رواية رحله الى الچحيم الفصل الثامن بقلم اميره اسامه

كان مرفوض لان هو عارف انا بالنسبالهم ايه وهما بالنسبالي ايه والاهم من ده كله علاقته بصحابه أللي مكانش حاسس انه بيضيعها من ايده..ابتدا يبعد عنهم ويمنعني اني اكلمهم حصل بينا خڼاقه كبيره حاول يصالحني ويقولي انه هيتغير وانه ڠصب عنه كنت بصدقه فضلنا طول فتره الجواز خمس شهور عالحال ده مكنتش عارفه ماله ولا ايه اللي غيره مش هو ده نادر اللي حبيته بس اللي كنت متأكده منه هو حبه ليا
لحد ما في يوم تعبت وكنت شاكه اني حامل جبت أختبار حمل وفعلا اتأكدت كنت طايره من الفرحه وكنت واثقه ان خبر زي ده هيخليه طاير من الفرحه فقررت اني اقوله لما يرجع و أفاجئه 
دخلت خدت شاور ولبست وجهزت ولقيت حاتم بيكلمني رديت عليه قاللي انه بره البيت وكان جاي عايز يعرف نادر ماله وايه مغيره وقرر انه يستناه عشان يشوفه لان نادر كان بيهرب منهم بقاله فتره
لبست بسرعه فوق اللبس اللي كنت لبساه أسدال صلاه
ونزلت استقبلت حاتم فضلت اتكلم انا وهو عن حاله نادر قولتله انه نفسيا تعبان وان اللي حصل مأثر عليه وخاېف اني اسيبه حاسس بعدم امان ومش عارفه سببه وعرفت حاتم اني حامل وانا عامله مفجأه لنادر..ويمكن المفجأه دي ترجعه تاني زي الاول فرح جدا ...وبعدها بشويه لقيت نادر بيفتح الباب وبيدخل وطبيعي بمجرد ما دخل سكتنا عشان ميسمعش اللي كنا بنقوله عليه...دخل نادر وقابل حاتم مقابله زي الزفت انا كان باين عليا الارتباك بسبب دخوله المفاجئ خۏفت يكون سمعنا بنتكلم عليه وبسبب طريقته الصعبه مع حاتم ..حاتم طبعا اضايق منه جدا فضلوا بتجادلوا و...سكتت داليدا ثواني وكانها بتفتكر اتجمعت الدموع في عينها ونزلت بسرعه رهيبه علي خدها وكملت كلام
فلاش باك.
نادر....انت ايه اللي جايبك وانا مش موجود وانتي ازاي اصلا تدخليه
حاتم...نعم انت اكيد اټجننت اولا انا جي اشوفك واعرف مالك عشان حسيت انك متغير وبتبعد عن الكل ثانيا وده الاهم من امته في بينا الكلام ده احنا طول حياتنا اخوات مش صحاب عمري ما طلبت من نور انها متستقبلكش جيت كذا مره وانا مش موجود عمري ما اضايقت عشان انت اخويا لما جيت هنا جيت اشوف اخويا ماله ولما اعدت استناك كنت مستني مع اختي عمري ما تخيلت انك تشك فيا بس يظهر انك فعلا اټجننت 
نادر...انت فاكر اني هصدق الكلمتين دول شايف اني عبيط عشان اصدقك وانتي يا داليدا هانم ايه يارب تكوني مبسوطه مع حاتم وبصراحه انا شايفك مبسوطه اوي عامله ميكب ومظبطه نفسك بس طلعتي ذكيه اعده بالاسدال مأمنين نفسكم
داليدا...پصدمه انت بتقول ايه يانادر
حاتم...لا انت اكيد اټجننت
انت بتشك فيا انا وداليدا فوق يا نادر انت ايه اللي جرالك ..انا مش عايز اعرفك تاني انت فاهم مش عايز اعرفك تاني.. سابهم حاتم وهو في قمه عصبيته وخرج
داليدا....بدموع انا بحلم صح انت اكيد مش نادر انت ازاي تشك فيا يا نادر ازاي
لمح نادر حماله القميص خس ان عفاريت الدنيا بتتنطط في وشه اكتر...اقلعي الاسدال ده.
داليدا...بدموع نعم
نادر...پغضب مرعب بقولك أقلعييييييي
حست داليدا ان خلاص كل حاجه هتبوظ لو شافها بلبسها وهو متعصب كده ..سحبت بهدوء الاسدال وكانت الصدمه لما جرها نادر من شعرها لاول مره علي اوضت نومهم
فضلت تصرخ داليدا في ايده لحد ما وصل الاوضه حدفها عالارض...وقعت داليدا وهي بتتألم وماسكه بطنها.
داليدا....نادري اهدي انت فاهم غلط متبوظش كل حاجه بينا 
نادر....بدموع وحزن وڠضب انا عملت معاكي ايه