رواية كبرياء بنت عمي الفصل الاول بقلم زهرة

الحقي يا بت جوزك رجع ومعاه واحده انما ايه تحفه يابت حاجه من بتاعة بلاد بره
قالت بسعاده...ايه رجع امتى ولسه هتجري مسكت ايدها وقالت..يا بت انتي هبله بقولك جاي ومأنج واحده حلوه معاه شكلها خطبتو ولا مراتو
بصتلها بزهول وقالت..مراتو..مراتو ازاي...طب وانا...لا لا طبعا اكيد شعاله معاه ولا حاجه
قالت بضيق يا بت انتي هتفضلي عبيطه كده لامتى معروفه يا اختى الي بتكون شغل من الي بتكون حاجه تانيه دي عمال يضحك معاها وحاطط ايده ورا ضهرها وكل شويه يوشوشها ويضحكو واخر مسخره
حست بقلبها هيقف وقالت..انتي..انتي متأكده يا فتحيه ولا بتشتغليني يا بت

فتحيه قالت يسرعه..الاهي تعدميني لو كنت كدابه..انا شوفتهم بعيوني والبت ايه حلوه قوي يا بت يا رضوى
رضوى قالت بغيظ..هو انتي حد سلطك عليا امشي من هنا يا فتحيه يلا روحي شوفي وراكي ايه
فتحيه مشيت وهيه بتقول بضيق..خيرا تعمل شړا تلقى
رضوى اتنهدت بحزن وبقت تأكل الحمام وحست بيأس مكانتش عايزه تنزل وتشوفو بعد ما عرفت ان معاه واحده
بس مقدرتش كان واحشها جدا ھتموت وتشوفو وتشوف ملامحو بقت ازاي ابتسمت ومسحت دموعها وقالت...لا لا البت فتحيه دي عبيطه..هما في بلاد بره بيعاملو الكل كده...اكيد ..اكيد يونس فاكرني ومستحيل يتجوز وحاولت تقنع نفسها بكده ونزلت جري تشوفو وهيه قلبها هيطلع من مكانو
تحت في الصاله كان قاعد شاب في التلاتين بملامح قويه جذابه وجمبو بنت جميله طويله وجسمها متناسق ولابسه هدوم مكشوفه
قاعد قصادهم راجل في الخمسين قال بضيق...٨ سنين محدش يشوفك ولا كأن ليك اهل
يونس ابتسم وقال..ازاي بقى يا بابا ما انا كل يوم بكلمك 
بقلم..زهرة الربيع