رواية تمرد في ليلة العمر الفصل الاول بقلم أرواح تائهه
انت في الصفحة 2 من صفحتين
اليوم ده عشان اكسر قلبك زي ما كسرتي قلبي ...وانا عمري ما بسيب حقي يا آية عمري
ادهم ابوس إيديك كفايه
قولتها وأنا بعيط جامد فزعق فيا وقال
كفاية ايه مش دي الحقيقة ...انتي اللي كد بتي وقولتي ان أبوكي دكتور ...قولتيلي أنك عايشة في التجمع رسمتي نفسك عليا ...استعارتي من اهلك ووضعهم ...انتي فاكرة أنك لو قولتي من البداية ان أبوكي ميكانيكي مش هتجوزك!لا انتي عارفة كويس ان القصص دي متهمنيش ...بس أنا بكر ه الكدب يا آية وانتي كدبتي وانا النهاردة اخدت حقي ...
تقدروا تروحوا يا سادة مفيش كتب كتاب ..يالا ..
وبالفعل بدأت الناس تمشي وانا ببص عليهم وبعيط...كنت بشوف أحلامي بتتهد قدام عيوني ...بصيت لادهم اللي كان بيبصلي بقسو ة وقولت بصوت مخڼوق
عمري...عمري ما هسامحك ...
بصلي بقرف وقال
ويالا انتي كمان اطلعي من بيتي ولا أجيب الأمن يرميكي برا ...
قالها ابويا وهو بيقرب منه ..حسيت ان ادهم اتكسف منه شوية فقال ابويا
مكانش فيه داعي تعمل الدراما دي كلها عشان تاخد حقك انت لو كنت جيت وقولت الحقيقة كنت هكسرهالك لكن اللي عملته عيب اووي خصوصا أننا بينا عيش وملح ...
مقدرش ادهم يتكلم وبص للارض ابويا شد ايدي وخرجنا من الفيلا ..
وصلنا البيت ...
ابوس ايديك يا بابا اسمعني بس أنا ....
رفع ايديه وقال
خلاص أسكتي وادخلي اوضتك بهدوء ...
وفعلا مستنتش ودخلت اوضتي ...
تاني يوم
كنت قاعدة في اوضتي وانا بعيط ...مخرجتش منها من الصبح حتى الشغل مرحتهوش ولا أكلت ....اتصالات كتير جاتلي من أصحابي عشان يعرفوا اللي حصل بس أنا مكنتش برد ..مكانش عندي طاقة اتكلم ...
جهزي نفسك هنسافر البلد عند عمك!!
ليه !
قولتها وأنا بمسح دموعي فرد ببرود
عشان خطوبتك هتكون على ابنه الاربع اللي جاي !!!
يتبع.
