رواية ابيض واسود الفصل السادس بقلم مني محمود بركات

من القاعدة طول اليوم واهو حاجة تساعد شويه عشان الأقساط اللي علينا تخلص بقا
بس كدة كتير عليكي يا بدور تاليا محتاجة مراعيه دي لسه صغيره أنا مش هأمن عليها في حضانه دلوقتي وانتي هتروحي أمتي وترجعي أمتي 
أنا محضرة كل حاجة متقلقش لو علي تاليا أنا اكيد مش هكون مرتاحة وهي في حضانه أنا هسبها مع بابا في البيت الصبح واخدها منه بعد الظهر بشويه الشغل دا لقطة يا امجد المكتب قريب اوي من البيت وانا كل اللي هعمله هدخل بيانات خمس ساعات بس قصاد مبلغ كويس
امجد كشړ 
بس من غير ما تزعلي مني انا مش هكون مطمن عليها بردو عند ابوكي ا
قاطعته بدور 
أنا عارفه اللي قالقك بس اطمن بابا وعدني أنه هياخد باله منها ومحدش من صحابه هيجيله بالنهار ابدا
يا بدور أنا مش عايز اضايقك والله بس انا وانتي عارفين ابوكي كل يوم بالليل بيكون في دينا تانيه من السهر مع صحابه والحاجات اللي بيشربها فرضا أنه هينفذ وعده ليكي ومش هيجيلة حد طول ما تاليا معاه ... تضمني منين أنه هيكون فايق دا بينام بعد الفجر هيصحي ازاي ويراعي طفله تلت سنين بس
أنا عارفة والله كل دا و أنا مظبوطة معاه كل حاجة هخدلة تاليا الصبح نايمة ومعاها حاجتها كلها وغدا ل بابا كمان هو وعدني اني هيراعيها والله انت عارف هو بيحبها اد اي متقلقش اقولك خلينا نجرب اسبوع بس ونشوف اي هيحصل اتفقنا
رد بقله حيله قدام إصرارها رغم عدم اقتناعه 
اتفقنا يا حبيبتي ربنا يستر ... انا هنزل بقا ورايا الحصه الثانيه وعندي تلت دورس انهاردة
ربنا معاك يا حبيبي ويوفقك ويرجعك لينا بالسلامة يارب
وعدي اربع ايام كانت بدور بتنزل الصبح بدري تعدي تاليا علي بركات وترجع تاخدها وتروح تجهز الغدا وتشوف طلبات البيت علي ما يجي امجد اخر اليوم
اليوم الرابع تاليا كانت تعبانة جدا من اول ما رجعت بدور من الشغل بركات قالها يمكن برد في معدتها بس البنت فضلت ترجع كتير وحرارتها عليت الوقت دا كان بكر مسافر اسبوع مصيف مع أصحابه
بدور في اليوم الخامس مقدرتش تسيب تاليا وتروح الشغل وأمجد كان قلقان بس هي طمنته أن دا طبيعي وبيحصل للاطفال في السن دا بس اللي مش طبيعي واللي مرضيتش تقوله ل امجد هو الآثار اللي في جسم بنتها واللي زود شكوكها اتصال بركات ليها
بركات بتوتر 
ايه يا دودو مجبتيش تاليا ليه زي كل يوم راحت عليكي نومة مش كدة 
بدور بشك 
لا يا بابا مرحتش علينا نومة تاليا تعبانة جدا التعب زاد عليها من امبارح ومقدرتش اسيبها
تعبانه لسه يعني ا انا اجيلك طيب اطمن عليها بنفسي
ملوش لزوم