رواية كبرياء بنت عمي الفصل الاول بقلم زهرة

ابتسم بسخريه وبص للبنت الي معاه من فوق لتحت وقال..اه ..لا فيك الخير برضو انك بتكلمني واضح عليك مشغول..مقولتليش انك خطبت يعني وانت بتكلمني
يونس ابتسم وقال..معلش يا بابا اصل الموضوع جيه فجأه ..جوليا اهلها في كندا وجم كام يوم على ايطاليا فعملنا الحفله بسرعه قبل ما يمشو
ابوه قال بضيف شديد...امم..وبالنسبه لرضوى ايه نظامك
ابتسم وقال..رضوى هيه فين صحيح ده انا جايب لها العروسه الي كان نفسها فيها
ابوه ابتسم بسخريه وقال..عروسه..دي
هيه الي بقت عروسه..بنت عمك كبرت وعمرها بقى ٢٠ سنه لك حق تنساها اذا كنت ناسي ابوك
خلينا في المهم هتعمل ايه في موضوعها
يونس قال باستغراب موضوع ايه
بصلو بضيق وقال..ركز معايا شويه..مش انت قبل ما تسافر اتجوزتها
يونس ضحك جامد وقال..اتجوزتها..اتجوزتها ازاي بس يا بابا انت كمان مصدق الكلام ده..دي حتى حتت الورقه الي كتبناها حتى مش متوثقه في المحكمه.. انا بس كنت مش عايز ازعل عمي علشان تعبان
ابوه قال بضيق ...عمك كان تعبان في جسمو مش في دماغو علشان تاخدو على قد عقلو
في الوقت ده نزلت رضوى بفرحه ولسه هتجري عليه شافت البنت الي معاه اتجمدت مكانها بس الي صدمها اكتر كلامو لما قال...يا بابا انا مقصدش حاجه بس رضوى دي اختي ده انا كنت اشلها على حجري ولما عملنا الي انت بتسميه جواز ده كانت هيه يادوب ١٢ سنه يعني صغيره قوي ..ومع ذلك لو انت مصر اني كده متجوزها..مش مشكله هطلقها حتى اتجوز جوليا وووووووو