رواية عشق الغرام الفصل الرابع بقلم ندي ممدوح

رآها ساجدة وصوت بكاؤها يعلو يفطر قلبه وسمع صوت استغفارها فأغمض عينيه ودخل الغرفة وأغلق الباب وراءه وانتظرها حتى تنتهي فما كادت أن تسلم من صلاتها حتى ألتفتت إليه وتهدج قلبها ونهضت وهي 
_زمان لما كنت كدا في عمرك كان معايا صحاب بيعرفوا بنات فطلبت مني نفسي الأمارة بالسوء إني اعمل زيهم ااصل فيها ايه يعني طالما كله بيعمل كدا ونسيت إن الذنب ذنب حتى لو العالم كله بيعمله فطلبت منهم يشوفوا لي بنت أكلمها وبالفعل جابولي رقم واحدة وفضلنا نتكلم لأيام والأيام جابت شهور كنت بتسلى بس البت تعلقت بيا وحبتني فعلا للأسف وكنت بوعدها وعود زايفة اني هتجوزها ويشهد الله اني وعودي كانت زائفة وأني كنت بحتقرها في نفسي الراجل عمره ما يأمن بيته ونفسه لوحدة خانت ثقة والدها مهما وعدها بكل وعود العالم وحلف لها بأغلظ الأيمان وقالها كلمة بحبك مستحيل يتجوزها في الآخر مستحيل يخليها أم لعياله وسكن لبيته. 
سكت عبد السلام وغارت عيناه بالدمع لذكرى شقيقته الراحلة وأتبع يقول 
_مفيش حاجه فوقتني وقتها غير عمتك ليلى لما عرفت اني على علاقة بالبنت دي فسألتني لو هي مكانها هل كنت هرضى بكدا وهنا فوقت. 
ادركت إني كنت على خطأ لم تصورت إن ممكن شاب يتسلى بيها وإن ذنبي يترد فيها فوقت لنفسي وبطلت أكلم البت دي. 
وسكت لحظة ثم تابع 
_أوقات كتير بينسى الآباء إن كل أفعالهم بتترد في أبناءهم وبينسوا الإخوات إن كل افعالهم بتترد في شقيقاتهم برضو الدنيا سلف ودين وكما تدين تدان وربك ليس بظلام للعبيد ياريت الكل يعرف كدا. 
سلمت غرام رأسها إلى صدره وضمته بذراعيه بأعين تذرف الدمع ثم راحت تبث شجونها إليه بصوت متهدج وصدر مختلج 
_لما طارق طلقني يا بابا وتاني يوم خطب حسيت إني وحشة أوي إني متحبش اني في حاجه ناقصة أني مش جميلة حسيت اني مشوهة كل ما بخرج من البيت الناس بتتكلم علي بالباطل بيقولوا إنه اكيد عرف إني غلط مع حد عشان كدا سابني نظراتهم ليا كانت وحشة أوي حسيت إني محتاجة حد يقولي أنت حلوة وجميلة وتتحبي حد ميقولش علي كلام وحش في وشي فلما لقيت طلب الصداقة من الواد الغريب ده قبلته بس انا مش وحشه يا بابا دي كانت اول مرة 
اول غلطة 
اكبر ذنب اعمله
انا اسفة اني خونت ثقتك فيا أسفة إني زعلتك أنا والله بتمنى اموت يا بابا 
ربت عبد السلام على ظهرها وهو يهمس 
_متقوليش كدا يا حبيبتي انا خلاص سامحتك. 
ورفع ذقنها لينظر إلى عينيها وقال 
_مش هكدب عليك وهقولك إني هنسى بسهولة زلتك لأ بس أنا متاكد إنك مستحيل تعملي كدا تاني مش عشاني ولا عشانك عشان ربنا عشان فوقتي لنفسك.. وعرفتي إن الدنيا مش دايمة وأنك كان ممكن ټموتي وأنت بتكلمي الواد ده وتتحاسبي وتقفي قدام ربنا مكسوفة مش قادرة تبرري. 
ومحى عبراتها بإبهاميه وأستطرد 
_مش عايزك تخبي عني حاجه تاني حتى أفكارك اللي بتروح وتيجي في دماغك واياك تخافي مني أبوك لو 
وقبل جبهتها واستوى واقفا وقال وهو يضحك بهدوء 
_ويلا قومي اغسلي وشك خلينا ننزل نعمل لقمة للناس اللي تحت دي وتاخدي جدتك عشان طفشت الواد يمان وشكلي كدا هجوزهاله وريح. 
وضحكت غرام