رواية عيسي القائد الفصل الرابع عشر بقلم اية محمد

كانت تلك اللحظة قاسېة علي عيسى ولكنه لم يستطع سوي الشعور بالڠضب والكره الذي كتمه بنجاح في داخله واظهر البرود التام وهو يقف امام والده يقول بسخرية 
مجدي!! مالك كدا متلهوج لتكون بتعمل مصېبه! ..
نظر مجدي تجاه عيسى پصدمة فتلك هي المره الأولي التي يلتقي بها ب عيسى منذ سنوات طويلة اللقاء المنتظر بين الإبن وأبيه قد آتي وآخيرا...
عيسى!! أنت اي اللي جابك هنا! مش عملت اللي أنت عاوزه وخدت أختك! ..
فضلت عمري كله بتجنبك علشان لحظة ما هشوفك مش هعرف ارجع عن قراري إني أربيك خلي الكل يشهد بقي عن إبن هو اللي هيعاقب أبوه عن كل عمايله السودا سواء فيه او في اخواته التلاته أو في كل ست اتجوزها ورماها أو في اللي عملته في حنة واللي أنت عاوز تعمله وتكرره تاني مع كل بنت من دول!! ..
ضحك مجدي يقول بسخرية 
أو في اللي هعمله في فردوس!! مش تبارك لأختك يا عيسي لسه مكتوب كتابها من نص ساعة ....
أجابه عيسى بسخرية 
و دي تفوتني بردو يا مجدي!!! ما أنا عارف يا جدع و عارف كمان إن رجالتك دلوقتي وصلوا شقتي متخافش في هناك اللي هيقوم معاهم بالواجب و يسقيهم شربات كمان ..
برغم ڠضب مجدي إلا أنه أجاب بثقه 
والله هتخبيها مش أنا اللي هجيبها يا حبيبي جوزها اللي هيجيبها بالقانون عادي أنا أبوها ويحقلي أجوزها ..
ابقي إقرا في القانون الأول يا مجدي وبعدين ابقي تعالا كلمني ...
ظل مجدي يراوغه حتي يستطيع حراسه تهريب الفتيات من باب خلفي ولكن كان قاسم في استقبالهم وتعالى صوت تبادل النيران وعلي اثره رفع مجدي سلاحھ بوجه عيسى...
صدقني انا ورايا ناس تقيلة أوي! ..
وراك مين! الشيخ صبيح اللي جوزت بنتك لإبنه متقلقش هما الإتنين دلوقتي مقبوض عليهم وقريب هتشرف معاهم في ابو زعبل يلا بقي نزل السلاح دا بدل ما تلبس قضية قت ل لإبنك الغير شرعي و تبقي فضيحتك بجلاجل علي كل لسان مش مقامك يا جدع ټموت مشنوق بعد كل دا ...
صاح مجدي بحنق 
مش هسيبك يا عيسى والشيخ صبيح مش هيسيبك وأوعي تفكر إن قضية تافهه زي دي اللي هتقعدني في السچن بكرا أطلع وكله هيجي علي أختك في الأخر ..
ابتسم عيسى يقول ببرود 
هنشوف يا مجدي صدقني فردوس أنا خبيتها ورا سور كبير أوي لو راجل وريني هتوصلها إزاي ...
تحرك عيسى وأخيرا من أمامه بينما أقتربت رجال الشرطه وقيدوا مجدي ومن معه لينتهي أمره بالذهاب للسجن...
قال عيسي بتعب 
عندنا اجتماع في الشركة كمان ساعة.. متتأخرش ثانية واحدة ...
أومأ منتصر بهدوء 
أوامرك يا قائد.. .
الباشا بعتني أرجعكم الشقة بس هو قالي لو حابين تفضلوا في القصر براحتكم ..
أقتربت زمرد تسأله پخوف 
هو عيسى كويس ..
قال الحارس بإحترام 
أيوا يا هانم متقلقيش العصابة إتقبض عليها والباشا اتحرك علي الشركة وقالي ابلغكم بالرسالة دي ..
قالت زينات بهدوء 
إحنا هنرجع الشقة يا ابني ..
أوامرك يا ست هانم .. هستناكم ..
تحرك الحارس للخارج فعادوا للجلوس من جديد كما فعلوا طوال الليل بجوار بعضهم البعض تواسي كلا منهما الأخري.... 
أقتربت زمرد من فردوس تمسك بيدها 
لعله خير يا فردوس المهم إنك بخير يا حبيبتي ولحقنا الموضوع متتعبيش نفسك وسيبي أمورك لله ..
كانت فردوس شاردة فرفعت عينيها بتعب تري الجميع يواسيها هي التي اعتادت علي رسمة البسمه علي وجوه من