رواية ابيض واسود الفصل الثاني عشر بقلم مني محمود بركات

التقرير الحقيقي اللي بيبين اذا كان عصام ماټ مقتول ولا مېت مۏته ربنا وبعدين بقى نتصرف من هنا بدون ما نظهر كلنا في الصوره
بهاء 
ازاي ده 
بكر 
انت كل اللي يهمك ان الناس تعرف ان حق العيلين دول مش بس عند عمر دا عند كل واحد عرف واشترك وداري علي اللي حصل مش كده
بهاء 
مظبوط يا بكر
بكر 
يبقى ما فيش غير طريقه واحده يا باشا لان حتى الطريقه اللي انت كنت عايز تاخدها دي ما كانتش هتعرف الناس حاجه كانوا هيقدروا يداروها مش بعيد انت نفسك كنت تلبس قضيه في ثانيه عشان اي كلام يتقال يكون موضع شبهه منك
مؤمن 
ما تقول الطريقه يا عم بكر شوقتنا
بكر 
السوشيال ميديا البوستات اللي هتغرق الدنيا الصور اللي فيها الدار والعنوان بتاعها باسامي الناس اللي جوه ثلاثي باسامي كل اللواءات اللي عارفه الموضوع صفح كثير بقى تنشر تنزل وتشير وعلى التيك توك وعلى الانستقرام وعلى تويتر ويعني نشوف لك كم واحد كده على اليوتيوب من اللي بيعملوا برامج ومتشافه نبعت لهم السكريبت كده كامل متكامل يحكوه والدنيا كلها هتقوم ومش هتقعد وتبقى قضيه راي عام والناس اللي فوق قوي هتلاقي انها لازم تتصرف وتثبت للناس ان ما فيش حد فوق القانون فالناس دي تتحاسب عشان يطلعوا الناس اللي فوق قوي يقولوا ما فيش حد فوق القانون واحنا جبناهم وحاسبناهم سيبهم ياخدوا اللقطه المهم ان حق الناس دي يجي حتى عصام حقه هيرجع حتى لو مېت من الڠضب والقهره اللي كانت جواه حقه يرجع
مؤمن 
صراحه فكره كويسه بس محتاجه الناس متخصصه عشان تعملها صح وتنتشر بسرعه جدا
بهاء 
انا اعرف ناس كتير بتقدر تفيدنا في الحته دي تصدق معاك حق يا بكر هو ده الطريق الصح اللي هعرف اجيب بيها حقهم
بكر
اي خدمه باشا
مؤمن 
طيب على ما انت تشوف الناس دي هكون انا بكره جبت لك التقرير اللي فيه سبب مۏت عصام ايه ونبدا من بكره نتحرك احنا الثلاثه
بهاء 
بكر انت لازم ترجع انا مش عارف اشتغل من غيرك انا ممكن اشوف لك اي حد ثقه يقعد مع اختك الوقت اللي هتبقى فيه معايا في الشغل
بكر 
من بكره انا معاك يا باشا ما تقلقش اختي بقت كويسه وهي تقدر تاخد بالها من نفسها لحد ما أنا ارجع لها
بهاء
اكيد يا بكر انا مش عايزك تبقى معايا على حساب اختك انا عارف هي غاليه عليك قد ايه
بكر بۏجع
اختي كويسه كويسه اوي يا باشا ما تقلقش
مؤمن 
الف سلامه عليها يا بكر انا لسه عارف والله دلوقتي
بكر 
الله يسلمك يا باشا تسلم
مؤمن 
بس صحيح يا بهاء اشمعنى انا اللي خليتني البس كاب واتنكر وبكر جاي كده عادي جدا
بهاء 
عشان بكر طبيعي جدا ظهوره هنا ... بيجي لي هنا كتير مره مبكونش سامع التليفون أو بيبقى مقفول وبيكون في قضيه مهمه فبيجي عشان يصحيني أو ياخدني للقسم لكن انت مجيتك هنا ما كانتش هتبقى طبيعيه في الوقت ده
بكر
هو انت شاكك انك متراقب يا باشا
بهاء ضحك 
شاكك!! انا متاكد يا بكر هما فاكرين نفسهم ناصحين ومش باينين بس علي مين
مؤمن 
طب ما كدة هيعرفو انك روحت بيت نعمه يا بهاء وهتكون في خطړ
بهاء 
روحت بيت نعمه ونزلت رجعت علي الدار وبعدين عديت علي حسن تاني لفيت كزا لفه قبل ما اجي علي البيت
مؤمن 
طيب ربنا معانا ... انا هنزل
انا الاول وخلي بكر معاك شويه وبعدين ينزل وهبقى معاك على تليفون اول ما اوصل لحاجه
بهاء 
ماشي اتفقنا تسلم يا صاحبي
مؤمن نزل وبعدها ب نص ساعه نزل بكر وبهاء فضل سهران يظبط السيناريو اللي بكر قاله عشان ميسبش اي حاجة للظروف
في فيلا اللواء عبد الرحمن العزاء كان تحت في جنينه الفيلا وفوق في اوضه عمر كانت واقفه شابه في أواخر العشرينات وهو حاضنه صورته ودموعها نازله دخل عليها اخوة عمر ظابط الجيش
انتي واقفه هنا بتعملي اي هو أنا مش قلت منشنفش وشك في اي حته تاني اي خلاص مبقتيش تخافي 
بصتله ودموعها نازله وردت پحده وڠضب
لا مبقتش اخاڤ ... اخاڤ علي اي ما خلاص اللي كنت خاېفه عليه منكم ماټ وراح للاحن مني ومنكم ... مستكتر عليا اقف في اوضته واشم ريحته فيها شويه قبل ما امشي حرام عليكم بقا
لا خۏفت أنا كدة ... بقولك اي يا بت انتي اللي بينك وبينه كان حته ورقه عرفي واتقطعت وخلصنا ولو انتي مش خاېفه علي نفسك خافي علي ابنك اللي مخبياه وفاكرة اننا هبل ومنعرفش حاجة
وشها بهت والړعب ظهر عليها ورجعت خطوتين ل ورا ضحك بانتصار لما شاف حالتها وكمل
عبيطة اوي انتي يا شهد ... فاكرة انك كدة كنتي بتحميه من مرض عمر ... احنا كنا عارفين من زمان بس بصراحة اللعبه عجبتنا لأن مش ع اخر الزمن حفيد اللواء عبد الرحمن يبقي من بنت حرام متربيه في ملاجئ وجاي عن جواز عرفي
يتبع ....