رواية تزوجت امرأة صعيديه الفصل الثاني والعشرون بقلم دينا عبدالله

فصل هديه للحلوين 
وسابها وطلع وقفل الباب كويس وراه وطلع من الاوتيل ركب عربيته ومشى.. كان اكرم في عربيته بيراقب مسلم من بعيد.. طلع تلفونه ورن وقال بخبث هو في الطريق.. اعملي زي ما قولتلك بالظبط وفي الاخر هديكي مبلغ عمرك ما كنتي تحلمي بيه
جميله بخبث حتي لو من غير مقابل هو بهدلني وهزأني قدام مراته المعفنه دي وضړبني.... بس انا هخليه يندم وهرد له بدل الكف الف بس بطريقتي
اكرم بخبث ممتاز.... مستني اسمع الخبر منك
جميله تمام يا برنس
قفلت مع اكرم وهي بتبتسم بخبث وقالت هنشوف حبيبت القلب بتاعتك دي هتعمل معاك ايه

وصل مسلم الحفله... رحب بيه كمال وبقية الشله بتاعته وبدأو يحتفلوا
دخلت جميله الحفله وكانت لابسه فستان اسود قصير وديق ومفتوح من الضهر.. بصت في كل مكان لحد ما وقعت عينها علي مسلم ابتسمت بخبث وراحت باتجاهه
وقفت النادل اللي كان رايح يقدم العصير لمسلم وخدته علي جنب من غير ما حد ياخد باله... طلعت له فلوس وحبة من البرشام وقالت حطها في العصير بتاعه و اوعي تغلط
خد منها الفلوس... وفرك البرشامه بصباعه و دوبها في العصير وراح حطها قدام مسلم
خدها مسلم وكان رايح يشرب بس منعه كمال وقال عصير يا مسلم.... ما تفك شويه وخش علي الكبير
مسلم لا لا مليش فيه خليهولك
كمال كاس واحد مش هتخسر حاجه... ولااا المدام مسيطره عليك
مسلم بضيف اتلم ياد... انا عمري اصلا مشربت القرف ده
رد واحد من صحابه وقال بسخريه قرف.... انت لو جربته بس مش هتقول عليه كدا تاني
مسلم لا مش عايز اجرب
وبداء يشرب في العصير.. وجميله بتراقبه بابتسامة خبيثه
الحاج احمد والله يا بني هشوف راي بنتي ايه وارد عليك
قامت غاليه وراحت دخلت اوضة مي وقالت لها اي يا بنتي باباكي مستني ردك موافقه ولا لا عشان يرد عليهم
مي موافقه يا ماما
فرحت غاليه وباستها من راسها وقالت ربنا يكملك علي خير يا بنتي
طلعت وهزت راسها للحاج احمد ف عرف ان مي موافقه فقال بما ان بنتي موافقه وانت باين عليك ابن ناس وابن اصول ف ربنا يتمملكم علي خير ان شآء الله
محمود العريس وانا جاهز يا عمي لاي حاجه تطلبوها
الحاج احمد من هنختلف علي حاجه ان شآء الله
سيد والد محمود بس ياريت يتم الفرح خلال الشهرين دول لان ابني جاله شغل كويس اوي خارج مصر وبالنسباله دي فرصة العمر فلو كل حاجه تمة خلال الشهرين دول وياخد عروسته ويسافره مع بعض يبقي احسن
غاليه بدهشه خارج مصر فين بالظبط
سيد في ايطاليا
غاليه بدهشه ايطاليا.... وبنتي تبعد عني كدا ولا اشوفها ولا حتي اطمن عليها
محمود والله ڠصب عني عشان شغلي بس متقلقيش هنيجي نزوركم علي طول وتقدري تكلميها في التليفون ف اي وقت
الحاج احمد بتفكير طيب