رواية محكمة الحياة الفصل العاشر بقلم مروة البطراوي

اولهم السېجار يا متر بابا عمره ما دخن و لو عملها مش قدامنا

للدرجه دي يا جميله مش قادرة تنسي اللي حصل في اول زيارة ليكي في مكتبي بس حقيقي انا مبسوط انك طلبتي مني طلب زى ده شكرا
طلب ايه انت المفروض تبطلها مش محتاجه كلام دي مضرة بالصحه بس هقولك ايه ما تلاقيك بټحرق فيها ليل نهار علشان كده لسانك مدب
شكلك كده هيكون ضميرى اللي مش هيرحني ابدا شفتي انا بسمع ليكي ازاي نفسي في مرة تسمعيني للاخر مش تقطعي الفيلم في النص 
هزت جميله راسها بنفي
يا متر انا عمرى ما قطعت افلامك بس هي اللي ممله اوى و مش بتقول فيها الحقيقه تعرف انت فعلا كان المفروض تبقي وكيل نيابه تعرف تلف و تدور كويس
ابتسم اكمل ابتسامه اسرتها
لسانك بنقط شهد يا جيمي يعني مش انا اللي مدب لوحدي بس ايه حكاية كل شويه يا متر يا وكيل النيابه ما تقولي اكمل و الله سهل اوى فكرى و انتي بتشتغلي و برضه هستناكي ان شاء الله انام في العربيه
انهت عملها سريعا و خرجت له بتوتر ليبتسم علي توترها قائلا بهدوء
مش كنتي تعرفيني ان الشغل بتاعكم سهل كده هو ده الشغل الطويل اللي مش هيخلص الا بكره و لا كنتي مراهنه نفسك انك هتخرجي مش هتلاقيني
ياريت حضرتك تقول اللي انت عايز تقوله لان مينفعش اقطع شغلي و ارجع ليه تاني انا اساسا مخلصتش بس برضه مينفعش اسيبك ملطوع 
كده انتي بضيقها عليا و مش مخلياني اتكلم معاكي براحتي و بعدين ايه حضرتك دي في واحد تعامل جوزها المستقبلي برسميه فكيها يا جيمي
علاقه حضرتك بيا من يوم ما نوينا نتخطب اجبرتني اعاملك برسمسه يا مترهو احنا ما بينا حب و انا مش واخده بالي ده ياريته جواز صالونات
و ليه صالونات انا اعرفك من ايام ما كنتي بضفاير من ساعه ما كنت بتدحرجي عندي انتي و جدايل و يا ما جيت ليكم و اكلنا سوا بس مكنش في كلام
تذكرت جميله سبب مجيئه الي منزلهم و انقطاعه المفاجئ بسبب انحراف شقيقها حزنت و ابتسمت بسخريه قائله
ياريتك كنت كملت فراق بعد اخر مشكله بينك و بين اخويا الله يرحمه بس لقيتك زى ما قالت ماما ظهرت في حياتنا و بشكل كبير بعد ۏفاته
و ده مزعلك في ايه انا حاسس انك بتكرهيني زى والدتك و شايفه ان اخوكي مظلوم عموما انا ظهرت كرد جميل للمستشار اللي بعتبره مثلي الاعلي
ردت جميله عليه بنبرة انكسار قائله
لا ابدا مش زعلانه انت محاولتش و لا مرة معاه بحكم انه صاحبك اكيد نصيحتك كانت هتفرق و لا ملكش تاثير غير علي الغلابه اللي زيي
احتل الحزن اعماقه و هي تساله هذا السؤال
حقك تتكلمي
و تسالي سؤال زى ده انا ليا تاثير عليكي لان عارف انك محتاجاني انما هو رفض يسمع حتي كلمه واحده انما انتي انا متوسم فيكي الخير
ابتلعت جميله ريقها بمرارة قائله
ميعاد الفسحه خلص قصدي الاستراحه و الوقت المستقطع بتاعي ان شاء الله نتكلم في وقت تاني انت كمان اكيد عندك شغل كبير مش عايز اعطلك
ممكن انتظرك حتي لو تخلصي بكره بس بلاش اروح و انتي لسه شايله مني يا جميله العمر قدامنا طويل و لازم نصفي من اول موقف 
و الته جميله ظهرها و اردفت بجمود قائله
انا خلاص نسيت الموضوع متتعبش نفسك حضرتك و لو انا مش هكون جديرة بيك ابعد و انا هحمي نفسي و لو معرفتش يبقي قدرى و محدش بيهرب من قدره