رواية وشم على حواف القلوب الفصل الخامس والعشرون بقلم ميمى عوالى

تسالى عنيها
حسنة اديك قلتها اهو بنفسك متربية فى حضنى ليه انت بقى تنسى كل السنين اللى اتربت فيها معايا و فى حضنى و بتفتكر بس انى ما سالتش عنيها النهاردة و بعدين بدل كل الخوتة و الخناق دى .. كنت سالتنى انى ليه ما سالتش
شيخون بتهكم و ماسالتيش ليه بقى ان شاء الله
حسنة و هى تدير ظهرها اليه بامتعاض عشان احمد كان بيحدتنى كل شوية يطمننى عنيها زى ما وصيته و كمان بكر اخوى كان قاعد هنا معايا و غير كل ده و ده دى حتة تعويرة يعنى ماهياش حاجة كبيرة تخض و لا حاجة 
شيخون حتى لو كانت شكة دبوس كان لازما تطمنى عليها 
حسنة مانى اتطمنت مين اللى قال لك بس انى ما اتطمنتش مانى لسه قايلالك انى كنت بتطمن من احمد كل شوية
شيخون بسخرية طفى النور و اقفلى الباب وراكى عاوز انام
حسنة هو كله نوم نوم هو ايه ده من يوم ما حكم رجع من بلاد برة و اتصالحت مع جابر و انت مابقيتش تقعد فى الدار و لا بقيت تعرف عنا حاجة 
شيخون بتهكم متهيالك انى مش عارف حاجة انى عارف كل حاجة بس انتى اللى مش دريانة بحاجة من اصله 
لتنظر اليه حسنة بحذر لتجده ينظر اليها بسخرية ثم وضع رأسه على الوسادة و اتدثر جيدا و هو يشيح اليها بيده لكى تخرج من الغرفة 
فتخرج من العرفة و تغلق الباب خلفها و الغيظ و القلق يتملكانها و لا تدرى ما بجعبة زوجها 
اما رامى فكان يحدث مى بالهاتف حين دخل عليه حكم و كان يقول لمى عموما انا مش هتأخر بالكتير اوى بكرة اخر النهار ان شاء الله هبقى عندك بس مش عارف القطر هياخد وقت اد ايه اجيبلك حاجة معايا
مى لا يا حبيبى ميرسى و عموما اما تعرف هتوصل بالسلامة امتى عرفنى عشان استناك
رامى حاضر و خدى بالك من نفسك .. سلام
و بعد ان اغلق الخط قال حكم انت مصمم برضك تسيبلى العربية ياعم خدها انى هعرف اصرف حالى
رامى اومال انا كنت جايبها ليه استعملها احسن من ركنتها انا اصلا لولا ان ليها معزة عندى كنت بعتها من زمان
حكم بامتنان عموما تشكر و نردهالك فى الافراح ان شاء الله
رامى ورقها كله فى التابلوه و معاهم توكيل عملتهولك امبارح عشان تبقى فى الامان
حكم ماشى يا سيدى كتر خيرك انما انت مستعجل على المشيان ليه اكده ماتخليك معايا يومين 
رامى مانا هرجعلك تانى اما تبتدى تظبط حالك ان شاء الله و بعدين عشان برضة مى لوحدها فى الشقة و لسه مش متعودة عليها
حكم باستغراب و ليه عنديك فى شقتك سايبة الفيلا عند خالى ليه
رامى حصل خلاف كده ما بينهم فسابت البيت و جت قعدت عندى 
حكم و انت وافقتها على اكده مايصحش يا رامى لازما تعرفها انه مهما يوحصل ماينفعش تسيب دار ابوها ابدا
رامى انت عندك حق بس المرة دى مى عارفة كويس اوى هى بتعمل ايه كفاية انها ابتدت تفوق لنفسها و تعرف الصح من الغلط
حكم بفضول ايه اللى حوصل لكل ده
رامى هبقى احكيلك بعدين بس انا دلوقتى عاوز اسمع حكايتك انت يا نمس
حكم حكاية ايه دى 
رامى مش قلتلى انك حبيب قديم و وعدتنى تحكيلى ها احكيلى بقى مغامراتك يمكن اتعلم منك حاجة 
حكم بسخرية بس انى ماعنديش مغامرات تتحكى من اصله
رامى طب قوللى مين هى ام بناتك و اللا حد تانى 
حكم لاا
.. حد تانى 
رامى من هنا من مصر 
حكم ايوة 
رامى بفضول مين بقى 
لينظر اليه حكم بتردد فيقول رامى اوعدك ان مافيش كلمة واحدة هتطلع برة .. وعد شرف
حكم بشرود نجاة 
رامى پصدمة نجاة مراة عمك