الحلقة 3 احداث_خاصة من مسلسل بتات العروسة الكاتبة أميرة سليمان
.و اني ماشيه في طريق نبي نعرف بس من دار هكي من حړق بتاتي و سرق فلوس خطيبي من هذا لي خرب حوشي و حياتي و حړق فرحتي قبل ما ېحرق بتاتي انزلت نجري اني و بوي و خوي قعمزنا نراجو لين شرطي قال اطلعوا تعرفوا عليه لما شفته جيت طايحة و نرعش و نبكي و نعيط ب حرام عليك لا حرام عليك تي اني لي ربيتك اني لي كنت نرفع فيك للمدرسة اني لي ندلع فيك و نشري ليك في كل شي تي اني لي كنت نسهر على راحتك لما كنت مريض تي اني كل شي ندس حصتك منه تي علاش بس علاش بس شن سبب لي خلاك دير هكي لين جيت طايحة و الكل يقيموا فيه صدمة كبيرة و فاجعة منين ألقيت ولد اختي مراهق لي ربيته اني و أمي و اخواتي و نعتبروا فيه ولدنا هو ل دار هكي الولد ل عمره 16 سنة بس دمر حياتي كلها و خرب حوشي و خرب فرحتي و خلى عرسي و حالي كله يوقف
نشبح فيه غير يبكي و خاېف و مش قادر يرد الا ب كلمة وحده هي لي خلتني نجمد في مكاني منين قال أمي يا خالتي و الله أمي هي لي قاټلي دير هكي اني ب صوت عالي ابديت نعيط عليه ب معاش تكذب خلاص معاش تكذب أمك مستحيل تقولك هكي ابديه يحلف ي قولي هي أصرت تمشي معاك و ترفعك لل بوتيك إمتاع الفيلوات البعيد مش تبيني نأخد راحتي و قاټلي كان دير هكي و تجيب الفلوس نشري ليك كل شي تبيه سيارة و ايفون بوي لين داخ من لي سمعه ركبنا خوي و ماشين في اتجاه حوش اختي و خوي يسوق بسرعة و يعيط ب مستحيل و اني في طريق نتفكر لما كيف ليها فترة تنق عليه و تقولي خودي من هذا بوتيك حاجته حلوة و أصرت تمشي معانا رغم كانت ترضع في بنتها و كيف في طريق كل مرة تنزل فينا لي محل و اقعدت نقول غير مرات ولدها ېكذب اكيد يتبلى عليها و علاش اصلا بدير هكي شن سبب ل يخليها دير هكي ف اختها و هي متزوجة ب صغارها خشينا لي طريق ترابيه ل ترفع ل حوشها و اني دموعي ينزلوا و نكلم فيها م ترديش عليه نهائي خشينا للطريق و قلبي يدق بسرعة نبي نسألها و نريح بالي أوصلنا للحوش كيف خوي بيدرس قدام باب الحوش نشبح في بنتها صغيرة واقفة في فم باب الحوش و تبكي و باب الحوش مفتوح أنزلنا نجروا مش فاهمين شي و نادوا فيها ما ترديش و البنت نسأل فيها أمك وين و هي تبكي مش فاهمه خيرها اني و شن فيه خوي و بوي خشوا يدوروا فيها و اني ندور لين نتلفت يميني و صدمة
