رواية حالة الاقدار الفصل الثالث عشر بقلم رغدة

تجلس وداد تتناول افطارها وتنظر لساعتها 
حنان صباح الخير يا ماما 
وداد صباح النور ... اقعدي 
جلست حنان لتسأل خير يعني ملكيش بالعادة تكلميني 
نظرت لها وداد بحدة وقالت اعملي حسابك الليله هتخرجي معايا .... تكوني جاهزة الساعة تمانيه 
حنان بس يا ماما انا هخرج مع اصحابي 
ضړبت وداد الطاولة بيدها وتحدثت معها بصرامه انا لما اقول كلمه تتنفذ ... صحابك دول تنسيهم ... الشغل اهم منهم 
حنان بانفعال شغل ايه ده ... وانا من امتى بتدخل بشغلك
وداد من النهاردة .. وتنفذي اللي بقولهولك من غير نقاش ... هبعتلك فستان شيك ابقي البسيه 
حنان انا هلبس من الهدوم اللي عندي ... ولو مش عاجبك هنزل اشتري 
وداد وهي تهم بالمغادرة لا انتي هتلبسي اللي انا اقول عليه وتمانية بالثانية تكوني جاهزة
عادت حنان لغرفتها لتستلقي على سريرها وهي تفكر ماذا تريد والدتها
في المساء كانت حنان ترتدي فستان احمر اللون قصير يظهر منها أكثر ما يستر لتأخذها والدتها معها لحفل عشاء يضم رجال الأعمال ونخبة المجتمع الراقي وأخذت تعرفهم على ابنتها وهي ترسم ابتسامة دبلوماسية على وجهها 
كانت اعين الرجال تكاد تخرج من محجرها وهم يتفحصون جسد حنان بنظرات اقل ما يقال عنها نظرات مقرفة
طلب منها أحد الرجال الرقص ولكنها رفضت فرمقتها والدتها بنظرة جعلتها توافق على مضض 
كان الرجل من عمر والدها بدأ يراقصها ويده تتلمس جسدها بجرأة كبيرة . ... شعرت بالتقزز من تصرفه فازاحت يده عنها پعنف وخرجت من المكان بعصبية تاركة والدتها تتآكلها الڼار من تصرف حنان الغير لائق من وجهة نظرها
عادت وداد بعد ساعات لتدخل غرفة حنان بعصبية انتي ازاي تعملي كده 
حنان بنفس العصبية والصوت المرتفع عملت ايه انتي مشوفتهوش كان بيعمل ايه 
وداد بيعمل ايه دي يا دوب رقصة ... انتي عارفة الراجل اللي مش عاجبك ده كان هيكسبني قد ايه 
حنان باستنكار يكسبك طب وانا 
وداد انتي ايه ... ما انتي عايشه احسن عيشة وبتلبسي احسن لبس ... مش احسن من عيشتك مع الواد اللي كنتي متجوزاه .. وبعدين يا هانم الصرف اللي بتصرفيه من غير ما تهتمي ليه تمن 
حنان وهي تقترب من والدتها حتى اصبحتا بمواجهة بعض تمن ايه ده يا ماما ... اني اسيبه ېلمس جسمي بالشكل المقرف ده 
وداد يوووووو هو ده جديد عليكي ... ما انتي كل ليله مع صحابك للصبح وبتعملي اكتر من كده.... ولا انتي فاكرة اني نايمه على وداني 
حنان وهي لا تصدق ما اردفت به والدتها يعني انتي عارفة اني غلط وكمان بتعايريني .... لا و كمان عاوزة تستغلي جسمي بصفقاتك 
صڤعة على وجهها جعلت صډمتها تزيد بصي يا بت انتي شغل الافلام الأبيض واسود اللي بتعمليه ده توقفيه واللي اقوله يتنفذ ... بكرة هتروحي معايا وتعتذري من الباشا ولو تصرفتي أي تصرف مش هيعجبني متلوميش الا نفسك 
خرجت وداد صافعة الباب خلفها پعنف تاركة حنان تبكي على ما يحدث 
أهذه والدتها التي من واجبها أن تحميها ... ان تخاف عليها .... ان توجهها للمسار الصحيح أن أخطأت 
مر الليل بطوله ولم تغمض لها عين وهي تقارن ما بين والدتها وبين علي الذي كان يحبها لا بل يعشقها ېخاف عليها ويحميها يصبر عليها ويحتويها
وفي اليوم التالي نفذت حنان ما طلبته منها والدتها بعد نقاش طويل انتهى بټهديد والدتها لها بقطع المال عنها ومنعها من الخروج 
كانت سهرة كما الليله التي سبقها ولكن العدد كان قليل كان ذلك الرجل ينتهز الفرص للتقرب منها بطريقة غير لائقة وعيون حنان على