رواية الصمت المعذب الفصل الثاني بقلمي نورهان ناصر

الحلقة الثانية الصمت المعذب نورهان ناصر
أليس الله بكاف عبده 
استفهام يورثك الراحة والهدوء والطمأنينة فالله جل وعلا سيكفيك همك وحزنك ووجعك وألمك مهما كان عظيما وصعبا وقويا فقدر الله نافذ لا محالة فاطمئن وأترك الأمور لباريها لمجريها ومرسيها للرحيم الحليم العظيم الواحد الجبار مدبر الليل والنهار.
أذكروا الله 
كانت تنظر لها بحزن شديد بينما هي تستند برأسها على الوسادة خلفها ودموعها تنهمر بقوة وبدون أن تستدير صوبها قالت ببسمة ونبرة تتخللها غصاتها 
_ خلاص يا نعمه بطلي تبصي لي كدا لو سمحتي .
اتجهت نعمه صوبها وجلست أسفل فراشها وهي تمسك بيديها تضغط عليهما وهي تقول بدموع على حالها 

_ هتندمي يا ملك صدقيني وبعدين أنت استعجلتي في خطوة كتب الكتاب دي ...
قاطعتها ملك وهي تبتسم بسمة موجوعه ودموعها على خدها 
_ لا ما استعجلتش كان لازم أعمل كدا من زمان عموما أنا قولتلك مش عايزه افتح الموضوع ده تاني أنا شايفه خطوة كتب الكتاب هاتقرب بيني وبين حسان يمكن أنا مش عارفه اتصرف معاه بحرية وكدا فلما أكتب الكتاب أكيد ده هايتغير وهو هينسيني أكيد هنساه هاخلص لجوزي وهنساه .
بكت نعمه على بكائها واندفعت ټحتضنها وهي داخلها تعلم أن ذلك لن يحدث حب بتلك القوة لن يمحى بالسهولة التي تتحدث بها ملك ولاشك أن حسان سيعاني كثيرا في تلك العلاقة ولكن ما باليد حيلة .
صوت لطرقات على باب الغرفة قاطع موجة بكائهم ليبتعدن عن بعضهن دخلت والدتها الغرفة تنظر لهم باستغراب وهي ترى الطعام كما هو مسحت ملك دموعها سريعا وهي تميل بوجهها حتى انتهت ثم اردفت بحزن وهي تنظر لوالدتها 
_ ماما أنا كلمت حسان قولتله إني عايزه أكتب الكتاب بس خاېفه هادي يزعل إني اتكلمت في الموضوع ده مع حسان يعني من دون علمه أصل الخطوبة دي طولت وأنا زهقت منها .
ضيقت والدتها عينيها وهي تتحدث باستنكار 
_ طولت إيه ده كلهم شهرين بتهزري يا ملك 
رسمت ملك بسمة زائفة بلا أي معنى وهي تقول 
_ أنا كدا هرتاح أكتر في التعامل معاه معلش يا أمي زائد هو بيسافر كتير وأنا عايزه يبقى ليا حق أكون معاه في ظروفه دي واساعده .
تنهدت والدتها بهدوء ثم قالت 
_ تمام يا ملك هبلغ هادي عن رغبتك ده إذا مكنش حسان بلغه أصلا .
ابتسمت ملك بصمت وهي تتحاشى النظر لعيني نعمه ثم قالت بنبرة بها ضعف شديد 
_ أنا محتاجه أخرج شويه حاسه إني مخنوقه ...
نظرت لها والدتها باستنكار وهي تقول بنبرة بها شيء من الحدة 
_ تخرجي تروحي فين الطرق متبهدلة من المطر وغير ده أنت تعبانه اقعدي يا نعمه واكليها شكلها مش عاجبني خالتك أم حسان جايه تشوفك وتتطمن عليك أنا مش عارفه أصلا أنت إيه اللي مشقلب حالك كدا .
تحدثت نعمه ببسمة صغيرة وهي تحاول إلهاء حماتها عن ملك التي انخرطت في البكاء وهي تستلقي على الفراش تسحب الغطاء حتى رأسها 
_ ولا فيها أي حاجه ده هما شوية برد وهيروحوا لحالهم أنا عملتلها شوية شربة خضار وهاتبقى زي الفل .
استدارت والدتها للخروج بعد أن حركت عينيها بصمت لنعمه تقول وهي ټضرب كفي يديها ببعضهما 
_ يا مخلفه البنات يا شايله الهم للممات ده غلب إيه ده ولا حد بقى فاهم حاجه في البيت ده .
بعد مرور بضعة أيام ...
