رواية رحله الى الچحيم الفصل الخامس عشر بقلم اميره اسامه

هو بيحبها ازاي صدقيني هو ده الحل.
هبه...اخيرا نطقت حل ايه بس يا ماما لا طبعا المفروض نادر ده لو اخر واحد فالدنيا متطلبوش منه حاجه وبعدين نادر مش هيعمل اي حاجه حتي لو في ايده يساعدها هو بالنسباله داليدا وحاتم انا اسفه يعني خانوا وهو راجل عمره ما هيسامح وبعدين انا شوفته لما جه هنا وحضرتك تقريبا طردتيه اكيد مش هيعدبها يعني ولا هيقبل يساعدك...والاهم من كل ده نادر ده اټجنن خالص وتتوقعوا منه اي حاجه وحشه اوعوا يغركم كلامه انه اتغير واتعالج والكلام الفاضي ده المچنون مبيتعالجش...حتي لو وافق ازاي هتقدروا تأمنوا ليه مش يمكن يوصلهم فعلا ويطلع مفيش فيهم اي حاجه وهو لما يشوفهم مع بعض يأذيهم انا بصراحه مش مع الافتراح ده...
امينه...بتفكير كلامك مقنع يا هبه بس بردو حل فاطمه معقول نادر هو الامل الوقت يمكن فعلا نادر غلط في حق داليدا وحاتم ويمكن انا اضايقت منه وشجعت داليدا عالانفصال بس ده عشان هي بنتي وخۏفت عليها من حالته النفسيه مع ان نادر كان اكتر شخص بحبه في صحابها واكتر حد كنت مطمنه وبنتي معاه والاهم من كل ده يوم ما جالي انا حسيت بصدق كلامه جدا بس كان لازم اعمل كده يمكن انا لحد الوقت بتمني بنتي ترجعله في يوم بس هو لازم يتأدب عشان يقدر يحافظ عليها عشان كده عاملته بالطريقه دي..
هبه...والله براحتكم انا قولت رأيي مش اكتر اللي انتوا شايفينوا صح اعملوا بس بردو فكروا لو نادر وصل لداليدا داليدا هيكون رد فعلها ايه..
امينه....انا ميهمنيش اي حاجه الوقت غير اطمن عليهم وبس بعد كده اللي يحصل يحصل
فاطمه...يعني هتعملي اللي قولتلك عليه.
امينه...هاتيلي الموبايل يا فاطمه انا هكلم نادر.
جريت فاطمه بفرحه تجيب الموبايل. ورجعت ادتهولها
خدت منها امينه الموبايل وخرجت بره في الجنينه تكلمه اتصلت عليه وفضلت مستنيه رده....
...........
في إيطاليا كان اعد نادر عالمرسي زي ما اتعود من وقت ما جه إيطاليا وعرف انهم طلعوا بيخت لجزيره وهو كل يوم يصحي يروح علي هناك ويمشي بليل اتردد كتير علي إيدن يتأكد من المعاد اللي المفروض يرجعوا فيه كان بيقوله انهم المفروض رحلتهم خمس ايام ويرجعوا حس نادر بقلق لكن
فكر انهم ممكن يكونوا مدوا رحلتهم كام يوم كمان ..وفضل يروح كل يوم مستني رجوعهم...في وسط شرود نادر في كل ذكري جمعته بداليدا رن موبايله
طلع نادر موبايله من جيبه واستغرب اول ما ظهر ادامه رقم امينه...فتح بسرعه الخط
نادر...الوووو مدام امينه...طبعا نادر كان متعود يناديها بأسمها من غير اي ألقاب بس بعد انفصاله من داليدا رجعت المعامله بينهم رسميه...
امينه... ايوه يا نادر
نادر...ازي حضرتك
امينه...الحمد لله
نادر....في حاجه يعني غريبه انك تكلميني
امينه...بصوت مهزوز مهدد بالبكاء..نادر انا محتاجه منك خدمه اتمني انك توافق ومقابلتك معايا اخر مره وطريقتي متأثرش علي طلبي ده.
نادر...بقلق لا طبعا بتقولي ايه بس انا عارف ان اي معامله بتعامليهالي ده خوف علي داليدا وعمري ما زعلت منك انتي عارفه غلاوتك عندي وعارفه انك بالنسبالي كنتي امي التانيه..
نزلت دموع امينه....وانا محتجاك اوي يانادر
نادر...بقلق كبير في ايه يا امينه انتي كويسه داليدا ودوللي كويسين.
امينه...داليدا ودوللي وصحابكم سافروا مع بعض ايطاليا..
نادر...عارف يا امينه او عرفت بعد ما مشيت من عندك وسافرتلهم كمان 
امينه...بلهفه انت شوفتهم اطمنت عليهم
نادر...لا لسه مشوفتهمش انا تقريبا عرفت مكانهم بس لسه متقابلناش بس قوليلي في ايه 
امينه....اخر مره داليدا كلمتني كان من حوالي 9 ايام قالتلي انهم وصلوا لجزيره في ڤينسيا