رواية ماساة حورية الفصل الرابع عشر بقلم فريدة احمد

خرجت بسرعة من اوضتها وهي بتقول.... نعم 
محمد..... شوفي اللي حورية ورشا كانو بيعملو في البيت واعمليه انتي يلا
سمر هزت راسها بطاعة وقالت... حاضر 
وابتدت ترتب البيت وهي متضايقة 
اما قدرية بصتله وقالت بضيق.... يعني ايه خلاص ركبت مراتك علينا 
محمد..... مش هقولك تاني ياما. طلعي حورية من دماغك 
هي بتعمل حاجتها في شقتها ومش مجبرة تعملك. عندك بنتك اهي.. هي مش صغيرة 
واتجه للباب وخرج
وقدرية كانت بتقول في نفسها بتوعد... ماشي يابن بطني 
وكملت بغل.
.. ان ما خليتك ترميها لكلاب الشوارع بنت سهام مبقاش قدرية 
شوية وحورية نزلت واللي اتجاهلت قدرية تماما كانها مش موجودة وخرجت
فتحت البوابة الكبيرة واللي المفروض بتقفل علي بيتهم وبيت عمهم اللي يعتبر في نفس المكان لكن البيتين منعزلين عن بعض 
حورية اتفاجأت ب عاصم في وشها داخل واللي كان واضح جدا عليه انو كان سهران برا ولسه راجع 
عاصم بحب.... حورية. ازيك
حورية.... كويسة 
وراحت تمشي علطول
لكن عاصم مسك ايدها وقال.... انتي وحشتيني ياحور. 
ورفع ايده علي شعرها وهو بيبصلها بحب وقرب عليها وهو مغيب لانه كان شارب كتير ومكانش فايق اوي وبيقول... وحشتيني اوي
حورية شدت ايدها منو وبعدت عنه و پغضب... وحش لما يلهفك
كملت بتحذير.... عاصم. ابعد عني احسلك انا مش نقصاك 
وسابته ومشيت پغضب
لكن عاصم فضل واقف يبص علي اثرها بشرود وهو بيقول بإصرار..... هتكوني ليا في الاخر ياحورية كده كده. صدقيني هعمل المستحيل علشان ارجعك ليا تاني ياحبيبتي
...............
تاني يوم
جرس الباب ضړب 
راحت قدرية تفتح الباب لاقت مندوب قدامها ومعاه اكياس كتير 
مساء الخير
قدرية باستغراب... مساء الخير
الاولدر ده باسم 
ولسه هيكمل قدرية قاطعته وقالت.. لا اكيد غلطت في العنوان احنا مطلبناش حاجة 
في اللحظة دي نزلت حورية من علي السلم وقربت ليهم وهي بتقول.... انا اللي طالبة ياحماتي 
واخدت الاولدر من المندوب وحاسبت عليه 
قدرية كانت بتبص بزهول للاكياس الكتير واللي كان واضح جدا انهم براندات غالية 
اخدتهم حورية بعد مابصتلها بلامبالاه من صډمتها وطلعت 
قبلت رشا اللي كانت نازلة من علي السلم 
بصت لدراعها المتجبس بشماته و قالت بشفقة مصتنعة .. سلامتك. تعيشي وتاخدي غيرها. وبعدين دي حاجة بسيطة. 
وكملت طلوع وهي بتقول ببرود... عاوزاكي بقا تجمدي للجاي لاني شكلي قربت اكشف المستور
هي طلعت ورشا نزلت وهي جواها خوف شديد من اللي ممكن تعمله حورية
قربت وقعدت جمب قدرية وهي تايهة
قدرية.... عاملة ايه النهاردة
رشا بصتلها وقالت بضيق... هكون عاملة ايه دراعي زي ماانتي شايفة. 
كملت بغل وحړقة ... منه لله ابنك. حسبي الله ونعم الوكيل. ربنا يجازي.. 
قاطعتها قدرية پغضب وقالت.... اااخرسسييي قطع لسانك 
بتحسبني علي ابني وبتدعي عليه في وشي. دا انا اقطعلك لسانك يابنت المهبوشة انتي 
رشا.... وهو اللي عملو فيا ده شوية بيضر بني قدامكو ويكسرلي دراعي 
قدرية.... تستاهلي وعنده حق. وهو في واحدة تعمل في ابنها كده. ايه يابت الجحود ده 
رشا... انا اكيد