ ومحدش يقدر يقولها
غاده_ انا بقولهالك.. انت مستفز
براق_ مش هرد عليكي علشان انتي مره
غاده_ قال يعني بتفهم أوي في الذوق واحترام المرأة
براق_ طيب خلصي وقولي رايحه فين
غاده_ مش حضرتك ورطتنا في مشوار للبيت.. اهو انا رايحه البيت اغير هدومي
براق_ طيب ما تيجي نروح علي البحر شويه
غاده_ نعمل ايه هناك
براق_ نتمشو
غاده_ مفهاش حاجه.. نروح... ومن هناك نكمل المشوار للبيت مشي
براق يبتسم_
