رواية رحله الى الچحيم الفصل الثامن بقلم اميره اسامه

وتقله جذبني ليه بطريقه جميله عرفني علي صحابه وعرفتهم عليا كانوا يتحبوا بجد وحسيتهم شبههي ومن بعدها بقينا صحاب وبقيت من شلتهم نادر وحاتم وياسر كانوا اد بعض في اخر سنه نور كانت اكبر مني بسنه كانت في تانيه نادين كانت ادي بس هي كانت تعرف اصلا ياسر كان اخو صحبتها في ثانوي وكانوا بيحبوا بعض ونور وحاتم كان واضح وقتها ان بينهم علاقه حب..كلهم كانوا من عائلات كبيره ومحترمه لكن نادر كان مرتاح ماديا اكتر واحد ورغم كده كان يبان عادي جدا ومتواضع اوي لدرجه انك ممكن تحسه اقل واحد فيهم فالمستوي الاجتماعي ....في وقت بسيط جدا بقينا صحاب اوي وحبيتهم وحبوني جدا طول الوقت كنت بحس باحساس غريب من معامله نادر ليا ديما حاسه انه بيهتم بكل تفصيله في حياتي كان مهتم جدا اني اذاكر واجيب تقدير كان يفضل يشرحلي اي خاجه مش قادره افهمها كان شاكر جدا وديما كان الاول علي الدفعه بتاعته والايام اللي مكنش يبقي عنده محاضرات كان بينزل مخصوص عشان ميسبنيش لوحدي والولد اللي اتعرضلي قبل كده ميتعرضليش حتي بعد ما اتخرج كان علي طول في الجامعه مكنش بيسبني انا اتحرمت من بابي بدري اوي كان عندي سبع سنين وقتها قدر هو يعوضني عن الحنان اللي مفتقداه بجد واحده واحده قربنا من بعض اكتر 
وفي يوم أعترفلي بحبه وانا كمان لقيت نفسي اعترفتله بحبي كنت طايره وكنت شايفه في عينه سعاده متتوصفش بابي الله يرحمه سابلي فلوس كتير لما اتخرجت حبيت اعمل حاجه وقف معايا وساعدني ورغم انه كان ليه شغله وشركه بباه إلا انه كان ديما معايا فتحت شركه إستيراد وتصدير وهو وصحابي وقفوا معايا واشتغلنا مع بعض قدرنا نحقق نجاح كويس للشركه وهو بخبرته كان عامل قوي جدا لنجاح الشركه كان تقريبا مقضي وقته معايا في الشركه ومهتم بيها اكتر ما كان مهتم بشغله..كنت ديما حساه امان وسند شيفاه حد قوي لما بس احس اني هقع اقدر اتسند عليه حبيته اكتر بكتير لما فضلنا طول المده دي مع بعض وعمره ماحاول يقربلي عمري ما حسيته زي اي راجل بيعمل كده عشان يوصل لحاجه عايزها وخلاص كان محترم جدا كان بېخاف عليا اوي كنت بحس اني بنته مش حبيبته دبما خاېف عليا وشايل همي وديما شايفني تايهه من غيره ودي كانت الحقيقه انا من غيره كنت بحس اني تايهه
زيدان...كان بيسمعها بس كان حاسس بضيقه من جواه وغيره مش قادر يصدقهم لكن كان فضوله اقوي من احساسه .
داليدا....بعدها بفتره اتخطبنا واختارنا البيت اللي هنعيش فيه وحددنا معاد الجواز بعد 6شهور نكون خلصنا البيت وجهزناه زي ما احنا عايزين..
بعد خطوبتنا بحاولي شهر..
أتقلبت حياه نادر رأسا علي عقب اخته الصغيره كانت مع صحابها وعملت حاډثه وماټت في وقتها الحزن دمرهم كانت بنت جميله جدا في كل حاجه وخبر مۏتها كان صډمه للكل مامته تعبت جامد جدا وخصلها جلطه اثرت علي حركتها فضلت تعبانه حوالي كام شهر وهما بيلفوا بيها لكن ۏجعها علي بنتها وقهرتها عليها مستحملتش وماټت مكانوش لحقوا يخرجوا من حاله الحزن وفجأه اتحولت حياتهم لۏجع اكبر بفقدان والدتهم بعدها بكام شهر اخته اللي بعده علي طول تعبت وعرفت وقتها انها عندها کانسر اعدت تتعالج اربع شهور ومستحملتش الكيماوي واكتشتفوا ان الکانسر في مرحله رابعه ومتأخره وللأسف هي كمان اټوفت نادر كان مش تعبان تعب عادي