رواية يوم زفافي الفصل السادس بقلم مريم الشهاوي

وجابت شنطة معاها _أنا جبتلك غيار معايا تقدري تنزلي بيه .
فرح بإحراج_أنا آسفة جدا بجد أنا مكسوفة منك أوي.
نورا _يبقى لسه مش معتبراني زي أختك وفاكرة إنك ضيفة عندنا هنا... قولتلك أنت بقيتي من العيلة خلاص.
فرح حضنتها ونورا طلعت برا عشان فرح تلبس
نورا_أنتو نازلين دلوقتي
يامن_أيوة.
نورا_خلي بالك منها... متزعقلهاش يا يامن.
يامن_طبعها صعب... وبتستفز الواحد بسرعة.
نورا_معلش... إستحملها... هي برضو شافت كتير أنا أه معرفش حكايتها بس اللي أعرفه إنها ست وحد جيه عليها وربنا مش بيرحم أي حد ييجي على ست أبدا.
يامن_أنا بساعدها لإن ده واجبي لكن عمتك فاهمة حاجة تانية .
نورا_قالتلي... وهو أنت فعلا بتساعدها عشان ده واجبك وبس
يامن_نورا متجنينيش... أنت أختي وعارفاني كويس دي مجرد بنت عادية صعبانة عليا ومشفق على اللي جرالها هجيبلها حقها وتغور بقى وبعدين نسيتي إني محتاجها عشان تطلعني من القضية اللي اتورطت فيها بسببها 
نورا_إن شاء الله خير والموضوع هيخلص بسرعة.
محدش فيهم أخد باله من فرح اللي واقفة وسامعة كلامهم الأخير بالصدفة وحست بشعور وحش أوي دخلت أوضتها وحاولت تاخد نفسها بصعوبة ندمت إنها إستعانت بحد ياريتها ما كانت طلبت مساعدة من حد مش عايزة حاجة منه هي مطلبتش منه حاجة.... كانت عايزة تمشي من ساعت ما خبطت عليه وهو مرضاش..لحد ما اتدبس في مشكلة مع عماد هي مش عايزة منه مساعدة... هو مش هاممها ولا هي تهمه أي موقف هو عمله بين فيه إنه مهتم فدي كانت شفقة ...شفقة عليها ولإنه متدبس معاها في مشكلة ...لا يا يامن أنا بعفيك من مشاكلي كانت متنرفزة وبتاخد نفسها بالعافية ومرة واحدة دموعها نزلت بحړقة هي حست بشعور وحش أوي حسسها إنها تقيلة وده أكتر شعور بيوجع البني آدم وخاصة فرح لإن نفسها عزيزة أوي قعدت ټعيط كتير .
عماد صحي من النوم حلمان بأبوه بيعيط وبيقوله _خدلي حقي.
قام مڤزوع ودخل أوضته السرية ماسك صورة أبوه وقاعد علأرض بيعيط _... كلهم يستاهلوا...يستاهلوا اللي بيحصلهم.... الفلوس... مستعدين يبيعوا كل حاجة في مقابل الفلوس كلهم... إلا فرح.
كشړ وهو بيتكلم_فرح الوحيدة اللي مرمتتني وراها ثقتها وقوتها خليتني أحطها في دماغي وأجيب مناخيرها الأرض وأتجوزها بالعافية هي بتاعتي _
يامن خبط علأوضة بتاعت فرح بس محدش فتح 
يامن_فرح... خلصتي... فرح!
قلق وفتح الأوضة مرة واحدة بس فرح مكنتش موجودة !!

متنسوش تصلوا عالنبي