رواية حالة الاقدار الفصل العاشر بقلم رغدة

وقال أكمل ايه لا مؤاخذة 
ربت حاتم على كتفه وقال ايوة هتقدم دراسة منزلية وتشتغل وتصرف على نفسك وانا هساعدك بمذاكرتك يعني محدش هيدفع جنيه واحد فتعليمك اظن انك شاب وتقدر تشتغل وتذاكر 
لمعت عيني تامر فهو كان من اوائل المدرسة ودرجاته عالية كان دائما يأخذ وقتا قليلا بالدراسة ويكون على اتم استعداد لأي سؤال او امتحان بخلاف الكثير من اصدقائه 
فقال انا موافق قالها بلهفة وسعادة كمن كان تائها بصحراء مقحلة وفجأة وجد طريق الهدى 
احتضن حاتم بحب وعرفان فها هو للمرة التي لا يعلم عددها يكون حاتم طوق نجاة له 
تنحنح حاتم وقال بصراحه يا تامر في موضوع عاوز اكلمك فيه انا كلمت نور وقالت لي ان القرار بايدك انت 
تامر خير ان شاء الله قرار ايه ده 
حاتم انت عارف اني جاهز تماما والبيت مش ناقصه حاجة واوضة النوم وشوية الحاجات اللي اتفقت مع نور نغيرها مش هتاخد وقت يعني بالكتير شهر واكون مخلص كل حاحة 
فهم تامر ما يرمي اليه ولكنه تركه ليكمل كل كلامه فكان يومئ برأسه لحاتم ليكمل ف انا عاوز نعمل الفرح باقرب وقت 
احس حاتم بحرج وهو يقول بصراحه يا حاتم مقدرش انت جاهز ايوة لكن احنا 
قاطعه حاتم قبل ان يكمل تامر بص ليا وانا بكلمك 
رفع تامر راسه ونظر لحاتم ليردف انا مش استغلالي وعارف دينا كويس والبيت جاهز ومش ناقصه حاجة كل اللي ناقصه العروسه 
تامر بتلعثم بس انت عارف عاداتنا 
حاتم ايوة عادات مش حاجة فرض علينا والعادة اللي مش هتناسبنا بلاش منها لو كل حد فينا خاف ربنا وراعى ظروف غيره ربنا هيسهلها لينا كلنا 
ليتنهد ويكمل احنا حالتنا المادية الحمدلله كويسه اوي وبابا الله يرحمه كان سايب لينا مبلغ مش بطال صرفت منه والدتي على دراستي وفضل منه وانا اشتغلت وفتحت المكتب والفلوس الزياده كل شهر كنت بحوشها لجوازي يعني انا معايا فلوس الفرح ومش هزنق نفسي ولا هاخد جنبه واحد من حد يعني مش محتاج فانت لو معندكش مانع او تحفظ على اي حاجة غير الفلوس قولها غير كده مش هسمع 
كانت حنان تخرج من غرفتها ممسكة رأسها واقتربت من علي لتجلس بجانبه كان يتابعها ولاحظ الارهاق الواضح على ملامحها كان يود لو يحتضنها ولكنه تماسك واخفى لهفته واهتمامه 
قالت وهي تميل بجسدها عليه علي انا دايخة ومش قادرة اقف على رجليا 
ازاح جسدها عنه وهو يقف ويقول بجفاء غيري هدومك اخدك للدكتورة 
كان يرى ضعفها ولكن كان لديه شك انها احدى حيلها للتقرب منه فسأخذها للطبيبة ليقطع الشك باليقين
بعد ان قامت الطبيبة بفحصها طلبت منها اجراء بعض التحاليل قاموا بإجرائها وعادوا للطبببة بعد ظهور النتيجة لتردف
الطبيبة بابتسامه زي ما كنت متوقعة الف مبروك يا مدام انتي حامل 
صدمة حلت على كليهما صدمة
سعيدة على علي فهو اخيرا سيصبح اب يا له من شعور يخطف القلوب ويتملك الانسان بلحظة واحده شعور يأخذه من اكبر همومه ليصبح بغاية السعادة كانت عيناه تلتمع بفرحة كبيرة وابتسامة زينت شفتاه وقلبه الذي زادت دقاته 
اما حنان فصډمتها كانت مختلفة جدا كيف لها ان تكون حامل هي لا تريد لهذا الامر ان يكون وقد كانت تأخذ مانع للحمل دون معرفة زوجها كيف لها ان تحمل وتتلف جسدها الرشيق الممشوق او ان يكون هذا الطفل رابط لها بهذا الزواج الذي لا تعيره اي اهمية بل انها لا تربد البقاء متزوجة من علي فهو بالنسبة لها كان مجرد لعبة بيدها كان محط انظار البنات في الجامعة فأوقعته بشباكها ووجدت منه الدلال والطاعة العمياء اي انها لا تحبه ابدا ولذلك لا بد لهذا الحمل ان ينتهي