رواية نبض الۏجع عشت غرامي الفصل السادس بقلم فاطيما يوسف

إنتي بتقعدي في البلكونة لابسة ترينج ! وأكيد الحجاب من نص شعرك ومبينة الخصلتين الناعمين ياسكون هانم !
اتسعت مقلتيها بذهول من عمرانها وطريقته المتغيرة كليا معها وأجابته بنفي 
_ لا والله أنا لافة الحجاب على شعري كويس جدا وممبيناش منيه الهوا واصل 
وتابعت نفيها باستنكار
_ وبعدين إحنا هنبتديها من أولها إكده غيرة ملهاش عازة وتحكمات ملهاش عازة .
اتكأ بجزعه واستراح بجسده كي يحادثها بهدوء اعصاب كي لايخيفها منه
_ لع متسميهاش تحكمات عاد ياسكون سميها حب وغيرة على اللي مني واللي محبش حد يبص لهم بطرف عينه واصل 
وخلي بالك عشق العمران مختلف تماما عن اللي بتسمعيه اليومين دول عشق الصعيدي اللي بحق ياحبيبي .
لم يهمها ماقال ولم تهتم بشدة لما سمعته أذناها منه ولكن حينما أنهى كلماته حبيبي وكأن أذناها أطربت وكأن الزمان وقف عند تلك الكلمة ووجدت لسانها ينطق بهمس دون وعي 
_ حبيبتك !
ابتسم لهمسها وأحس بجسده يهتز شوقا من كلمتها حقا كلمة أثارت سريرته فماذا عنكي حينما تستقري بين احضان العمران سكوني وأجابها بعشق جارف 
_ أه حبيبتي وعشقي الأول واللي أول ست تدق باب العمران هو إنتي 
ثم همس بصوت رجولي خشن 
_ سكون .
أجابته بنفس الهمس برقة 
_ نعم .
انطلق فاهه بالكلمة التي انتظرتها سكون أخيرا
_ أني عايز أتجوزك على سنة الله ورسوله عايز أجيب الحاج سلطان والحاجة زينب وأجي أطلب يدك مقادرش أصبر أكتر من إكده واصل .