كان يقف بثبات يلقي تعليماته بحزم على الفرق الجديدة يدور بعينيه على ملامحهم وهو يقول بنبرة حادة 
_ طبعا عارفين أنتم مقبلين على إيه أنتم من الدقيقه اللي قررتوا فيها تدخلوا الكلية الحړبية وأنتم شهداء في انتظار ميعاد الشهادة اللي خاېف على حياته يتراجع وأنا بنفسي هاكلم الوزير واتابع تعيينه في أي مكتب حكومي وبلاش ينزل للميدان وبالمرتبات كويسه
كان حسان يقف بجواره يضع يديه حول صدره ثم نظر صوب الجنود يردد بصوت حاسم 
_ ها قررتوا إيه .
صړخ الجميع في صوت واحد قوي 
_ هدفنا حماية تراب الوطن ده بدمنا ومكافأتنا الشهادة إن شاء الرحمن .
ابتسم حسان وأحمد لهم بهدوء ثم أشار حسان إلى محمد ليتقدم منهم والذي لبى النداء على الفور وبعد أن أدى تحيته العسكرية قال بهدوء 
_ أوامر ما عليك يا باشا .
ابتسم حسان بفخر ووضع يده على كتفه يقول 
_ الأمر لله ابدأ معاهم بالتدريبات يا محمد ومش هاوصيك الرحمه ...
ردد محمد بحزم وجدية 
_ للضعفاء فقط .
تنفس حسان بصوت مرتفع ثم اتجه إلى أحمد الشارد منذ أيام كانوا يسيرون متجاورين أحمد يضع يديه في جيبي بنطاله يراقب تدرب الجنود بفتور شديد وحسان الذي ينظر له بتهكم وبعد لحظة صمت قال وهو يضع يده على كتفه 
_ وبعدين يا أحمد هتفضل ساكت كدا مالك احكي لي إحنا مش صحاب ولا إيه بقالك أيام ساكت وأنا احترمت سكوتك ومرضتش اضغط عليك وقولت أكيد هياجي ونتكلم بس لا حياة لمن تنادي .
زفر أحمد الهواء بقوة وهو يركل الحجارة أسفله ليقول حسان بعينين ضيقة
_ للدرجه دي مهموم .
وأيضا لم يرد أحمد بل بقى فقط يركل الحجارة واعينه شارده فكر حسان قليلا ثم قال بصوت مرتفع بعض الشيء بعد تذكره لأمر ما كان غائبا عن عقله
_ آه صحيح عملت إيه في حبك الصامت ده ما اتكلمتش مع أهل البنت .
وأخيرا حصل حسان على استجابة منه فقد رفع أحمد رأسه ونظر له بعينين خاويتين وهو يقول بجمود 
_ اتاخرت أوي لأني غبي ضيعتها من أيدي بس أنا مش قادر أنسى عبد العزيز الله يرحمه يا حسان ومن وقت ما خسرناه في المداهمة وأنا دخلت في دور اكتئاب والهواجس سيطرت عليا عبد العزيز كان عريس مكملش عشرين يوم وقصة حبه أنت عارفها كان بيحب عايده قد إيه وبعد سنوات من الحرمان أخيرا باباها وافق عليه .
تنهد أحمد مطولا ثم تحدث بحزن شديد وبرزت الدموع في عينيه 
_ عشر سنين مستني اليوم اللي يجمعهم سوا ماټ بعد فرحه بعشرين يوم مراته اللي ملحقش أصلا يقعد معاها ولا يشبع منها عايده أصلا فقدت عقلها واهي في المستشفى من يومها فات سنه على ۏفاته وهي على حالها وأهلها مش عارفين يخرجوها من اللي هي فيه لأنها كانت مهووسه بيه بتحبه أوي .
صمت أحمد بضعة دقائق وهو يبتعد عن حسان يمسح على وجهه دموعه في حين كان حسان يستمع له بصمت ۏفاة صديقهم عبد العزيز أثرت عليهم كثيرا وكان أكتر المتأثرين أحمد الذي كان أقرب له منه عاد أحمد يهتف بنبرة ضعيفة 
_كل ده شوش تفكيري وخلاني أبعد أنا مقدرش أعيشها في الخۏف ده مقدرتش أنا مش ضامن نفسي ولا عارف ھموت ايمتى وعارف إنها بتعشقني بس مش لازم أبقى أناني عندي اقولها إني بكرهها ولا إني اعذبها بعد وفاتي الفراق صعب أوي وهي مش هتتحمله حرام صغيره لسه على إنها تاخد لقب أرملة