رواية دواء الروح الفصل السابع بقلم اماني سيد
اللى فات فات إحنا ولاد دلوقتي وانا الحمد لله قمت بالسلامة والورم اتشال مش هتفرحلى
ابتسم سليمان وقرب من اخوه وضحكله
بس ايه رأيك فى الدكتوره
قولك كده بقى دخلت العمليات عشان الدكتوره هى حلوه بس وشها يقطع الخميره من البيت عليها تبريقه .
هى جد أوى بصراحه. ودى ميزه مش عيب ولا انت واخد على اللى يجرى وراك عشان خاطرى صالحها الدكتورة شاطره وعملت اللى عليها صحيح ماما عامله ايه
الحمد لله
مر يومين وخرج فتحى من المستشفى وبعدها بعت لدكتورة نداء بوكيه كبير من الورد ووصلتهولها احدى الممرضات ووقتها كانت نداء قاعده فى غرفة الأطباء مع نيفين
اتفضلى يا دكتوره نداء
إيه ده
ده بوكيه ورد بعته لحضرتك المذيع اللى عملتيله عمليه فى دراعه
تمام تقدرى تسيبيه
بصتلها نيفين بابتسامة
ايوه بقى
انت دماغك راحت بعيد على فكره
على فكره باين جدا نظراته ليكى
بس انا خلاص قفلت قلبى ومش بفكر في ارتباط أنا أهم حاجة عندى مستقبلى
يا ستى مستقبلك زى الفل ماله بس والراجل محترم مش عشان واحد مش كويس الكل هيبقوا كده وافتكرى انى مكنتش مرتحالهم أصلا من الاول
بس بقيتى حاجه تانيه وأى حد يتمنى يرتبط بيكى بصراحه يا نداء انتى كنتى ظالمه نفسك جدا
عندك حق بس برضو انا حاليا مش مستعده لأى ارتباط
وصلت رنا وطه للمستشفى وانبهرت رنا من فخامه المستشفى
بقولك يا طه هى نداء بتشتغل هنا
شكل مرتبها كبير أوى أوى
أكيد
طيب ليه مكملتش معاها كنت هتستفاد منها جامد وكان ممكن كمان تشوفلك شغلانه هنا وبعدها كنت طلقها
انا كنت عايز منها حاجه معينه وخلاص مالوش لازمه اطول معاها وقتها كنت هنكشف وكل حاجه كانت هتبوظ
ممكن برضو الحمد لله اننا معانا تأمين صحى هنا مكناش هنقدر على كشفها دى
سبها انت بس على ربنا
دخلوا المستشفى وحجزوا كشف نسا وتوليد وفضلوا قاعدين فتره طويله منتظرين دورهم في الكشف وهما قاعدين لاحظت نداء وجود طه ورنا امام غرفه
ابتسمت نداء وحست إنها أخيرا لقت الطريقه عشان تجيب حقها حاولت تمشى قبل ما حد منهم يلاحظها لكن وقفها صوت رنا حاول طه يسكتها لكن رنا اصرت انها تكلمها
لفت نداء وبصتلها بثقه وبإبتسامه
خير
أبدا شوفتك قولت اسلم عليكى عامله ايه يا دكتوره
انتى شايفه ايه
شايفه انك
